SAN LUCAS 1:28 - Chatino Tataltepec

²⁸ Lo'o ndyalaa xca̱ slo nu cuna'a̱ bi', li' nchcui' lo'o: ―Tso'o ti tyi'i̱ nu'u̱ ―nacui̱ xca̱ bi' ji'i̱―, tyaca'a tsa nu'u̱ ji'i̱ ycui' Ndyosi. Tso'o ndi'i̱ Ni lo'o nu'u̱ ―nacui̱―. Quiña'a̱ tsa cha' tso'o nda ycui' Ndyosi jinu'u̱, masi ná ndu'ni Ni jua'a̱ lo'o xa' la nu cuna'a̱.

SAN LUCAS 1:28 Referans Kwoze

SAN LUCAS 1:30

Xa' nchcui' xca̱ bi' lo'o nu cuna'a̱ cuañi' bi' li': ―María ―nacui̱―, ná cutsi̱i̱ nu'u̱ cha' cua nda ycui' Ndyosi sca cha' tso'o hi̱ ―nacui̱ xca̱ bi' ji'i̱―.

EFESIOS 1:6

Lo'o juani ntsu'u cha' cua'ni tlyu na ji'i̱ ycui' Ndyosi, cha' jua'a̱ tlyu tsa cha' tso'o nu ngua'ni Ni lo'o na. Xlya'be tsa nti' Ni ña'a̱ Ni ji'na, cha' cua nda Ni ji'i̱ Sñi' ycui' ca Ni lijya̱, nu tyaca'a tsa ji'i̱ Ni, cha' jua'a̱ caca stu'ba cha' ji'na lo'o Ni.

LOS HECHOS 18:10

Ndi'i̱ na' lo'o nu'u̱ cha' xtyucua na' jinu'u̱, bi' cha' nga'aa caca xñi ngu' jinu'u̱ cha' xcube' ngu' hi̱. Lo'o jua'a̱ ntsu'u tsa ngu' quichi̱ re nu taca xñi ngu' cha' jna' nde loo la, si ta nu'u̱ cha' lo'o ngu'.

SAN LUCAS 1:42

bi' cha' cui̱i̱ tsa nchcui' ma' lo'o María li': ―Tlyu tsa cha' tso'o nu nda ycui' Ndyosi jinu'u̱ ―nacui̱ Elisabet ji'i̱ María―. Ná cua'ni Ni jua'a̱ lo'o xa' la nu cuna'a̱. Lo'o jua'a̱ tyaca'a tsa cubi' nu ntsu'u jinu'u̱ cuentya ji'i̱ ycui' Ndyosi ―nacui̱―.

SAN MATEO 12:48

Li' nguxacui̱ Jesús cha' ji'i̱ nu qui'yu bi': ―¿Tilaca nu chañi ca laca xtya'a̱ na'? ―nacui̱ Jesús ji'i̱―. ¿Tilaca nu chañi ca laca tya'a na'?

SAN LUCAS 1:27

Nda ycui' Ndyosi ji'i̱ xca̱ bi' ji'i̱ Ni cha' tsaa slo sca nu cuna'a̱ nu ntucua ycui' ti. Na cua ngüiñi cha' ji'i̱ nu cuna'a̱ bi', cha' caja clyo'o lo'o sca nu qui'yu nu naa José; David laca xtañi nu qui'yu bi', sca ti xtañi yu lo'o jyo'o cusu' David nu ngutu'ú sa'ni la. María naa nu cuna'a̱ nu ntucua ycui' ti bi', lo'o jua'a̱ la cui' tya'a nu Elisabet bi' laca María.

SAN LUCAS 1:29

Cua na'a̱ María ji'i̱ xca̱ bi'. Lo'o ndyuna María cha' nu nchcui' yu, li' ngulacua tsa ti' ni cha' laca nchcui' xca̱ bi' jua'a̱. Ndyutsi̱i̱ tsa li'.