SAN LUCAS 10:17 - Chatino Tataltepec

¹⁷ Ca tiya' la nguxtyu̱u̱ nu snayala tyii tya'a ngu' ñaa ngu' slo Jesús. Chaa tsa ti' ngu'. ―Cusu' ―nacui̱ ngu' ji'i̱ Jesús―, lo'o nu cui'i̱ cuxi ndaquiya' ji'i̱ cña nu ngulo ya ji'i̱ chacuayá' jinu'u̱ ―nacui̱ ngu'.

SAN LUCAS 10:17 Referans Kwoze

ROMANOS 16:20

Ná tyu̱u̱ tsa̱ lyiji cha' cua'ni tye ycui' Ndyosi ji'i̱ nu xña'a̱, cha' nga'aa tyaca̱' cña cuxi nu ndu'ni nu xña'a̱ bi' tsiya' ti. Cua'ni Ni cha' ti̱ ti tyi'i̱ tyiquee ma̱, ñi'ya̱ ntsu'u tyiquee ycui' Ni; lo'o jua'a̱ ña'a̱ ti cua'ni Jesucristo nu Xu'na na cha' tso'o lo'o lcaa tya'a ma̱.

SAN MARCOS 16:17

Ñati̱ nu xñi cha' 'na ni, cua'ni ngu' bi' cha' tonu chacuayá' jna', cha' cube tsa ti' xa' ñati̱: culo ngu' bi' ji'i̱ cui'i̱ cuxi nu ngusñi ji'i̱ ñati̱; caja ñi'ya̱ nu chcui' ngu' bi' cha'cña ji'i̱ xa' ñati̱ chacuayá' jna';

SAN LUCAS 9:1

Nguxuti'i̱ Jesús ji'i̱ nu tii tyucuaa tya'a ngu' nu ndyaca tsa'a̱ bi', cha' ta yu chacuayá' ji'i̱ ngu' cha' culo ngu' ji'i̱ lcaa lo cui'i̱ cuxi nu ntsu'u ji'i̱ ñati̱, lo'o jua'a̱ cua'ni ngu' jo'o ji'i̱ lcaa lo quicha nu ntsu'u ji'i̱ ñati̱.

SAN LUCAS 10:1

Nu lo'o cua nteje tacui cha' bi', li' ngusubi Jesús chaca snayala tyii tya'a ngu' cha' tsaa ngu' nde loo ji'i̱ yu; cuentya tucua tya'a ti ngu' tsaa ngu' lcaa se'i̱ lo'o lcaa quichi̱ su nga'a̱ cha' tsaa yu nti' yu.

SAN LUCAS 10:9

cua'ni ma̱ jo'o ji'i̱ ngu' quicha nu ndi'i̱ bi'. Lo'o li' ñacui̱ ma̱ ji'i̱ ngu' bi': “Cua ngulala cha' caca ycui' Ndyosi loo ne' cresiya ji'i̱ cu'ma̱”.

SAN MATEO 4:24

Li' nguañi cha' ji'i̱ Jesús lcaa quichi̱, hasta ca nde loyuu Siria nguañi cha' ji'i̱ yu; bi' cha' ñaa lo'o ngu' ji'i̱ lcaa ngu' quicha slo ycui' yu, cha' cua'ni yu jo'o ji'i̱ ngu'. Ñaa lo'o ngu' ji'i̱ nu quicha, masi ti'í tsa ngu' xqui'ya quicha nu ntsu'u ji'i̱ ngu'; ñaa lo'o ngu' ji'i̱ ngu' nu ntsu'u cui'i̱ cuxi ji'i̱ ngu', masi nxalú cui'i̱ ji'i̱ ngu', masi nchcu̱' tyucuí̱ tyucui ña'a̱ ngu', masi nchcuti sca tsu' ya' ngu'. Lo'o li' ngua'ni Jesús cha' ndyaca tso'o lcaa ngu' quicha bi'.

SAN LUCAS 10:20

Pana ná ntsu'u cha' ca chaa ti' ma̱ cha' ndaquiya' cui'i̱ cuxi bi' ji'i̱ cña nu ngulo ma̱ ji'i̱, tso'o la ca chaa ti' ma̱ cha' cua nscua xtañi ma̱ ca su ntucua ycui' Ndyosi nde cua̱.

EFESIOS 5:24

Cu'ma̱ ngu' cuna'a̱ tya'a ngusñi na cha' ji'i̱ Cristo, nga'a̱ cha' cua'ni chi̱ ma̱ loo clyo'o ma̱; tucuá ma̱ lcaa cña nu culo clyo'o ma̱ ji'i̱ ma̱, ñi'ya̱ nu ndyaca lo'o lcaa ngu' tya'a ma̱ nu tsa tlyu ti ndyu'ni tlyu ma̱ ji'i̱ Cristo, ntucuá ma̱ cña ji'i̱ Cristo.