SAN LUCAS 12:18 - Chatino Tataltepec

¹⁸ Ndi'ya̱ cua'ni na' lacua: tso'o la cuityi̱ na' lcaa ja'ba 'na cha' tya' xa' ni'i̱ tlyu la. Ca bi' xco'o na' ltya 'na, lo'o jua'a̱ lcaa lo yu'ba 'na.

SAN LUCAS 12:18 Referans Kwoze

SANTIAGO 3:15

Si'i nde su ntucua ycui' Ndyosi ndyu'u cha' cuxi nu nchcui' ma̱, sca cha' cuxi nu ntsu'u chalyuu laca bi'; sca cha' nu cua nda ycui' nu xña'a̱ laca cha' nu nchcui' ma̱ bi'.

SANTIAGO 4:15

Tso'o la si ndi'ya̱ ti cha' ta ma̱ lo'o ñati̱: “Nde ti tyi'i̱ ya”, ñacui̱ ma̱, “nde cña cua'ni ya; masi cña bi' cua'ni ya, sca ti si ta ycui' Ndyosi chacuayá' cua'ni ya jua'a̱”, ñacui̱ ma̱.

SAN LUCAS 18:6

Tya nchcui' la Jesús lo'o ngu' li': ―Jua'a̱ nchcui' nu bese xña'a̱ bi', li' nguxtyucua yu ji'i̱ ma' bi', masi ná tso'o tyiquee yu ―nacui̱ Jesús ji'i̱ ngu'―.

SAN LUCAS 12:21

Jua'a̱ caca ji'i̱ ñati̱ nu xcui' cha' caca culiya' ycui' ti ngu' ndya'a̱ tyiquee ngu', pana ná ndube ti' ngu' si caca ngu' ñati̱ tso'o cuentya ji'i̱ ycui' Ndyosi.

SAN LUCAS 18:4

Tyu̱u̱ quiya' ndyaa ma' bi' slo bese, lo'o ná ndaquiya' bese bi' ji'i̱ cha' nu nda ma' bi' lo'o. Ca tiya' la li' ngulacua ti' nu bese bi': “Masi ná ndaquiya' na' ji'i̱ cha' nu nchcui' ycui' Ndyosi, ni ji'i̱ cha' nu nchcui' sca ñati̱ chalyuu ná ndube ti' na';

SAN MATEO 6:26

Culacua xi ti' ma̱ ñi'ya̱ nu ndyaca ji'i̱ quiñi nu ndyacui cua̱: ná ntyaa ni' nscua', ná ndu'ni ni' clacua, ná ndiñá ni' ja'ba su xco'o ni' na cacu ni'; pana ycui' Ndyosi Sti na nu ntucua nde cua̱, nda Ni na cacu ni' jua'a̱ ti. Lo'o cu'ma̱ ni, ¿ha xti la ntsu'u loo ma̱ que quiñi bi' ca slo ycui' Ndyosi? Si'i. Quiña'a̱ la ntsu'u loo ma̱ cuentya ji'i̱ ycui' Ni.

SAN LUCAS 12:17

Lo'o li' nguxana nu culiya' bi', ngulacua ti' yu ndi'ya̱: “¿Na ca cua'ni na' ni? Ná tyu'u scua su tyuco'o ltya 'na.

SAN LUCAS 12:19

Li' chaa ti' na' ñacui̱ na': Tso'o tsa chalyuu nu ngujui 'na juani. Quiña'a̱ tsa cha' tso'o cua ntsu'u co'o 'na, nu tyu'u scua tyu̱u̱ yija̱ 'na. Juani lasa ti tyi'i̱ na' chalyuu; ntsu'u tsa na cacu na' nde loo la ni, masi co'o na' lcui, masi tya'a̱ na' pasiya.”

SAN LUCAS 12:24

Culacua xi ti' ma̱ ñi'ya̱ laca ji'i̱ na'ni nu naa cuitya̱'; ná ntyaa ni' nscua', ná ndu'ni ni' clacua, ná ntsu'u ni'i̱ ji'i̱ ni', ni ná ndiñá ni' ja'ba su xco'o ni' na cacu ni'; pana nda Ni na cacu ni' jua'a̱ ti. Lo'o cu'ma̱ ni, quiña'a̱ la ntsu'u loo cu'ma̱ que cuitya̱' bi' cuentya ji'i̱ ycui' Ndyosi.

SANTIAGO 4:13

Nga'a̱ cha' chcui' na' sca cha' lo'o cu'ma̱, cha' ntsu'u cu'ma̱ nu nchcui' ma̱ ndi'ya̱: “La quee, ca bcha la tsaa ya ca quichi̱ tyijyu' bi'”, nacui̱ ma̱. “Ca bi' tyanu ya tyucui sca yija̱, cha' quiña'a̱ tsa ngana cua'ni ya ca bi'”, nacui̱ ma̱.