SAN JUAN 8:59 - Chatino Tataltepec

⁵⁹ Li' ngusñi ngu' quee cha' cu̱ ngu' ji'i̱ Jesús cujuii ngu' ji'i̱ li', pana ndyu'u cuatsi' yu ji'i̱ ngu'. Ngutu'u yu ne' laa bi', nteje tacui yu cla'be su ndi'i̱ ñati̱ ndyaa yu li'.

SAN JUAN 8:59 Referans Kwoze

SAN JUAN 11:8

Li' nguxacui̱ ngu' bi' cha' ji'i̱: ―Mstru ―nacui̱ ngu'―, ná sa'ni ngua bi' lo'o ngua ti' ngu' judío bi' cu̱ ngu' quee jinu'u̱ cha' cujuii ngu' jinu'u̱, ngua ti' ngu'. ¿Ha cua tsaa ti nu'u̱ nde jua chaca quiya'? ―nacui̱ ngu'.

LOS HECHOS 7:57

Cui̱i̱ tsa ngusi'ya ngu' li', ndacu̱' ngu' jyaca̱ ngu' cha' nga'aa nti' ngu' cuna ngu' cha' nu nchcui' Esteban.

SAN JUAN 18:31

―Yaa lo'o ma̱ ji'i̱ yu re cha' cua'ni cuayá' ma̱ ji'i̱ yu cuentya ji'i̱ cha' cusu' nu ntsu'u ji'i̱ ycui' ca ma̱ ―nacui̱ Pilato ji'i̱ ngu' li'. Nguxacui̱ nu ngu' judío bi' cha' ji'i̱ Pilato li': ―Ná ntsu'u chacuayá' ji'i̱ ya cha' cujuii ya ji'i̱ sca ñati̱ jua'a̱, cha' ngu' judío laca ya ―nacui̱ ngu'.

SAN JUAN 12:36

Lo'o jua'a̱ cu'ma̱ ―nacui̱ Jesús ji'i̱ ngu'―, tso'o la si xñi ma̱ cha' jna' laja lo'o tya ndi'i̱ na' chalyuu, na' nu ta̱ xee nu tyu'ú ne' cresiya ji'i̱ cu'ma̱ ñati̱ chalyuu. Li' tyucui tyiquee ma̱ caca ma̱ ñati̱ ji'i̱ ycui' Ndyosi. Ndye nchcui' Jesús jua'a̱ lo'o ngu', li' ngutu'u yu ndyaa yu ca su ná quije yu ji'i̱ ngu'.

SAN JUAN 11:54

bi' cha' nga'aa ndyaa Jesús su ndi'i̱ ngu' judío, ngutu'u yu loyuu bi', ndyaa yu chaca loyuu su tyijyu' la xi, ca to' yuu btyi. Ndyalaa yu sca quichi̱ su naa Efraín li', ca bi' nguti'i̱ Jesús lo'o ngu' nu ndyaca tsa'a̱ ji'i̱.

SAN JUAN 5:13

Ná jlo ti' nu ngua quicha quiya' bi' tilaca ngua'ni jo'o ji'i̱. Nguti'i̱ tsa ngu' ca bi', lo'o ná tucui na'a̱ ji'i̱ Jesús lo'o ngutu'u ndyaa.

SAN LUCAS 24:31

Bi' hora laca nu ndyaala cloo ngu', cha' ndyuloo tso'o ngu' ji'i̱ yu. Li' nguliji yu'u yu slo ngu', nga'aa na'a̱ ngu' ji'i̱ yu li'.

SAN MATEO 12:14

Lo'o li' ngua ñasi̱' tsa nu ngu' fariseo bi' ji'i̱ yu, ndu'u ngu', ndyaa ngu'; ngua ti' ngu' si caja ñi'ya̱ caca cua'ni tye ngu' cha' ji'i̱ Jesús li'.

SAN JUAN 9:1

To' tyucui̱i̱ su ndyaa Jesús, na'a̱ yu ji'i̱ sca ngu' cuityi̱', ca ña'a̱ cuityi̱' lo'o ngula nu quicha bi'.