SAN LUCAS 11:54 - Chatino Tataltepec

⁵⁴ Ngua ti' ngu' bi' cuna ngu' sca cha' cuxi si tyu'u tsaa tu'ba Jesús, cha' li' caja ñi'ya̱ nu sta ngu' bi' qui'ya ji'i̱ yu.

SAN LUCAS 11:54 Referans Kwoze

SAN MARCOS 12:13

Ca tiya' la li' ngulo nu ngu' tlyu bi' cña ji'i̱ tucua sna tya'a ngu' fariseo, jua'a̱ ji'i̱ xi ñati̱ nu cuentya ji'i̱ rey Herodes, cha' tsaa ngu' ca slo Jesús, cha' chcui' cuayá' ngu' lo'o yu.

SAN MATEO 22:35

Lo'o jua'a̱ nga'a̱ sca ngu' fariseo nu jlo tsa ti' lcaa cha' ji'i̱ ycui' Ndyosi nu nguscua jyo'o Moisés. Li' nchcuane yu ji'i̱ Jesús cha' chcui' cuayá' yu lo'o:

SAN MATEO 22:15

Li' ndu'u ngu' fariseo ndyaa ngu' cha' quiñi cha' ji'i̱ ngu' lo'o tya'a ngu', ñi'ya̱ nu caca ji'i̱ ngu' cñilo'o ngu' ji'i̱ Jesús cha' chcui' yu sca cha' cuxi.

SAN LUCAS 20:20

Li' ngusta ngu' ji'i̱ ñati̱ cha' tyu̱ cua̱ ji'i̱ Jesús, cha' cui'ya ngu' cuentya ni cha' ta yu; cuaana ti ngua'ni ngu' jua'a̱, cha' culacua ti' Jesús cha' ñati̱ tso'o laca ngu'. Na cua nti' ngu' cha' cuna ngu' sca cha' nu tyu'u tu'ba Jesús, lo'o li' xqui'ya cha' bi' taca ji'i̱ ngu' sta ngu' qui'ya ji'i̱ yu. Li' tyaa lo'o ngu' ji'i̱ yu ya' ngu' gobierno, cha' cua'ni cuayá' ngu' ji'i̱ yu.

SAN MARCOS 3:2

Ña'a̱ tsa xi ngu' tacati, nu ngu' fariseo bi', ña'a̱ tsa ngu' ji'i̱ Jesús si cua'ni yu jo'o ji'i̱ nu quicha bi', cha' tsa̱ ta'a nu ndi'i̱ cña' ngu' judío ngua. Nti' ngu' tlyu bi' quijeloo qui'ya cha' sta ngu' hichu̱' Jesús.

SAN MATEO 22:18

Pana ngua tii Jesús ñi'ya̱ laca cha' cuxi nu nclyacua ti' ngu' bi', bi' cha' ndi'ya̱ nguxacui̱ yu cha' ji'i̱ ngu': ―Cuiñi tsa cu'ma̱ ni. ¿Ni cha' laca nchcui' cuayá' ma̱ lo'o na'? ―nacui̱ Jesús ji'i̱ ngu' bi'―.

SAN LUCAS 11:53

Nu lo'o ndye nchcui' Jesús cha' bi', li' nguxana ngu' mstru cha' jo'ó bi', lo'o ngu' fariseo bi', nguxlyú ngu' cha' hichu̱' ycui' Jesús. Cuxi tsa tyiquee ngu' bi', bi' cha' quiña'a̱ tsa cha' tucui nchcuane ngu' ji'i̱ Jesús li'.

SAN LUCAS 20:26

Ná ngujui ñi'ya̱ nu sta ngu' qui'ya ji'i̱ Jesús nde su ndi'i̱ ngu' quichi̱ bi'. Pana ndube tsa ti' ngu' ji'i̱ yu xqui'ya cha' nu cua nguxacui̱ yu ji'i̱ ngu' bi', bi' cha' ti̱ tya ndyaa ti'i̱ ngu' bi' li'.

LOS HECHOS 23:21

Cha' cuiñi laca bi'. Cua ntsu'u masi tu'ba tya'a ñati̱ nu ntajatya ngu' ji'i̱ ma̱ cuaana ti to' tyucui̱i̱ bi'; cua nchcui' ngu' bi' lo'o ycui' Ndyosi cha' ná cacu ngu' ná co'o ngu' tsiya' ti, ña'a̱ cuayá' nu cua ndyujuii ngu' ji'i̱ nu Pablo bi'. Lo'o jua'a̱ cua laca ndi'i̱ ngu' juani, ntajatya ngu' cha' chcui' ngu' lo'o nu'u̱.