SAN JUAN 8:3 - Chatino Tataltepec

³ Li' ya̱a̱ ngu' fariseo bi' slo Jesús, lo'o ngu' mstru cha' jo'ó, ya̱a̱ lo'o ngu' ji'i̱ sca nu cuna'a̱ nu ndacui qui'ya ji'i̱. Cua ngujui nu cuna'a̱ bi' ji'i̱ ngu' la cui' tyempo nu ngua'a̱ cho' lo'o clyo'o xa' ñati̱. Li' nguxatu̱ ngu' bi' ji'i̱ nu cuna'a̱ bi' cla'be laja su ndi'i̱ ngu'.

SAN JUAN 8:3 Referans Kwoze

SAN JUAN 8:2

Pana tsa cua cuxee ti, xa' ndatu̱ Jesús ne' laa tonu. Li' ndyu'u ti'i̱ lcaa ñati̱ ca slo yu. Ca bi' ndyaca'a̱ yu ngulu'u yu cha' ji'i̱ ycui' Ndyosi ji'i̱ ngu'.

SAN JUAN 8:4

Nchcui' ngu' lo'o Jesús li': ―Mstru ―nacui̱ ngu' bi'―, cua ngujui nu cuna'a̱ re ji'i̱ ya la cui' tyempo lo'o ngua'a̱ cho' lo'o clyo'o xa' ñati̱ ―nacui̱ ngu' ji'i̱ Jesús―.

SAN JUAN 8:9

Lo'o ndyuna ngu' cha' bi', nguxana ngu' ngutu'u ngu' ndyaa ngu' li', cha' cua jlo ti' ngu' cha' ntsu'u qui'ya ji'i̱ ycui' ngu'. Clyo la ndyaa nu ngu' cusu' la, li' ndyaa lcaa ngu' cuentya sca ti ngu'. Li' ndyanu Jesús chaca tya yu, lo'o ña'a̱ ti ndu̱ nu cuna'a̱ bi' ntajatya ji'i̱ yu ni jacua' chcui' yu lo'o.

LOS HECHOS 4:7

Ngulo ngu' ji'i̱ Pedro lo'o ji'i̱ Juan ne' chcua̱, ñaa lo'o ngu' ji'i̱ ngu' bi' ca slo ngu' nu laca loo. Li' nchcuane nu ngu' cusu' bi' ji'i̱ ngu': ―¿Ñi'ya̱ ngua'ni ma̱ cha' ndyaca tso'o yu quicha quiya' bi'? ―nacui̱ ngu' ji'i̱ ngu'―. ¿Tilaca laca nu nda chacuayá' cha' cua'ni ma̱ jo'o ji'i̱ yu?

SAN MATEO 2:4

Li' ngusi'ya rey Herodes bi' ji'i̱ lcaa sti jo'ó nu laca loo, lo'o jua'a̱ ji'i̱ mstru nu nclyu'u cha' jo'ó ne' laa cha' ca̱a̱ ngu' slo. Nchcuane nu rey bi' ji'i̱ ngu' li': ―¿Ha ná jlo ti' ma̱ macala nchcui' quityi cha' cala Cristo? ―nacui̱ rey ji'i̱ ngu'.

SAN JUAN 9:13

Ndyaa lo'o ngu' ji'i̱ nu qui'yu nu ngua cuityi̱' bi' slo ngu' fariseo ne' laa.

ROMANOS 7:3

Ndi'ya̱ laca cha': si tyu'u cha' ji'i̱ nu cuna'a̱ bi' lo'o chaca nu qui'yu lo'o tya lu'ú ti clyo'o, cña cuxi laca nu cua'ni nu cuna'a̱ bi' li'. Pana si cua ngujuii clyo'o nu cuna'a̱ bi', nga'aa ndatsaa cha' bi' ji'i̱; taca caja clyo'o nu cuna'a̱ bi' lo'o xa' nu qui'yu, cha' si'i sca cña cuxi laca nu cua'ni li', nu lo'o nga'aa lu'ú clyo'o nu cuna'a̱ bi'.