SAN LUCAS 11:42 - Chatino Tataltepec

⁴² ’Tya'na tsa cu'ma̱ ngu' fariseo ―nacui̱ Jesús―. Tacati tsa ndu'ni ma̱ lo'o ycui' Ndyosi lo'o lcaa na xca ti nu ntsu'u ji'i̱ ma̱, jua'a̱ lo'o nda ma̱ msta̱ ji'i̱ Ni ne' laa; sa yu'be lcaa quixi̱' nu tso'o xtyi'i, sa yu'be lcaa quixi̱' nu nda xtyi'i ji'i̱ scuaa, nda ma̱ cha' bi' ji'i̱ ycui' Ndyosi clyo lo'o ngüi'ya ca ti ma̱ ji'i̱. Pana ná liñi ndu'ni cuayá' ma̱ ji'i̱ ñati̱, lo'o jua'a̱ ná ntsu'u tyiquee ma̱ ña'a̱ ma̱ ji'i̱ ycui' Ndyosi tsiya' ti; bi' laca cña nu nga'a̱ cha' cua'ni ma̱ yala la, masi ña'a̱ ti cua'ni ma̱ nu xa' la cña sube bi'.

SAN LUCAS 11:42 Referans Kwoze

SAN MATEO 23:23

’¡Tya'na tsa cu'ma̱ ngu' mstru cha' jo'ó, lo'o jua'a̱ cu'ma̱ ngu' fariseo, cha' tucua cha' ntsu'u tyiquee ma̱! Tacati tsa ndu'ni ma̱ lo'o ycui' Ndyosi lo'o lcaa na xca ti nu ntsu'u ji'i̱ ma̱; si ntsu'u tii tya'a laca' tyunu' xlya ji'i̱ ma̱ ni, masi si'yu hañi, masi si'yu comino, hora ti nda ma̱ tsaca ji'i̱ ycui' Ndyosi li', masi ná ndaquiya' ma̱ ji'i̱ cha' nu ngulu'u Ni, nu ndulo la cha' ji'i̱. Cua nacui̱ ycui' Ndyosi cha' liñi ti cua'ni cuayá' ma̱ ji'i̱ ñati̱, lo'o jua'a̱ nacui̱ Ni cha' cua'ni tya'na ti' ma̱ ji'i̱ ñati̱, cha' jlya tso'o ti' ma̱ ji'i̱ ycui' Ni; pana ná nduna ma̱ cha' bi'. Ntsu'u cha' taquiya' ma̱ ji'i̱ cha' nu ndulo la bi', masi tya cua'ni ma̱ cha' tso'o ñi'ya̱ nu ndyu'ni ti ma̱ nu lo'o nda ma̱ msta̱ sube ti bi'.

SAN LUCAS 18:12

“Tucua quiya' sca semana ná ndacu na' tyaja cha' ndu'ni tlyu na' jinu'u̱. Lo'o jua'a̱ nda na' sa yu'be lcaa na nu ngua'ni na' ngana scaa semana jinu'u̱”, nacui̱ yu fariseo bi'.

1 JUAN 4:20

Ngu' nu ñacui̱ ndi'ya̱: “Ntsu'u tsa tyiquee na' ña'a̱ na' ji'i̱ ycui' Ndyosi”, lo'o li' ña'a̱ ti tya liye' ti' ngu' bi' ña'a̱ ngu' ji'i̱ tya'a ngu', cha' cuiñi ti laca nu nchcui' ngu' bi'. Ndi'ya̱ ndyu'u cha' bi': taca ña'a̱ na ji'i̱ tya'a ñati̱ na, pana ycui' Ndyosi ni, bilya ña'a̱ na ji'i̱ Ni tsiya' ti; bi' cha' lacua, si ná ntsu'u tyiquee na ña'a̱ na ji'i̱ tya'a ngusñi na cha' ji'i̱ Jesucristo, li' ná taca ñacui̱ na cha' ntsu'u tyiquee na ña'a̱ na ji'i̱ ycui' Ndyosi Sti na.

SAN MATEO 23:27

’¡Tya'na tsa cu'ma̱ ngu' mstru cha' jo'ó lo'o cu'ma̱ ngu' fariseo, cha' tucua cha' ntsu'u tyiquee ma̱! Ñi'ya̱ sca ni'i̱ sube nu ndu̱ chu̱' cuaá nu ndu'ni ngati̱ ngu' ji'i̱, tso'o tsa ña'a̱ ni'i̱ bi' li', la cui' jua'a̱ laca cu'ma̱. Pana xcui' tyijya̱ jyo'o ntsu'u ne' cuaá bi', xcui' na tyucu̱ ntsu'u bi'.

SAN JUAN 5:42

Pana cu'ma̱ ni, jlo ti' na' cha' xa' ña'a̱ ndu'ni cu'ma̱, xqui'ya cha' ná ntsu'u tyiquee ma̱ tsiya' ti ji'i̱ ycui' Ndyosi Sti na'.

SAN MATEO 23:13

’¡Tya'na tsa cu'ma̱ ngu' mstru cha' jo'ó, lo'o jua'a̱ cu'ma̱ ngu' fariseo, cha' tucua cha' ntsu'u tyiquee ma̱! Na ndacu̱' ma̱ tyucui̱i̱ ji'i̱ ngu', cha' ná caca tyatí̱ ngu' cha' ji'i̱ ycui' Ndyosi, cha' ná caca ycui' Ni loo ne' cresiya ji'i̱ ngu'. Ni ycui' ma̱, ná caca tyatí̱ ma̱ cha' bi', lo'o jua'a̱ ná nda ma̱ chacuayá' cha' tyatí̱ xa' la ñati̱ cha' bi'.