SAN LUCAS 12:48 - Chatino Tataltepec

⁴⁸ Pana chaca msu nu ná ngua cuayá' ti' ni cña ngulo xu'na yu ji'i̱ yu, xti la cha' chcube' yu bi' li'; jo'o la xi quiji'i̱ xu'na yu ji'i̱ yu, masi ndacui cha' chcube' lye yu xqui'ya cña nu ná ngua'ni yu bi'. Nu lo'o ta ycui' Ndyosi tyu̱u̱ lo cha' ji'na, jua'a̱ tyu̱u̱ lo cña ndu'ni cha' cua'ni na cuentya ji'i̱ Ni; la cui' ti cha' lo'o xtyanu ñati̱ quiña'a̱ tsa cña ji'na, li' ndu'ni cha' cua'ni na quiña'a̱ la cña cuentya ji'i̱ ngu' bi'.

SAN LUCAS 12:48 Referans Kwoze

SANTIAGO 3:1

Cu'ma̱ tya'a ngusñi na cha' ji'i̱ Cristo, ná tso'o si tyu̱u̱ tsa tya'a ma̱ culu'u ma̱ ji'i̱ tya'a ñati̱ ma̱; cuayá' xti ti na caca na mstru nu culu'u cha' ji'i̱ ycui' Ndyosi ji'i̱ ngu' tya'a na. Cua jlo ti' ma̱ cha' lye tsa ndi'i̱ loo ngu' ña'a̱ ngu' ji'na, bi' cha' yala tsa chcui' ngu' ji'na si xñi na cña cha' culu'u na ji'i̱ ngu' tya'a na.

SAN JUAN 15:22

’Ná ntsu'u qui'ya ji'i̱ ngu' bi' lo'o bilya ca̱a̱ na' chcui' na' lo'o ngu'; pana juani ni, nga'aa cua'ni clyu ti' ycui' Ndyosi ji'i̱ ngu' bi' ji'i̱ cha' cuxi nu ndu'ni ngu'.

SAN MATEO 13:12

Ñati̱ nu jlya ti' cha' nu nduna ngu' ji'i̱ ycui' Ndyosi, tya ta la Ni cha' lo'o ngu' bi', cha' jua'a̱ tso'o la xñi ngu' cha' ji'i̱ ycui' Ni; pana ñati̱ nu ná jlya ti' cha' bi', nu ná nti' taquiya' ngu' ji'i̱ cha' bi', cua'ni ycui' Ni cha' ná caca ji'i̱ ngu' xñi ngu' cha' ji'i̱ ycui' Ni tsiya' ti.

1 TIMOTEO 1:13

Ngusubi Ni jna', masi suba' tsa nchcui' na' ji'i̱ Ni cua sa'ni la, tyempo lo'o nguxcube' na' ji'i̱ ñati̱ ji'i̱ Jesucristo; tyaala tsa na' nu ngua li'. Pana ná jlo ti' na' tyempo bi', cha' bilya xñi na' cha' tso'o ji'i̱ ycui' Ndyosi, bi' cha' ngua tya'na tsa ti' Ni jna'.

LOS HECHOS 17:30

Cua ndalo tsa tyiquee ycui' Ndyosi ji'i̱ ñati̱ chalyuu tyempo sa'ni lo'o bilya ca jlo ti' ngu' lcaa cha' bi', pana juani cua ngulo Ni cña ji'i̱ lcaa ñati̱ chalyuu cha' culochu̱' ngu' lcaa cha' cuxi nu ntsu'u ji'i̱ ngu'.

1 TIMOTEO 1:11

La cui' cha' tso'o bi' nclu'u na' chacuayá' ji'i̱ ycui' Ndyosi juani, lo'o nclu'u na' cha' tlyu tsa laca ycui' Ndyosi, cha' tso'o tsa ntsu'u tyiquee Ni ña'a̱ Ni ji'na.

SAN LUCAS 16:2

Li' ngusi'ya xu'na ji'i̱ msu nu laca loo bi', cha' xcuane ji'i̱ msu bi': “¿Ni cha' ta laca nu nchcui' ngu' lo'o na' cha' jinu'u̱?”, nacui̱ yu. “¿Ni cña ndyu'ni nu'u̱ nu cua nchcui' ngu' lo'o na'? Tya nu'u̱ cuentya jna' juani, cuacha' clya nu'u̱ cha' jna', ña'a̱ cha' nu cua ngua'ni nu'u̱. Nga'aa caca nu'u̱ loo ji'i̱ msu 'na juani.”

1 TIMOTEO 6:20

Lo'o nu'u̱ Timoteo, cua'ni tyaca'a nu'u̱ ji'i̱ cha' nu ntsu'u cha' culu'u nu'u̱ ji'i̱ ñati̱ cuentya ji'i̱ ycui' Ndyosi. Ná taquiya' nu'u̱ tsiya' ti ji'i̱ cha' cuxi nu nchcui' nu ngu' cuiñi bi'. Jlo tsa ti' ycui' ca ngu', jua'a̱ nti' nu ngu' cuiñi bi'; pana ná nda ngu' bi' cuentya tsiya' ti ñi'ya̱ laca sca cha' liñi.

TITO 1:3

Lo'o juani cua nti' Ni cha' tso'o tsa tyempo cha' cañi tyijyu' cha' ji'i̱ ycui' Ndyosi nu ndyu'ni lyaá ji'na, lo'o jua'a̱ cua ngulo Ni cña jna' cha' culu'u na' cha' tso'o bi' ji'i̱ xa' ñati̱.

SAN LUCAS 12:41

―Cusu' ―nacui̱ Pedro ji'i̱ Jesús li'―, ¿ha lo'o cuare ti nda nu'u̱ cui̱i̱ bi'? ¿Ha ná tso'o la si cuna lcaa ñati̱ cha' bi', nti' nu'u̱? ―nacui̱ Pedro.

SAN LUCAS 12:49

’Cua lijya̱ na' nde chalyuu cha' cua'a̱ na' quii' su ndi'i̱ ñati̱, pana tso'o la nti' na' si cua laca ndyaqui̱ quii' bi'.

SAN MATEO 23:14

’¡Tya'na tsa cu'ma̱ ngu' mstru cha' jo'ó, lo'o jua'a̱ cu'ma̱ ngu' fariseo, cha' tucua cha' ntsu'u tyiquee ma̱! Nxlyaá ma̱ ni'i̱ nu ntsu'u ji'i̱ nu cuna'a̱ ti'i, lo'o li' tyiquee' nchcui' ma̱ lo'o ycui' Ndyosi slo ñati̱ cha' ña'a̱ ti ñati̱ ji'i̱ ma̱. Ná ca cuayá' ti' xa' ñati̱ lcaa cha' cuxi nu ntsu'u ne' cresiya ji'i̱ ma̱ li'. Bi' cha' lye la chcube' ma̱ ca nde loo la.