SAN JUAN 9:14 - Chatino Tataltepec

¹⁴ Tsa̱ nu ndi'i̱ cña' ngu' ngua bi', tsa̱ tacati ngua nu lo'o nguxa' Jesús nana' bi', ngua'ni yu jo'o ji'i̱ cloo nu cuityi̱' bi'.

SAN JUAN 9:14 Referans Kwoze

SAN JUAN 5:9

Lo'o li' jua'a̱ ngua, hora ti ndyaca tso'o nu quicha bi'. Li' nguxana ndu'u ta'a̱, ndyaa lo'o ji'i̱ jaa' ji'i̱. Tsa̱ saru ngua li'. Tacati tsa tsa̱ bi' ji'i̱ ngu' judío, nga'aa ndu'ni ngu' cña li'.

SAN JUAN 5:16

Ngua cuayá' ti' ngu' bi' li', cha' ngua'ni Jesús cha' tlyu lo'o nu quicha bi' tsa̱ ta'a lo'o ndi'i̱ cña' ngu', bi' cha' ngunasi̱' tsa ngu' judío bi' ji'i̱ Jesús. Nguxana ngu' bi' ngulacua cuxi ti' ngu' ña'a̱ ngu' ji'i̱ yu, ngua ti' ngu' cujuii ngu' ji'i̱ yu.

SAN LUCAS 14:1

Sca tsa̱ nu ndi'i̱ cña' ngu' ndyaa Jesús ndyacu yu xlyaa to' tyi xu'na ngu' fariseo. Lo'o xa' ngu' fariseo ni, na'a̱ tsa ngu' ji'i̱ Jesús li'.

SAN MARCOS 2:23

Ngua sca tsa̱ ta'a lo'o ndi'i̱ cña' ngu' judío, li' ndyaa Jesús su nscua xtya̱ trigo ji'i̱ ngu', ndyaa yu lo'o ngu' nu ndyaca tsa'a̱ ji'i̱ yu. Li' ngusuu nu ngu' nu ndyaca tsa'a̱ bi' xi si'yu trigo cha' cacu ngu' laja lo'o ndyaa ti ngu'.

SAN JUAN 9:6

Ndye nchcui' Jesús, li' ngusalú yu xi hitya sañi' lo yuu, cha' nguxa' xi lo'o yuu cha' caca nana'. Nda'a̱ yu nana' bi' chu̱' scua' cloo nu quicha bi'.

SAN JUAN 9:13

Ndyaa lo'o ngu' ji'i̱ nu qui'yu nu ngua cuityi̱' bi' slo ngu' fariseo ne' laa.