SAN LUCAS 11:29 - Chatino Tataltepec

²⁹ Tya ndyu'u ti'i̱ la ngu' slo Jesús tsa tlyu ti, li' chaca quiya' nchcui' Jesús lo'o ngu': ―Xña'a̱ tsa ñati̱ chalyuu juani ―nacui̱ Jesús―. Cua nti' ngu' cha' cua'ni na' sca cha' tlyu chacuayá' ji'i̱ ycui' Ndyosi, cha' ña'a̱ cui'ya ngu' ji'i̱ ñi'ya̱ si laca sca cuxe' ti. Pana ná cua'ni na' jua'a̱. Nga'a̱ cha' tyi'u ti' ma̱ ñi'ya̱ nu ngua ji'i̱ jyo'o Jonás lo'o nguti'i̱ yu chalyuu tya sa'ni la.

SAN LUCAS 11:29 Referans Kwoze

SAN LUCAS 11:16

Lo'o li' xa' la ñati̱ ngua ti' ña'a̱ cuayá' ngu' ji'i̱ Jesús, bi' cha' ngüijña ngu' ji'i̱ Jesús cha' cua'ni yu chaca cha' tlyu chacuayá' ji'i̱ ycui' Ndyosi nu ntucua nde cua̱.

1 CORINTIOS 1:22

Cua nti' ngu' judío cha' cua'ni na sca cha' tlyu slo ngu', cha' jlya ti' ngu' cha' nu chcui' na lo'o li'; cuati nu ngu' xa' tsu' ni, cua nti' ngu' cha' tso'o tsa jlo ti' na lcaa cha' lo'o chcui' na lo'o ngu'.

SAN LUCAS 12:1

Cua ndyu'u ti'i̱ tyu̱u̱ tsa mil tya'a ñati̱ slo Jesús li'. Tachaa tsa ndi'i̱ ngu' bi', ña'a̱ cuayá' nu nsatá quiya' ngu' ji'i̱ tya'a ngu'. Laja li' nchcui' Jesús lo'o nu ngu' nu ndyaca tsa'a̱ ji'i̱: ―Tii ti' ma̱ ji'i̱ cña nu ndyu'ni ngu' fariseo, nu ngu' nu tacati tsa ndu'ni ycui' ca ngu', nti' ngu'.

SAN JUAN 8:44

Ycui' nu xña'a̱ laca sti cu'ma̱, lo'o jua'a̱ nti' ma̱ cua'ni ma̱ la cui' cña nu ngulo nu bi' ji'i̱ ma̱. Tya lo'o nguxana chalyuu, tya li' nguxana ndyu'ni ñu'u̱ nu bi' ji'i̱ cresiya ji'i̱ ñati̱ ―nacui̱ Jesús―. Ná ngutu'u nu bi' ca su ntsu'u su̱u̱ cha' liñi, ná ntsu'u cha' liñi ji'i̱ nu bi' tsiya' ti ―nacui̱―. Lo'o ñilo'o nu bi' ji'i̱ ñati̱, xquicha' ycui' ca laca cha' cuiñi nu nda nu bi' lo'o ngu'. Sca nu cuiñi laca nu xña'a̱, bi' laca sti lcaa nu cuiñi.

SAN JUAN 6:30

Li' tya nchcuane la ngu' ji'i̱ Jesús: ―¿Ñi'ya̱ ña'a̱ cña nu cua'ni nu'u̱ lacua? ¿Ñi'ya̱ ña'a̱ cña tonu nu cua'ni nu'u̱ cha' ña'a̱ cui'ya ya xi ji'i̱, cha' xñi ya cha' jinu'u̱ li'? ―nacui̱ ngu' ji'i̱ Jesús―.

SAN JUAN 2:18

Ñasi̱' tsa ngu' judío li', bi' cha' nchcuane ngu' ji'i̱ Jesús ndi'ya̱: ―¿Tilaca laca nu nda chacuayá' cha' cua'ni nu'u̱ jua'a̱? ¿Ñi'ya̱ cua'ni nu'u̱ cha' jlya ti' ya hi̱?

SAN LUCAS 11:50

Pana xcube' ycui' Ndyosi ji'i̱ ñati̱ nu ndi'i̱ chalyuu re juani, xqui'ya cha' ndyujuii ngu' ji'i̱ lcaa jyo'o cusu' nu ngua tu'ba ji'i̱ ycui' Ndyosi tya sa'ni la, tya lo'o ngüiñá Ni chalyuu tya clyo la;

SAN LUCAS 9:41

Li' nguxacui̱ Jesús cha' ji'i̱ ngu': ―Ná jlya ti' ma̱ 'na tsiya' ti, cu'ma̱ ñati̱ chalyuu ―nacui̱ Jesús―, cha' cuxi tsa cresiya ji'i̱ ma̱. Nga'aa tso'o tyanu na' slo ma̱, nga'aa talo tyiquee na' ji'i̱ ma̱ tsiya' ti ―nacui̱ Jesús ji'i̱ ngu'―. Ca̱a̱ lo'o ji'i̱ sñi' slo na' ―nacui̱ Jesús ji'i̱ sti nu quicha bi' li'.

SAN MARCOS 8:38

Caca tyuju'u ti' na' nu cua nda Ni 'na lijya̱a̱ cha' caca na' ñati̱, nu lo'o ña'a̱ na' ji'i̱ scaa ñati̱ chalyuu nu ntyuju'u ti' jna', masi tyuju'u ti' ngu' bi' ji'i̱ cha' tso'o nu nchcui' ti na'. Si xqui'ya na' tyuju'u ti' ngu' bi' slo ngu' cuxi chalyuu juani, masi slo ngu' suba' chalyuu juani, li' caca tyuju'u ti' na' ji'i̱ ngu' bi' nu lo'o ca̱a̱ na' chaca quiya' nde loo la cha' caca na' loo ji'i̱ ñati̱. Li' lye tsa ña'a̱ xee caca lo'o tya̱a̱ na' chaca quiya' chacuayá' ji'i̱ Sti na'. Ca̱a̱ na' lo'o xca̱ nu tacati tsa ji'i̱ ycui' Ni, cha' lubii tsiya' ti ngu' xca̱ bi' ―nacui̱ Jesús ji'i̱ ngu'.

SAN MATEO 3:7

Lo'o ngua sca tsa̱ na'a̱ Juan ji'i̱ tyu̱u̱ tya'a ngu' fariseo lo'o ngu' saduceo; tacati tsa ndu'ni ycui' ngu' ngua ti' ngu', lye tsa ndu'ni tyucuaa ti' ngu' ji'i̱ tya'a ngu'. Lo'o xi ngu' bi' lijya̱ ngu' cha' tyucuatya Juan ji'i̱ ngu', pana ná ndiya ti' Juan jua'a̱. ―Ñi'ya̱ nti' cuaña tyaala, jua'a̱ nti' cu'ma̱ ―nacui̱ Juan ji'i̱ ngu' bi'―. ¿Ha cua nchcutsi̱i̱ ngu' ji'i̱ ma̱ lacua? ¿Ha juani ndube ti' ma̱ cha' ca ñasi̱' tsa ycui' Ndyosi lo'o xcube' Ni ji'i̱ ma̱ nu lo'o tye chalyuu? ―nacui̱ yu―.