SAN JUAN 9:16 - Chatino Tataltepec

¹⁶ Li' ntsu'u xi ngu' fariseo nu nacui̱: ―Si'i slo ycui' Ndyosi ya̱a̱ nu Jesús bi', bi' cha' ná ndaquiya' yu tsa̱ ta'a ji'i̱ ngu'. Lo'o jua'a̱ ntsu'u xi xa' ñati̱ nu nchcui' ji'i̱ yu ndi'ya̱: ―¿Ñi'ya̱ caca ji'i̱ yu bi' cua'ni yu cña tonu cuentya ji'i̱ ycui' Ndyosi si jua'a̱ ntsu'u tsa qui'ya ji'i̱ yu? Ná stu'ba cha' nu nchcui' ngu' bi' ji'i̱ Jesús.

SAN JUAN 9:16 Referans Kwoze

SAN JUAN 10:19

Tya chaca quiya' ná stu'ba cha' ji'i̱ ngu' judío lo'o tya'a ngu' cha' nchcui' Jesús jua'a̱.

SAN JUAN 7:43

Ná ngua stu'ba cha' ji'i̱ ngu' lo'o tya'a ngu' cha' ji'i̱ Jesús.

SAN JUAN 7:12

Quiña'a̱ tsa cha' nda ngu' quichi̱ bi' lo'o tya'a ngu' cuentya ji'i̱ Jesús. Ntsu'u ngu' nu nchcui' ndi'ya̱: “Tso'o tsa ñati̱ bi'”. Lo'o ntsu'u xi xa' la ngu' nu ndu'ni: “Si'i. Xcui' cha' cuiñi nda yu, na ñilo'o ti yu ji'i̱ ngu'”.

SAN JUAN 3:2

Ndyaa nu cusu' bi' sca talya su nga'a̱ Jesús: ―Mstru Jesús ―nacui̱―, jlo ti' ngu' cha' nu'u̱ laca sca mstru nu nda ycui' Ndyosi ji'i̱ lijya̱ chalyuu, cha' ná ngua jinu'u̱ cua'ni ni sca cha' tlyu si ná nxtyucua ycui' Ndyosi jinu'u̱. Ná nchca ji'i̱ ñati̱ chalyuu cua'ni ngu' jua'a̱ ―nacui̱ Nicodemo ji'i̱ Jesús.

SAN MATEO 12:2

Li' na'a̱ ngu' fariseo cha' ndyu'ni ngu' jua'a̱, nchcui' ngu' lo'o Jesús li': ―¿Ha ná jlo ti' ma̱ cha' ná ntsu'u chacuayá' cua'ni na cña juani, cha' tsa̱ nu ndi'i̱ cña' na laca? ―nacui̱ ngu' bi' ji'i̱ Jesús―. Nu ngu' cua nu ndyaca tsa'a̱ jinu'u̱ ni, ¿ni cha' laca ndyu'ni ngu' cña juani lacua?

SAN JUAN 15:24

Ná ntsu'u qui'ya ji'i̱ ngu' bi' clyo, pana juani ni, cua nguti'i̱ na' slo ngu' bi', cua ngua'ni na' cña nu ná caca ji'i̱ xa' ñati̱ cua'ni; cua na'a̱ ngu' lcaa ña'a̱ cña tonu nu ngua'ni na', bi' cha' liye' ti' ngu' ña'a̱ ngu' jna'. Lo'o jua'a̱ ji'i̱ Sti na' liye' ti' ngu' ña'a̱ ngu' ji'i̱ Ni, bi' cha' cua ndyanu yabe' hichu̱' ngu' bi' ―nacui̱ Jesús―.

SAN JUAN 14:11

Xñi ma̱ cha' jna' lacua, cha' nu nacui̱ na' ji'i̱ ma̱ cha' stu'ba ntsu'u cha' 'na lo'o ycui' Ndyosi Sti na'. Si ná caca jlya ti' ma̱ 'na jua'a̱, li' tso'o masi xqui'ya cña tonu nu ndu'ni na', bi' cha' jlya ti' ma̱ jna' ―nacui̱ Jesús―.

SAN JUAN 9:24

Tya ngusi'ya ngu' ji'i̱ nu ngua cuityi̱' bi' chaca quiya', lo'o li' lye nchcui' ngu' lo'o: ―Chacuayá' ji'i̱ ycui' Ndyosi, ta nu'u̱ cha' liñi lo'o ya juani ―nacui̱ ngu' ji'i̱―. Cua jlo ti' ya cha' ntsu'u tsa qui'ya ji'i̱ nu Jesús bi'.

SAN JUAN 6:52

Li' nguxana ngu' judío bi', lye tsa nxlyú ngu' cha' hichu̱' tya'a ngu'. ―¿Ñi'ya̱ cua'ni nu jua si ta yu cuaña' ycui' ca yu cha' cacu na?― nacui̱ ngu' ji'i̱ tya'a ngu'.

SAN JUAN 5:36

Pana xti ti cha' 'na nchcui' Juan lo'o ma̱; cua quiña'a̱ la cha' caca ña'a̱ ma̱ juani cuentya jna', nu lo'o ña'a̱ ma̱ cña tonu nu nda Sti na' 'na cha' cua'ni na'. Tya cua'ni na' cña bi' ña'a̱ cuayá' tye bi'. Xqui'ya cña bi' caca cuayá' ti' ma̱ cha' ycui' Sti na' ngulo cña jna' cha' ca̱a̱ na' nde chalyuu re ―nacui̱ Jesús―.

LOS HECHOS 14:4

Ná stu'ba cha' ji'i̱ ngu' quichi̱ lo'o tya'a ngu' li'. Ntsu'u ngu' nu ndaquiya' tsa ji'i̱ tya'a ngu' judío, lo'o jua'a̱ ntsu'u ngu' nu ndaquiya' ji'i̱ cha' nu nda ngu' nu ndya'a̱ nchcui' cha' ji'i̱ Jesucristo bi'.

SAN MATEO 12:10

Li' na'a̱ yu cha' ndi'i̱ sca nu qui'yu nu quicha ya', cha' cua nchcu̱' tyucuí̱ sca tsu' ya'. Li' nchcuane ngu' ji'i̱ Jesús: ―¿Ha ntsu'u chacuayá' ji'na cha' cua'ni na jo'o ji'i̱ ngu' quicha tsa̱ ta'a, nu lo'o nga'a̱ cha' tyi'i̱ cña' na? ―nacui̱ ngu' ji'i̱ Jesús. Nti' tsa ngu' bi' sta ngu' qui'ya hichu̱' Jesús.

SAN LUCAS 13:14

Pana nu qui'yu nu laca loo ne' laa bi' ni, ngunasi̱' tsa yu bi', cha' ngua'ni Jesús jo'o ji'i̱ ngu' tsa̱ ta'a. ―Scuá tsa̱ tso'o cha' cua'ni na cña ―nacui̱ nu laca loo bi'―, bi' tsa̱ tso'o cha' tya̱a̱ ma̱ cha' caca jo'o ji'i̱ ma̱; nga'aa ca̱a̱ ma̱ tsa̱ ta'a li' ―nacui̱.

SAN JUAN 2:11

Ca quichi̱ Caná nde loyuu su cuentya Galilea ngua cha' bi' lo'o nguxana ngua'ni Jesús cha' tlyu cuentya ji'i̱ ycui' Ndyosi. Lo'o cha' tlyu bi' ngulu'u loo ycui' Jesús ji'i̱ ngu', cha' ña'a̱ ngu' cha' tlyu tsa cha' nu ntsu'u ji'i̱ ycui' yu. Bi' cha' nguxana ngu' nu ndyaca tsa'a̱ ji'i̱ yu, jlya ti' ngu' ji'i̱ ycui' ca Jesús.

SAN JUAN 5:10

Bi' cha' nchcui' nu ngu' judío bi' lo'o nu ngua quicha bi': ―Tsa̱ nu ndi'i̱ cña' ngu' laca juani ―nacui̱ ngu' bi' ji'i̱―. Ná ntsu'u chacuayá' jinu'u̱ tsiya' ti cha' tya'a̱ lo'o ji'i̱ jaa' cua hi̱ juani.

SAN JUAN 7:23

Nu lo'o ndu'u scua snu' tsa̱ tya lo'o ngula sñi' ma̱, ndu'ni ma̱ cña bi', masi ndi'i̱ cña' ngu' cha' ta'a, cha' ndaquiya' ma̱ lcaa cha' nu cua nda Moisés lo'o na. Bi' cha' juani, ¿ni cha' laca cha' ñasi̱' ma̱ 'na? ―nacui̱ Jesús―. Laca cha' ngua'ni na' cha' ngua tso'o sca ñati̱, masi sca tsa̱ ndi'i̱ cña' ngu' ngua bi'.