SAN JUAN 8:51 - Chatino Tataltepec

⁵¹ Lo'o chañi tsa cha' nu ta na' lo'o cu'ma̱ ndi'ya̱: Lo'o taquiya' ngu' ji'i̱ cha' nu nclyu'u na' ji'i̱ ngu', ná tye chalyuu tso'o nu ta na' ji'i̱ ngu' bi', masi cajaa ngu'.

SAN JUAN 8:51 Referans Kwoze

SAN JUAN 5:24

’Liñi tsa cha' nu ta na' lo'o ma̱ juani: Cua ña'a̱ ca ñati̱ nu taquiya' ji'i̱ lcaa cha' nu chcui' na' lo'o ngu', lcaa ñati̱ nu jlya ti' ji'i̱ ycui' Ndyosi Sti na' nu nda jna' lijya̱a̱, bi' ngu' laca nu ná nga'a̱ cha' tye chalyuu tso'o nu ta ycui' Ndyosi ji'i̱ ngu' bi'. Ná cua'ni cuayá' Ni ji'i̱ ngu' bi', ná nscua cha' cajaa ngu' bi'; lcaa tyempo tyi'i̱ ngu' bi' lo'o ycui' Ndyosi ―nacui̱ Jesús ji'i̱ ngu'―.

SAN JUAN 15:20

Tyi'u ti' ma̱ cha' nu nchcui' na' lo'o ma̱ tsubi': “Nu laca loo laca nu nclyo cña, si'i ngu' msu ti”. Ñi'ya̱ ndu'ni lya' ti' ngu' jna', jua'a̱ cua'ni lya' ti' ngu' ji'i̱ ma̱. Ná ndaquiya' ngu' ji'i̱ cha' nu ngulu'u na' ji'i̱ ngu', la cui' jua'a̱ ná taquiya' ngu' ji'i̱ cha' nu chcui' cu'ma̱ lo'o ngu' bi'.

SAN JUAN 6:50

Ndi'ya̱ nchcui' na' lo'o ma̱ juani ―nacui̱ Jesús―, cuentya ji'i̱ la cui' cha' tso'o nu ta Ni ji'i̱ ñati̱, nu chañi cua'ni cha' tyaala' ti' ngu': slo ycui' Ndyosi ngutu'u cha' tso'o bi', lijya̱ bi' chalyuu; chañi cha' lo'o cacu sca ñati̱ ji'i̱ na bi', ná nga'a̱ cha' tye chalyuu ji'i̱ ngu' li'.

SAN LUCAS 2:26

ngua'ni Ni cha' ca cuayá' ti' yu cha' ná cajaa chca yu ña'a̱ cuayá' tyalaa tsa̱ nu ña'a̱ yu ji'i̱ nu Cristo, nu ta ycui' Ndyosi ji'i̱ cha' ca̱a̱ nde chalyuu.

HEBREOS 11:5

Jlya ti' jyo'o Enoc ji'i̱ ycui' Ndyosi, bi' cha' ná ngujuii yu. Jua'a̱ ti ndyalo'o ycui' Ndyosi ji'i̱ yu ca slo ycui' Ni; ná nquije yu ji'i̱ ñati̱ li', xqui'ya cha' cua ya̱a̱ Ni ya̱qui'ya Ni ji'i̱ yu. Pana nchcui' quityi cha' cua ndiya ti' Ni ñi'ya̱ nu ngua'ni nu Enoc bi' laja lo'o nguti'i̱ yu chalyuu.

SAN JUAN 8:55

masi ná ndyuloo ma̱ ji'i̱ Ni, pana jua'a̱ ndu'ni ma̱. Nslo na' ji'i̱ Ni tu'ni. Ná taca ñacui̱ na' cha' ná nslo na' ji'i̱ Ni; cuiñi na' si jua'a̱ ñacui̱ na', ñi'ya̱ laca cu'ma̱, cha' cuiñi tsa ma̱. Chañi cha' nslo na' ji'i̱ Ni, jua'a̱ ndaquiya' na' ji'i̱ lcaa cha' nu nchcui' Ni lo'o na' ―nacui̱ Jesús ji'i̱ ngu' judío bi'―.

SAN JUAN 8:12

Chaca quiya' nda Jesús cha' lo'o ngu' ne' laa bi'. ―Na' laca̱ nu nda̱ xee cha' tyu'ú ne' cresiya ji'i̱ ñati̱ ―nacui̱ yu―. Tyanu xee lubii jna' ne' cresiya ji'i̱ ñati̱ nu xñi cha' jna', lo'o jua'a̱ ná nga'a̱ cha' tye chalyuu ji'i̱ ngu' bi' li'; nga'aa ntsu'u cha' tya'a̱ yu'u ngu' bi', ñi'ya̱ nu ndu'ni ngu' nu ná ntsu'u xee jna' ne' cresiya ji'i̱ tsiya' ti.

SAN MATEO 16:28

Cha' liñi nchcui' na' lo'o ma̱ juani, cha' ntsu'u ngu' nu tya ndu̱ lo'o na chalyuu re juani, nu lo'o tya lyiji cajaa ngu' ca cuayá' ti' ngu' cha' cua nguxana cha' laca na' loo ne' cresiya ji'i̱ ñati̱, na' nu cua nda Ni 'na lijya̱a̱ cha' caca na' ñati̱.

SAN JUAN 8:52

Li' xa' nchcui' ngu' judío bi' lo'o Jesús chaca quiya': ―Juani jlo ti' ya cha' ñi'ya̱ nti' sca nu xña'a̱, jua'a̱ nti' nu'u̱ ―nacui̱ ngu'―. Sa'ni ngujuii jyo'o Abraham, sa'ni ngujuii nu xa' la jyo'o cusu' nu nda cha' ji'i̱ ycui' Ndyosi lo'o ñati̱. ¿Ñi'ya̱ nti' nu'u̱ lo'o nacui̱ ca ti nu'u̱: “Ná nga'a̱ cha' tye chalyuu ji'i̱ ñati̱ nu taquiya' ji'i̱ cha' nu nclyu'u na' ji'i̱”? ―nacui̱ ngu'―.

SAN JUAN 14:23

―Ñati̱ nu chañi cha' ntsu'u tsa tyiquee jna', taquiya' ngu' ji'i̱ lcaa cha' nu nchcui' na' lo'o ngu' ―nacui̱ Jesús―. Lo'o li' tso'o tsa caca tyiquee ycui' Ndyosi Sti na' ña'a̱ Ni ji'i̱ ngu' bi'. Cuati ca̱a̱ ya lo'o Sti na' cha' tyanu ya lo'o ngu' bi' ―nacui̱ Jesús―.

SAN JUAN 17:6

’Lcaa ca cha' ñi'ya̱ laca ycui' nu'u̱ ni, cua ndye nchcui' na' cha' bi' lo'o ñati̱ chalyuu nu cua ngusubi nu'u̱ ji'i̱ cha' caca ñati̱ jna', ña'a̱ cuayá' nu ndyuloo tso'o ngu' jinu'u̱ ―nacui̱―. Ñati̱ jinu'u̱ laca ngu' bi', pana cua nda nu'u̱ ngu' bi' jna'. Cua ndaquiya' ngu' lcaa cha' nu nda nu'u̱ lo'o ngu'.

HEBREOS 2:9

Pana cua jlo ti' na ñi'ya̱ ngua ji'i̱ Jesús nu ngua li', cha' xti ti tyempo ngua lcaa xca̱ ji'i̱ ycui' Ndyosi loo la ji'i̱ ycui' Jesús. Ngujuii yu lo crusi cuentya ji'i̱ lcaa ñati̱ chalyuu, xqui'ya cha' xcui' tso'o tsa ndu'ni ycui' Ndyosi lo'o na. Lo'o jua'a̱ ndube tsa ti' na ñi'ya̱ ndyaca ji'i̱ yu juani, cha' tso'o tsa ndyu'ni chi̱ ngu' loo yu; ndyu'ni tlyu ngu' ji'i̱ yu xqui'ya cha' cua ngujuii yu, xqui'ya cha' ti'í tsa ngua ti' yu cuentya ji'na.