SAN LUCAS 11:7 - Chatino Tataltepec

⁷ Lo'o li' nu yu ca tyi nu ntsu'u nde ni'i̱ ji'i̱ nguxacui̱ cha' ji'i̱ yu: “Ná nta̱' cha' chcui' cua ña'a̱ ti lo'u̱. Cua ndyacu̱' toni'i̱ 'na. Lo'o nu sube 'na, cua ntsiya ngu' lo qui'ña laja' ngu' lo'u̱. Ná caca tyatu̱ na' cha' ta na' hi̱”, nacui̱ tya'a tso'o yu ji'i̱ yu bi'.

SAN LUCAS 11:7 Referans Kwoze

SAN LUCAS 13:25

Li' tyatu̱ xu'na ni'i̱ bi', cha' tacu̱' yu toni'i̱ bi'. Lo'o tyalaa cu'ma̱, li' xana ma̱ cujui'i̱ ya' ma̱ toni'i̱ bi', chcui' ma̱ lo'o: “Xaala ma̱ toni'i̱, cusu'”. Li' ñacui̱ yu ji'i̱ ma̱: “Ná jlo ti' na' ti ñati̱ laca cu'ma̱”.

GÁLATAS 6:17

Tya tsubi' la, tlyu tsa cña nda ma̱ 'na, cha' ná ndaquiya' ma̱ ji'i̱ cha' nu nchcui' na' lo'o ma̱; bi' cha' juani nga'aa cua'ni ma̱ cha' cusu̱u̱ lo'o na' chaca quiya'. Cua ntsu'u cuayá' nu nscua lo cuaña' na', bi' laca cuayá' su nguxcube' ngu' 'na xqui'ya cha' ndyu'ni na' cña ji'i̱ Jesús.

SAN LUCAS 7:6

Li' ndyaa Jesús lo'o ngu' bi'. Lo'o bilya tyalaa ngu' lo'o Jesús ca ni'i̱ ji'i̱ nu capitán bi', li' nda capitán ji'i̱ xa' tya'a tso'o cha' tsaa ngu' tyacua tya'a ngu' lo'o Jesús ca tyucui̱i̱ su lijya̱: ―Ndi'ya̱ nchcui' nu capitán bi' ―nacui̱ ngu' ji'i̱ Jesús li'―: “Ná quiña'a̱ tsa cha' culacua ti' nu'u̱, cusu'”, nacui̱, “masi ná ca̱a̱ nu'u̱ to' ni'i̱ jna'”, nacui̱.

SAN MATEO 25:10

Laja lo'o ndyaa ngu' cuna'a̱ tonto bi', cha' cui'ya ngu' la xi setye, li' ndyalaa cutsii. Nu ngu' cuna'a̱ nu cua laca ngua'ni cho'o candil ji'i̱ ngu' ni, ndyaa ngu' nde ni'i̱ ji'i̱ cuxi̱i̱ lo'o cutsii bi', cha' cacu ngu' slo; hora ti ndyacu̱' toni'i̱ li'.

SAN LUCAS 11:6

Cua ndyalaa ca ti sca yu tya'a tso'o na' toni'i̱ 'na, lo'o ná ntsu'u tsiya' ti na nu ta na' cha' cacu yu.”

SAN LUCAS 11:8

Ndi'ya̱ nacui̱ na' ―nacui̱ Jesús ji'i̱ ngu'―, masi ná ntaja'a̱ tya'a tso'o yu tyatu̱ cha' ta tyaja bi' ji'i̱ yu bi', masi tso'o ti lo'o yu, pana tiya' la ngua ti' tya'a tso'o yu ta cha' bi' ji'i̱ yu, xqui'ya cha' nga'aa nti' cha' xa' tsaa yu xtyu'u yu ji'i̱ chaca quiya'; bi' cha' ndyatu̱ tya'a tso'o yu li', nda lcaa na nu nti' yu bi'.