SAN LUCAS 12:57 - Chatino Tataltepec

⁵⁷ ’¿Ni cha' laca ná nchca quiñi tso'o cha' ji'i̱ ma̱ lo'o tya'a ma̱?

SAN LUCAS 12:57 Referans Kwoze

SAN JUAN 7:24

Ná tso'o cua'ni cuayá' ma̱ ji'i̱ sca ñati̱ lo'o ña'a̱ ti ma̱ ji'i̱ ―nacui̱ yu―. Ñi'ya̱ nu tyu'u liñi cha' ji'i̱ sca ngu', jua'a̱ cua'ni cuayá' ma̱ ji'i̱ ngu' tso'o la.

1 CORINTIOS 11:14

Nu na ñati̱ chalyuu na, cua jlo ti' na ñi'ya̱ ña'a̱ quicha̱' hique na. Jua'a̱ laca cha' ji'na, ntyuju'u tsa ti' na si tonu tsa quicha̱' hique nu qui'yu.

SAN LUCAS 21:30

lo'o ña'a̱ ma̱ cha' cua ntyucua laca', li' nchca cuayá' ti' ma̱ cha' cua ngulala ti caca ni tyo.

SAN MATEO 21:32

Nu lo'o ñaa jyo'o Juan bi' ni, xcui' cha' liñi nchcui' yu lo'o ma̱. Liñi tsa ngua'ni yu, pana ná ngua'ni cuentya ma̱ tsiya' ti ji'i̱ cha' nu nchcui' yu lo'o ma̱. Lo'o nu ngu' cuxi nu nxñi cñi cña loo ngu' ni, cua ndaquiya' ngu' bi' ji'i̱ cha' nu nchcui' Juan bi' li'; jua'a̱ nu cuna'a̱ calle bi', ndaquiya' ngu' ji'i̱ cha' nu nchcui' Juan. Masi cua na'a̱ ma̱ ñi'ya̱ jlya ti' nu ngu' cuxi tyiquee bi' cha' nu ngulu'u Juan, ná nchca caca tyuju'u ti' ma̱ ji'i̱ qui'ya nu ntsu'u ji'i̱ ycui' ca ma̱, xqui'ya cha' ná ngusñi ma̱ cha' nu nchcui' Juan bi' tsiya' ti.

LOS HECHOS 2:40

Tya quiña'a̱ la cha' nchcui' Pedro lo'o ngu' li'. Liñi tsa ngulo yu cña ji'i̱ ngu': ―Xtyanu ma̱ ji'i̱ ñati̱ nu ndu'ni xcui' cha' cuxi ―nacui̱ yu ji'i̱ ngu'.

SAN MATEO 21:21

Li' nguxacui̱ Jesús cha' ji'i̱ ngu' bi': ―Cha' liñi nchcui' na' lo'o ma̱ juani ―nacui̱―. Si chañi cha' jlya ti' ma̱ ji'i̱ ycui' Ndyosi, si si'i cha' tucua ti cha' ntsu'u tyiquee ma̱ nchcui' ma̱ lo'o Ni, lo'o cu'ma̱ caca ji'i̱ ma̱ cua'ni ma̱ sca cha' tlyu jua'a̱. Si'i cha' quityi sca yaca ti chcui' ma̱ lo'o ycui' Ndyosi li', masi taca chcui' ma̱ lo'o ca'ya jua ndi'ya̱: “Tyu'utsu' nu'u̱, yaa xcua nu'u̱ nde lo hitya tyujo'o”, ñacui̱ ma̱ ji'i̱. Lo'o li' jua'a̱ caca ji'i̱, cha' tyu'utsu' ca'ya bi'.

1 CORINTIOS 11:13

Ycui' ca ma̱ cacha' liñi ma̱ 'na si tso'o nti' ma̱ cha' chcui' sca nu cuna'a̱ lo'o ycui' Ndyosi lo'o ntucua yaala ti hique nu cuna'a̱ bi'.