SAN JUAN 8:52 - Chatino Tataltepec

⁵² Li' xa' nchcui' ngu' judío bi' lo'o Jesús chaca quiya': ―Juani jlo ti' ya cha' ñi'ya̱ nti' sca nu xña'a̱, jua'a̱ nti' nu'u̱ ―nacui̱ ngu'―. Sa'ni ngujuii jyo'o Abraham, sa'ni ngujuii nu xa' la jyo'o cusu' nu nda cha' ji'i̱ ycui' Ndyosi lo'o ñati̱. ¿Ñi'ya̱ nti' nu'u̱ lo'o nacui̱ ca ti nu'u̱: “Ná nga'a̱ cha' tye chalyuu ji'i̱ ñati̱ nu taquiya' ji'i̱ cha' nu nclyu'u na' ji'i̱”? ―nacui̱ ngu'―.

SAN JUAN 8:52 Referans Kwoze

HEBREOS 2:9

Pana cua jlo ti' na ñi'ya̱ ngua ji'i̱ Jesús nu ngua li', cha' xti ti tyempo ngua lcaa xca̱ ji'i̱ ycui' Ndyosi loo la ji'i̱ ycui' Jesús. Ngujuii yu lo crusi cuentya ji'i̱ lcaa ñati̱ chalyuu, xqui'ya cha' xcui' tso'o tsa ndu'ni ycui' Ndyosi lo'o na. Lo'o jua'a̱ ndube tsa ti' na ñi'ya̱ ndyaca ji'i̱ yu juani, cha' tso'o tsa ndyu'ni chi̱ ngu' loo yu; ndyu'ni tlyu ngu' ji'i̱ yu xqui'ya cha' cua ngujuii yu, xqui'ya cha' ti'í tsa ngua ti' yu cuentya ji'na.

SAN JUAN 9:24

Tya ngusi'ya ngu' ji'i̱ nu ngua cuityi̱' bi' chaca quiya', lo'o li' lye nchcui' ngu' lo'o: ―Chacuayá' ji'i̱ ycui' Ndyosi, ta nu'u̱ cha' liñi lo'o ya juani ―nacui̱ ngu' ji'i̱―. Cua jlo ti' ya cha' ntsu'u tsa qui'ya ji'i̱ nu Jesús bi'.

SAN JUAN 8:48

Li' nguxtyacui ngu' judío cha' lo'o Jesús: ―Liñi cha' nu nchcui' ya jinu'u̱ juani, cha' ngu' Samaria laca nu'u̱. Ñi'ya̱ nti' sca nu xña'a̱, jua'a̱ nti' nu'u̱ ―nacui̱ ngu' li'.

HEBREOS 11:13

Ña'a̱ ti jlya ti' lcaa jyo'o bi' ji'i̱ ycui' Ndyosi lo'o ngujuii ngu', masi nga'aa na'a̱ ngu' lo'o ndyu'u tucua lcaa cha' nu nacui̱ Ni cha' caca; pana tso'o tsa ngua tyiquee ngu' bi', cha' nu jlo ti' ngu' cha' cua ngulala ti caca cha' bi', ñi'ya̱ si tsa lyiji ti na'a̱ ngu' ji'i̱. Jlo ti' ngu' cha' tyijyu' ngutu'u ycui' ca ngu' lijya̱ ngu', lo'o ná ntsu'u tyi ngu' lo yuu bi'.

SAN JUAN 8:51

Lo'o chañi tsa cha' nu ta na' lo'o cu'ma̱ ndi'ya̱: Lo'o taquiya' ngu' ji'i̱ cha' nu nclyu'u na' ji'i̱ ngu', ná tye chalyuu tso'o nu ta na' ji'i̱ ngu' bi', masi cajaa ngu'.

SAN MATEO 11:18

Nu lo'o ñaa Juan bi' ni, ntsu'u quiña'a̱ tsa na nu ná ndacu yu, nu ná ndyi'yu yu. Lo'o li' nchcui' ma̱ ji'i̱ yu: “Ntsu'u cui'i̱ xña'a̱ ji'i̱ yu, bi' cha' ndu'ni yu jua'a̱”, nacui̱ ma̱.

SAN JUAN 1:19

Nda Juan cha' lo'o tyu̱u̱ tya'a sti jo'ó lo'o ngu' xirta; ngutu'u ngu' nde quichi̱ Jerusalén, ndyalaa ngu' su ndi'i̱ nu Juan bi' li'. Cua ngulo ngu' judío nu ndi'i̱ ca bi' cña ji'i̱ ngu' bi', cha' ca̱a̱ ngu' slo Juan cha' xcuane ngu' ji'i̱ Juan tilaca laca.

SAN JUAN 7:20

―Ñi'ya̱ nti' sca nu xña'a̱, jua'a̱ nti' nu'u̱ ―ndu'ni ngu' ji'i̱ Jesús li'―. ¿Tilaca nti' cujuii jinu'u̱ lacua?

SAN JUAN 8:22

―¿Ha cujuii yu ji'i̱ ycui' ca yu? ―nacui̱ ngu' judío ji'i̱ tya'a ngu'―. ¿Ha jua'a̱ ntsu'u tyiquee yu lo'o nacui̱ yu: “Ná caja chacuayá' tsaa ma̱ ca su tyi'i̱ na' li'”?

SAN JUAN 8:55

masi ná ndyuloo ma̱ ji'i̱ Ni, pana jua'a̱ ndu'ni ma̱. Nslo na' ji'i̱ Ni tu'ni. Ná taca ñacui̱ na' cha' ná nslo na' ji'i̱ Ni; cuiñi na' si jua'a̱ ñacui̱ na', ñi'ya̱ laca cu'ma̱, cha' cuiñi tsa ma̱. Chañi cha' nslo na' ji'i̱ Ni, jua'a̱ ndaquiya' na' ji'i̱ lcaa cha' nu nchcui' Ni lo'o na' ―nacui̱ Jesús ji'i̱ ngu' judío bi'―.

SAN JUAN 14:23

―Ñati̱ nu chañi cha' ntsu'u tsa tyiquee jna', taquiya' ngu' ji'i̱ lcaa cha' nu nchcui' na' lo'o ngu' ―nacui̱ Jesús―. Lo'o li' tso'o tsa caca tyiquee ycui' Ndyosi Sti na' ña'a̱ Ni ji'i̱ ngu' bi'. Cuati ca̱a̱ ya lo'o Sti na' cha' tyanu ya lo'o ngu' bi' ―nacui̱ Jesús―.

SAN JUAN 15:20

Tyi'u ti' ma̱ cha' nu nchcui' na' lo'o ma̱ tsubi': “Nu laca loo laca nu nclyo cña, si'i ngu' msu ti”. Ñi'ya̱ ndu'ni lya' ti' ngu' jna', jua'a̱ cua'ni lya' ti' ngu' ji'i̱ ma̱. Ná ndaquiya' ngu' ji'i̱ cha' nu ngulu'u na' ji'i̱ ngu', la cui' jua'a̱ ná taquiya' ngu' ji'i̱ cha' nu chcui' cu'ma̱ lo'o ngu' bi'.

SAN JUAN 17:6

’Lcaa ca cha' ñi'ya̱ laca ycui' nu'u̱ ni, cua ndye nchcui' na' cha' bi' lo'o ñati̱ chalyuu nu cua ngusubi nu'u̱ ji'i̱ cha' caca ñati̱ jna', ña'a̱ cuayá' nu ndyuloo tso'o ngu' jinu'u̱ ―nacui̱―. Ñati̱ jinu'u̱ laca ngu' bi', pana cua nda nu'u̱ ngu' bi' jna'. Cua ndaquiya' ngu' lcaa cha' nu nda nu'u̱ lo'o ngu'.