SAN JUAN 9:34 - Chatino Tataltepec

³⁴ ―Ngu' cuxi laca nu'u̱, pana nti' nu'u̱ culu'u xi cha' jo'ó ji'i̱ ya ―nacui̱ ngu' judío li'―. Cuxi nu'u̱ lo'o ngula nu'u̱, jua'a̱ cuxi ti nguluu nu'u̱ ―nacui̱ ngu'. Lo'o li' ngulo'o ngu' ji'i̱ nu qui'yu bi', nga'aa nda ngu' chacuayá' tsaa ne' laa tsiya' ti.

SAN JUAN 9:34 Referans Kwoze

SAN JUAN 9:22

Jua'a̱ nacui̱ sti xtya'a̱ nu qui'yu bi' ji'i̱ ngu', cha' ntsi̱i̱ tsa ngu' ji'i̱ ngu' judío bi'; na cua ngua'ni stu'ba ngu' laca cña cha' ji'i̱ ngu' lo'o tya'a ngu' cha' culo'o ngu' ji'i̱ ñati̱ ne' laa, cua ña'a̱ ca ñati̱ nu ñacui̱ cha' Jesús laca Cristo, nu ñati̱ tlyu nu nda ycui' Ndyosi ji'i̱ lijya̱ chalyuu. Nga'aa ta ngu' judío bi' chacuayá' tsaa ngu' ne' laa li'.

SAN JUAN 9:2

Li' nchcuane nu ngu' nu ndyaca tsa'a̱ bi' ji'i̱ Jesús: ―Mstru ―nacui̱ ngu'―, ¿tilaca ntsu'u qui'ya ji'i̱ cha' cuityi̱' cloo yu cua lo'o ngula yu? ¿Ha ycui' yu? ¿Ha ngu' cusu' ji'i̱ yu ndacui qui'ya ji'i̱?

SAN LUCAS 18:17

Cha' liñi nda na' re lo'o ma̱: Ñati̱ nu ná xñi cha' tso'o ji'i̱ ycui' Ndyosi ñi'ya̱ nu nxñi sca nu sube cha' bi', ná ntsu'u chacuayá' tyatí̱ ñati̱ bi' ca su laca ycui' Ni loo.

APOCALIPSIS 13:17

Ni sca ñati̱ nga'aa ntsu'u chacuayá' ji'i̱ cha' cui'ya yu'ba, ni cha' cujui' yu'ba, si ná ngua'a̱ cuayá' ji'i̱ ni' loo ngu'. Lo'o nu cuayá' bi' ni, xtañi na'ni nu chiya'a̱ ña'a̱ bi' laca, cha' número nu ca ji'i̱ xtañi ni' laca cuayá' bi'.

3 JUAN 1:9

Cua nscua na' sca quityi tya tsubi' la nu ndyaa ca su ndi'i̱ ña'a̱ taju ti ma̱ ñati̱ ji'i̱ Jesucristo, cu'ma̱ nu ndyu'u ti'i̱ ma̱ tsa tlyu ti ca bi'; pana ná ntaja'a̱ Diótrefes taquiya' ji'i̱ cha' nu nacui̱ na' ji'i̱ ma̱, cha' nti' yu bi' cha' xu'na ma̱ laca yu.

1 PEDRO 5:5

Lo'o jua'a̱ cu'ma̱ ngu' cuañi' ni, ta na' sca cui̱i̱ lo'o ma̱. Taquiya' ma̱ ji'i̱ cha' nu nchcui' ngu' cusu' nu laca loo ji'i̱ ma̱. Lo'o jua'a̱ ntsu'u cha' xtyucua ma̱ ji'i̱ tya'a ñati̱ ma̱, cha' ná tso'o cua'ni tyucuaa ti' ma̱ ji'i̱ ngu' bi'. Ndi'ya̱ nscua cha' lo quityi ji'i̱ ycui' Ndyosi: Xu̱u̱ tya'a ycui' Ndyosi lo'o ñati̱ nu ndu'ni tyucuaa ti' ji'i̱ tya'a ñati̱, pana xtyucua tsa Ni ji'i̱ ñati̱ nu xti ti cha' ntsu'u tyiquee ngu' cuentya ji'i̱ ycui' ca ngu'.

EFESIOS 2:3

Ca ta'a na ni, chañi cha' ñi'ya̱ nu ndaquiya' ngu' bi' ji'i̱ nu cuxi, jua'a̱ ngua'ni na tya tsubi' la; ngua'ni na cua ña'a̱ ca cha' cuxi nu ndijña ti' cresiya ji'na. Na laca nu ngua ti' ycui' ca na cha' cua'ni na, ngua'ni na ji'i̱ li'; cua ña'a̱ ca cha' cuxi nu ngua'ya hique ti na, ngua'ni na cha' bi'. Bi' cha' ndyanu cha' xcube' ycui' Ndyosi ji'na, cha' ñasi̱' tsa Ni xqui'ya cha' cuxi nu ngua'ni na lo'o Ni; stu'ba ti xcube' Ni ji'na lo'o cua ña'a̱ ca ñati̱ chalyuu li'.

GÁLATAS 2:15

Nu cuare ni, ngu' judío laca ya tya lo'o ngula ya chalyuu nu ndaquiya' ji'i̱ lcaa cha' nu nda ycui' Ndyosi lo'o ya; si'i na ndaquiya' ya ji'i̱ cua ña'a̱ ca cha' cuxi ñi'ya̱ ndu'ni ngu' xa' tsu'.

SAN JUAN 9:40

Ndu̱ xi ngu' fariseo slo Jesús lo'o nchcui' yu jua'a̱. ―¿Ha cuityi̱' cua lacua? ―nacui̱ ngu' ji'i̱ yu.

SAN JUAN 9:35

Li' ngujui cha' ji'i̱ Jesús, ndyuna yu cha' ngulo'o ngu' ji'i̱ nu qui'yu bi' ne' laa. Lo'o ngujyacua Jesús ji'i̱, nchcuane yu ji'i̱ li': ―¿Ha jlya ca ti' nu'u̱ ji'i̱ ycui' nu cua lijya̱ chalyuu cha' caca ñati̱? ―nacui̱ Jesús ji'i̱.

SAN JUAN 8:41

Ná ngua'ni jyo'o Abraham jua'a̱ ―nacui̱ Jesús―. Chaca nu laca sti cu'ma̱, lo'o jua'a̱ cña nu nclyo nu bi', bi' laca cña nu ndiya la ti' ma̱ cha' ndu'ni ma̱. ―Si'i sñi' nu xña'a̱ laca ya ―nacui̱ ngu'―. Sca ti ycui' Ndyosi laca Sti ya ―ndu'ni ngu' judío lo'o Jesús li'.

SAN JUAN 6:37

Lcaa ñati̱ nu cua nda Sti na' jna', ngu' nu ngusñi cha' jna' ni, caca ngu' bi' ñati̱ 'na li'. Tucuá na' cha' ji'i̱ ngu' bi', ná culo'o na' ji'i̱ ngu' cha' tyaa ngu' chaca se'i̱.

SAN LUCAS 14:11

Cua ña'a̱ ca ñati̱ nu nti' cha' tlyu la cha' laca ji'i̱ ycui', bi' laca nu ca tyuju'u ti' ca tiya' la; lo'o nu ñati̱ nu xti ti cha' ntsu'u tyiquee ycui' yu, xtyucua ycui' Ndyosi ji'i̱ yu bi' li', cha' caca tlyu la tyiquee yu ca tiya' la.

SAN LUCAS 11:45

Li' nchcui' sca mstru cha' jo'ó lo'o Jesús: ―Mstru ―nacui̱―, lo'o nchcui' nu'u̱ jua'a̱, lo'o ji'i̱ cuare nsta nu'u̱ qui'ya.

SAN LUCAS 6:22

’Lo'o jua'a̱ tso'o ti caca tyiquee cu'ma̱ masi ti'í ti' ngu' ña'a̱ ngu' ji'i̱ ma̱, masi culo'o ngu' ji'i̱ ma̱ ca su ndi'i̱ ma̱, masi suba' tsa chcui' ngu' lo'o ma̱, masi hasta nga'aa nti' ngu' chcui' ngu' lo'o ma̱, xqui'ya cha' jlya ti' ma̱ jna', na' nu cua nda Ni lijya̱a̱ cha' caca na' ñati̱;

3 JUAN 1:10

Nu lo'o tyalaa na' ca slo ma̱, li' chcui' na' lo'o ma̱ cuentya ji'i̱ lcaa cña nu ndyu'ni yu bi', cha' chiya'a̱ tsa nchcui' yu ji'i̱ cuare; nchcui' yu bi' cua ña'a̱ ca lo cha' cuiñi lo'o ñati̱. Masi ndyu'ni yu jua'a̱, ná cuayá' ji'i̱ yu nti' yu, cha' juani ná ntaja'a̱ yu ta yu su tyi'i̱ ngu' tya'a ndya'a̱ ya cña lo'o ndyaa ngu' quichi̱ tyi ma̱; ña'a̱ cuayá' ndaca'a yu chacuayá' ji'i̱ tya'a ma̱ cha' lo'o cu'ma̱ ná ta ma̱ su tyi'i̱ ngu', masi ngua ti' ma̱ ta ma̱ su tyi'i̱ ngu' nquicha'. Lo'o jua'a̱ ngua ti' yu culo'o yu ji'i̱ tya'a ndya'a̱ ya cña bi', cha' ná tyu'u ti'i̱ ngu' lo'o ma̱.