SAN LUCAS 12:26 - Chatino Tataltepec

²⁶ masi cha' xca ti laca bi', ná nchca cua'ni ma̱ ji'i̱ tsiya' ti. Lo'o jua'a̱ ná ntsu'u cha' culacua ti' ma̱ ji'i̱ sca cha' nu cua tonu la.

SAN LUCAS 12:26 Referans Kwoze

1 PEDRO 5:7

Cacha' ma̱ ji'i̱ ycui' Ni lcaa cha' nu nclyacua tsa ti' ma̱ ji'i̱, lo'o li' cua'ni Ni cha' nga'aa cube ti' ma̱ ji'i̱ cha' bi'. Chañi cha' ndube ti' ycui' Ni ña'a̱ Ni ji'i̱ cu'ma̱.

SAN LUCAS 12:29

Bi' cha' juani, nga'aa quiña'a̱ tsa cha' culacua ti' ma̱: “¿Na ca cacu na juani? ¿Na ca co'o na juani?” Si'i na xcui' tya'a̱ lube ma̱ tsaana ma̱ ji'i̱ cha' bi',

SAN MATEO 6:25

’Ndube ti' ycui' Ni ji'i̱ ma̱, bi' cha' ná ntsu'u cha' culacua tsa ti' ma̱ ñi'ya̱ caca cha' cu'ú ma̱, na ca cacu ma̱, na ca co'o ma̱ su ndi'i̱ ma̱ chalyuu. Ná culacua tsa ti' ma̱ ma caja ste' ma̱. Cuayá' tsa cha' na lu'ú ti na juani, masi si'i quiña'a̱ tsa na nu cacu na; cuayá' tsa cha' tso'o ti tyucui ña'a̱ na, masi si'i na tso'o tsa ste' na.

SAN LUCAS 12:25

Nga'aa caca caluu la ma̱ ni sa cla'be metro cua̱ la, masi quiña'a̱ tsa cha' culacua ti' ma̱;

SAN LUCAS 12:27

’Ña'a̱ ma̱ xi queé nu ntsu'u laja quixi̱' jua. Tso'o tsa nda bi' queé, masi ná ndu'ni bi' cña, masi ná nchca ji'i̱ bi' cua'ni cha' caja late' cacu'. Ndi'ya̱ ñacui̱ na' ji'i̱ ma̱ cuentya ji'i̱ jyo'o Salomón: culiya' tsa jyo'o bi', tso'o tsa ña'a̱ ste' yu; pana ná stu'ba ña'a̱ ste' yu lo'o queé jua, cha' nu queé jua ni, tso'o la ña'a̱ bi'.