SAN LUCAS 10:41 - Chatino Tataltepec

⁴¹ Li' nguxacui̱ Jesús cha' ji'i̱ Marta: ―Marta, Marta, ntsu'u tsa cña jinu'u̱ ―nacui̱ Jesús―. Quiña'a̱ tsa nclyacua ti' nu'u̱ xqui'ya lcaa cña sube nu ntsu'u jinu'u̱.

SAN LUCAS 10:41 Referans Kwoze

FILIPENSES 4:6

Ni sca cha' ná culacua tsa ti' ma̱ ji'i̱, pana jña ma̱ cha' ji'i̱ ycui' Ndyosi cuentya ji'i̱ cua ña'a̱ ca cha' nu tyacua xi ji'i̱ ma̱. Lo'o jua'a̱ ta ma̱ xlya'be ji'i̱ ycui' Ndyosi cha' jua'a̱ ndyaca cha' ji'i̱ ma̱, nu lo'o chcui' ma̱ lo'o ycui' Ni.

SAN LUCAS 21:34

’Cui'ya ma̱ cuentya, cua'a ma̱ ji'i̱ ycui' ca ma̱ cha' tii ti ti' ma̱ tyi'i̱ ma̱ lo'o tyalaa tsa̱ bi'; si culiji yu'u ti ma̱ chalyuu ji'i̱ ma̱ jua'a̱ ti lo'o ndya'a̱ tsa ma̱ calle, lo'o cu'bi ti ma̱, la cui' jua'a̱ si ntsu'u tyu̱u̱ tya'a cha' nu ndube tsa ti' ma̱ ji'i̱, ná caca tyi'i̱ ma̱ tii ti ti' ma̱ li'. Ñi'ya̱ ndyacu̱' sca lco'o,

SAN MARCOS 4:19

lo'o li' ndya'a̱ tsa cha' tyiquee ngu' ñi'ya̱ cua'ni ngu' cha' caca culiya' ngu'; nclyana ngu' ñi'ya̱ ca caja quiña'a̱ tsa cha' tso'o nu ntsu'u chalyuu re ji'i̱ ngu', cha' caca stu'ba ngu' lo'o ñati̱ tlyu la. Bi' cha' ná nchca tyanu cha' tso'o ne' cresiya ji'i̱ ngu' bi'.

SAN LUCAS 12:22

Li' nchcui' Jesús lo'o nu ngu' nu ndyaca tsa'a̱ ji'i̱: ―Ndi'ya̱ cha' chcui' na' lo'o ma̱ juani: Ná quiña'a̱ tsa cha' culacua ti' ma̱ na laca nu lyiji ji'i̱ ma̱ cha' cacu ma̱ su ndi'i̱ ma̱ chalyuu, ni ná culacua tsa ti' ma̱ cha' ji'i̱ ste' ma̱.

SAN LUCAS 8:14

Ndi'ya̱ laca cha' ji'i̱ si'yu nu ndyalú laja yaca quiche': bi' laca ñi'ya̱ laca lo'o ñati̱ nu cua ndyuna cha' tso'o bi' nquicha', pana ntsu'u tsa cña ji'i̱ ngu', ntsu'u tsa cñi ji'i̱ ngu', lo'o jua'a̱ ntsu'u tsa su culiji ngu' cñi cha' ji'i̱ ti ngu'; bi' cha' ná nchca tyanu tso'o cha' tso'o bi' ne' cresiya ji'i̱ ngu'.

SAN LUCAS 10:38

Ngusñi Jesús tyucui̱i̱, ndyaa yu lo'o ngu' tya'a ndya'a̱ yu. Lo'o li' ndyalaa ngu' sca quichi̱ piti ti su ndi'i̱ sca nu cuna'a̱ nu naa Marta. Tso'o tsa ntsu'u tyiquee Marta cha' ndyalaa Jesús slo, cha' nti' tsa ma' cuna ma' lcaa ña'a̱ cha' nu nda yu.

SAN LUCAS 10:40

pana nu Marta bi' ni, quiña'a̱ tsa cña ntsu'u cha' cua'ni ma'. Li' nchcui' ma' lo'o Jesús: ―Cusu' ―nacui̱ Marta ji'i̱―, ¿ha ná ndube ti' nu'u̱ cha' quiña'a̱ tsa cña nguxtyanu María tya'a na' cha' cua'ni na' ycui' ti na'? Bi' cha' tso'o la si chcui' nu'u̱ lo'o cho' lacua, cha' ca̱a̱ cho' xtyucua xi cho' 'na.

SAN JUAN 11:1

Ndi'i̱ sca nu qui'yu nu naa Lázaro. Quicha tsa bi'. Ngu' quichi̱ Betania laca, lo'o jua'a̱ María lo'o Marta laca tya'a ngula nu qui'yu bi'.

SAN JUAN 11:5

Lo'o ndyuna Jesús cha' quicha Lázaro, li' tya ndyanu Jesús tya tyucuaa tsa̱ su ndi'i̱ bi', masi ntsu'u tsa tyiquee yu ña'a̱ yu ji'i̱ ca ta'a sna ngu' bi', ji'i̱ Marta, lo'o ji'i̱ nu chaca cho' tya'a Marta, lo'o ji'i̱ ycui' Lázaro.

SAN JUAN 12:2

Li' nda ngu' sca si̱i̱ ji'i̱ Jesús, cha' tso'o tsa nti' ngu' cha' ndyalaa yu slo ngu'. Nda Marta na ndyacu ngu' li', lo'o jua'a̱ stu'ba ti ntucua Lázaro lo'o ngu' su ndyacu ngu' si̱i̱ lo'o Jesús.