SAN LUCAS 10:35 - Chatino Tataltepec

³⁵ Ca chaca tsa̱ lo'o cua tsaa ti nu ngu' samaritano bi', li' ngulo tucua tya'a cñi plata cha' ta ji'i̱ ngu' nu ca ji'i̱ ni'i̱ su ntsiya nu quicha bi'. Ndi'ya̱ nacui̱ ji'i̱ ngu' ca tyi: “Ña'a̱si̱i̱ ma̱ ji'i̱ yu quicha re. Lo'o si tya culiji la ma̱ cñi lo'o yu, lo'o xtyu̱u̱ na' ca̱a̱ na' slo cu'ma̱ chaca quiya', li' tya na' cñi ji'i̱ ma”, nacui̱ nu samaritano bi'. Lo'o cua ndye nda Jesús cui̱i̱ re lo'o ngu', li' nchcuane yu ji'i̱ mstru bi':

SAN LUCAS 10:35 Referans Kwoze

SAN LUCAS 14:13

Pana si'i jua'a̱ cua'ni ma̱; nu lo'o cua'ni ma̱ sca ta'a, li' xuti'i̱ ma̱ ji'i̱ ngu' ti'i, lo'o ji'i̱ ngu' quicha, lo'o ji'i̱ ngu' nu cu' quiya', lo'o ji'i̱ ngu' cuityi̱' cha' cacu ngu' lo'o ma̱.

ROMANOS 16:23

Lo'o yu Gayo nda yu cha' lo'o na' cha' chcuicha' na' ji'i̱ ma̱; la cui' to' tyi yu nda yu su tyi'i̱ na', jua'a̱ nda yu toni'i̱ ji'i̱ yu su tyu'u ti'i̱ ña'a̱ taju ñati̱ nu ntsu'u cha' ji'i̱ lo'o Cristo re. Cuati lo'o Erasto nu laca loo ji'i̱ cñi quichi̱ re, nti' yu chcuicha' yu ji'i̱ ma̱; la cui' ti cha' nti' Cuarto, yu tya'a na.

SAN MATEO 20:2

Ta yu xcaya' msu ñi'ya̱ nu nda ti ngu' tyempo bi', nacui̱ xu'na msu bi' ji'i̱ ngu'; tso'o tsa nti' ngu' msu bi', si caja tsa lo cua caya' ji'i̱ ngu'. Li' ndu'u msu bi' ndyaa ngu' ne' lo'o ji'i̱ yu bi', cha' cua'ni ngu' cña.

SAN MATEO 18:28

Tyucui̱i̱ nde su ndyaa yu, li' ndyacua tya'a yu lo'o tya'a msu yu nu ndacui xti ti cñi ji'i̱ yu. Hora ti ngusñi yu yane tya'a, tyaala tsa ngua'ni yu ji'i̱ tya'a msu yu. “¿Ni hora tya nu'u̱ cñi nu ndacui nu'u̱ 'na?” nacui̱ yu ji'i̱ tya'a msu yu.

SAN LUCAS 10:34

Lo'o li' ndyaa ca su ntsiya yu quicha bi', ngua'ni jo'o ji'i̱ lcaa su quicha ji'i̱ yu bi' lo'o setye, cuati lo'o vino ngua'ni jo'o ji'i̱ yu su quicha bi'. Li' ngüixi̱i̱ late' chu̱' yu su quicha bi', ngusta ji'i̱ yu quicha bi' hichu̱' huru ji'i̱ ycui', ndyaa lo'o ji'i̱ yu ca to' tyi sca ñati̱; ca bi' ña'a̱si̱i̱ ngu' ji'i̱ nu quicha bi' ngua ti'.

SAN LUCAS 10:36

―Tso'o lacua. Nu sna tya'a ñati̱ nu nteje tacui tyucui̱i̱ su ntsiya nu quicha bi' ni, ¿tilaca nu nguna'a̱si̱i̱ tso'o la ji'i̱ yu nu ngua quicha bi'? ¿Tilaca laca nu chañi cha' laca tya'a ñati̱ lo'o nu quicha bi'?