SAN JUAN 9:7 - Chatino Tataltepec

⁷ Li' nacui̱ Jesús ji'i̱: ―Yaa nu'u̱, caata chcu nde tojo'o Siloé ―tojo'o bi' naa Siloé cha'cña ji'i̱ ngu', ñi'ya̱ nti' si ñacui̱ na cha'cña ji'na: tojo'o “su nacui̱ ji'i̱ ngu' cha' tsaa ngu'”. Bi' cha' ndyaa nu quicha bi' ndyaata tojo'o bi' li'. Lo'o ñaa li', cua ndyaca tso'o cloo.

SAN JUAN 9:7 Referans Kwoze

SAN JUAN 11:37

Lo'o jua'a̱ ndi'i̱ xi ngu' nu nacui̱: ―¿Ni cha' laca ná ngujui ñi'ya̱ nu cua'ni yu cha' ná cajaa Lázaro nquicha'? Nchca ji'i̱ yu cua'ni yu cha' tyaca tso'o cloo ngu' cuityi̱'.

SAN JUAN 9:11

―Nu ñati̱ nu naa Jesús, bi' laca nu nguxa' xi nana' cha' nguta'a̱ chu̱' scua' cloo na' ―nacui̱ nu qui'yu bi'―. Lo'o li' ngulo yu bi' cña 'na cha' tsa'a na' caata̱ nde tojo'o Siloé, bi' cha' ndya'a̱ ndyaata̱ ca bi'; hora ti ngua tso'o cloo na', tyaca̱' tso'o ña'a̱ na' juani.

LOS HECHOS 26:18

cha' ñi'ya̱ si ndya'a̱ ngu' cuityi̱', jua'a̱ ndya'a̱ ñati̱ bi' chalyuu; ñi'ya̱ si talya tsa ña'a̱ su ndya'a̱ ngu', jua'a̱ ndyu'ni ngu' bi'. Bi' cha' ntsu'u cha' culu'u nu'u̱ cha' jna' ji'i̱ ngu' bi', cha' xñi ngu' cha' jna'. Li' nga'aa tya'a̱ ngu' su talya ña'a̱, ñi'ya̱ si cuityi̱' ti ngu'; taca tya'a̱ ngu' tyucui̱i̱ su xee cuentya ji'i̱ ycui' Ndyosi, taca ña'a̱ ngu' li'. Satanás laca nu nclyo cña ji'i̱ ngu' bi' juani, pana ca li' caca ngu' ñati̱ ji'i̱ ycui' Ndyosi. Ntsu'u cha' xñi ngu' bi' cha' jna', cha' taca cui'ya ycui' Ni cha' clyu ti' ji'i̱ cha' cuxi nu ntsu'u ji'i̱ ngu' bi'. Li' caca stu'ba cha' ji'i̱ ngu' bi' lo'o ñati̱ nu cua lubii cresiya ji'i̱ xqui'ya na'”, nacui̱ ycui' Jesús 'na li'.

SAN LUCAS 13:4

Lo'o nu xa' taju ti'ñu xna tya'a ñati̱ bi' ni, ngujuii ngu' bi' ca to' hitya Siloé lo'o nclyú ni'i̱ cua̱ bi' hichu̱' ngu' li'. ¿Ha xqui'ya cha' xña'a̱ tsa ngu' ngua jua'a̱ nti' cu'ma̱? Ná xña'a̱ lye ngu' bi'. Na ngua'ni ti ngu' ñi'ya̱ nu ndu'ni tya'a ngu' quichi̱ Jerusalén,

GÁLATAS 4:4

Pana lo'o cua ndyalaa tsa̱ nu ndu'u scua cha' nu ngüiñi ji'i̱ Ni lo'o na, li' cua nda ycui' Ndyosi ji'i̱ Sñi' ycui' ca Ni ñaa chalyuu; sñi' sca nu cuna'a̱ ngu' judío ngua nu Jesús bi', lo'o jua'a̱ ndaquiya' tsa yu ji'i̱ lcaa cha' cusu' nu jlya ti' ngu' judío.

ROMANOS 8:3

Cua ngua'ni Ni sca cha' tlyu nu ná ngua cua'ni nu cha' cusu' nu nda jyo'o Moisés lo'o ñati̱ nu ngua sa'ni. Ná ngua cña cha' bi', xqui'ya cha' cuxi tsa tyiquee ñati̱ chalyuu na; pana ngua ji'i̱ ycui' Ndyosi cua'ni cha' tlyu bi', nu lo'o nda Ni ji'i̱ Sñi' ycui' ca Ni ya̱a̱ chalyuu re cha' ngua ñati̱. Nda Ni ji'i̱ nu Jesús bi' ya̱a̱, cha' caca yu sca msta̱ lu'ú; bi' laca msta̱ nu ngua ji'i̱ cuityi̱ qui'ya nu ntsu'u ji'na. Ngua Jesús ñati̱; stu'ba ti ngua yu ñi'ya̱ laca cua ña'a̱ ca ñati̱ chalyuu, cha' jua'a̱ ngua ji'i̱ yu cua'ni tye yu ji'i̱ qui'ya nu ntsu'u ji'i̱ ñati̱ cuxi na. Bi' cha' ngua Ni ñati̱.

SAN JUAN 10:36

¿Ni cha' laca ngusta cu'ma̱ qui'ya jna' slo ycui' Ndyosi lo'o nacui̱ ma̱ cha' nchcui' na' cha' cuxi ji'i̱ ycui' Ni? ―nacui̱ Jesús―. Cua ngusubi Sti na' jna', nda Ni 'na lijya̱a̱ nde chalyuu. ¿Ni cha' laca ná tso'o nti' ma̱ cha' nacui̱ na' cha' nu sca ti Sñi' ycui' Ndyosi laca na'?

SAN JUAN 9:39

Li' nchcui' Jesús lo'o: ―Cua lijya̱ na' chalyuu cha' cua'ni cuayá' na' ji'i̱ ñati̱, tilaca laca nu xñi cha' jna', tilaca laca nu ná tyaja'a̱ xñi cha' jna' ―nacui̱ Jesús―. Ta na' xee nu tyu'ú ne' cresiya ji'i̱ ngu' nu xñi cha' jna', masi ñi'ya̱ nti' cuityi̱' ti ngu' ndi'i̱ ngu' chalyuu; tacu̱' na' xee ji'i̱ ngu' nu ná tyaja'a̱ xñi cha' jna' tsiya' ti, masi ndu'ni ngu' cha' tso'o tsa ycui' ngu'.

SAN LUCAS 2:32

Caca ycui' nu bi' sca xee tlyu nu tyu'u ne' cresiya ji'i̱ ñati̱ tyucui ña'a̱ chalyuu; tlyu tsa cha' tso'o caca ycui' nu bi' cuentya ji'i̱ ñati̱ jinu'u̱, nu ngu' Israel bi'. Jua'a̱ cha' nda nu cusu' Simeón bi' lo'o ycui' Ndyosi.

SAN MATEO 11:5

Cacha' ma̱ cha' nu cua na'a̱ ma̱ ca nde ji'i̱ yu; cacha' ma̱ ji'i̱ cha' ndu'ni na' cha' ndyaca tso'o cloo ngu' nu ngua cuityi̱', cha' ndya'a̱ ngu' nu ngua quicha quiya', cha' ngua lubii cuaña' ngu' nu ndyatsu' cuaña', cha' nduna ngu' nu ngua cu'u̱ jyaca̱, cha' ndyu'ú ngu' chaca quiya' nu cua ngujuii, cha' nchca cuayá' ti' ngu' ti'i ñi'ya̱ nu cua'ni lyaá ycui' Ni ji'i̱ ñati̱ chalyuu ji'i̱ nu cuxi.