SAN JUAN 8:21 - Chatino Tataltepec

²¹ Li' xa' nchcui' Jesús lo'o ngu': ―Tsa'a na' ―nacui̱ yu―, li' tsaana ma̱ jna' ca su ndya'a̱ na', pana ná quije na' ji'i̱ ma̱ tsiya' ti ―nacui̱―. Tya lyiji quije na' ji'i̱ ma̱ lo'o cajaa ycui' ma̱ ña'a̱ lo'o cresiya cuxi ji'i̱ ma̱, pana ná caja chacuayá' tsaa ma̱ ca su tyi'i̱ na' li'.

SAN JUAN 8:21 Referans Kwoze

SAN JUAN 7:34

Li' tsaana ma̱ jna' macala su ndi'i̱ na', lo'o ná quije na' ji'i̱ ma̱ tsiya' ti, cha' ná caja chacuayá' tyalaa ma̱ ca su tyi'i̱ na' li'.

SAN JUAN 8:24

Bi' cha' ni na' ji'i̱ ma̱ cha' cajaa ycui' ma̱ ña'a̱ lo'o cresiya cuxi ji'i̱ ma̱; chañi cha' bi': cajaa ma̱ ña'a̱ lo'o cresiya cuxi ji'i̱ ma̱, si ná jlya ti' ma̱ cha' laca na' ñi'ya̱ nu ni na' ji'i̱ ma̱ cha' laca na'.

SAN JUAN 13:33

Sñi' na' ―nacui̱ Jesús ji'i̱ ngu' bi' li'―, tya xi ca tsa̱ tya tyi'i̱ na' nde chalyuu lo'o ma̱. Ñi'ya̱ nu ni na' ji'i̱ ngu' judío tya tsubi', la cui' ti cha' ta na' lo'o ma̱ juani: Tsaana ma̱ jna', pana ná caja chacuayá' tsaa ma̱ ca su tsa'a̱ ―nacui̱ yu―.

EFESIOS 2:1

Cua nda ycui' Ndyosi chalyuu ji'i̱ ma̱ chaca quiya' xqui'ya cha' cua ndyu'ú Cristo chaca quiya'. Nu ngua tsubi' la, ñi'ya̱ laca si na cua ndye chalyuu ji'i̱ ma̱, jua'a̱ ngua ma̱ xqui'ya qui'ya nu ntsu'u ji'i̱ ma̱ lo'o ycui' Ndyosi, cha' ná ndaquiya' ma̱ tsiya' ti ji'i̱ cha' nu nchcui' ycui' Ndyosi.

SAN JUAN 12:35

Li' nguxtyacui Jesús cha' lo'o ngu': ―Tya xi ca tsa̱ tya tyi'i̱ na' slo cu'ma̱, na' nu ta̱ xee nu tyu'ú ne' cresiya ji'i̱ ñati̱ ―nacui̱ Jesús―. Bi' cha' juani yaa ma̱ su nga'a̱ cha' tsaa ma̱ lo'o tya xee ti, cha' ná cua'ni nu cuxi ngana ji'i̱ ma̱, nu cuxi nu nda talya chalyuu. Nu lo'o talya ña'a̱ su ndya'a̱ na, ná jlo ti' na ma nde ndya'a̱ na li'.

SAN JUAN 12:33

Jua'a̱ nacui̱ Jesús cha' caca cuayá' ti' ngu' ñi'ya̱ nu caca lo'o cujuii ngu' ji'i̱ yu.

SAN MATEO 25:46

Lo'o li' tyaa ngu' bi' ca bilyaa su ná tye cha' chcube' ngu'; pana ngu' nu lubii tyiquee ni, caja chalyuu nu ná nga'a̱ cha' tye tsiya' ti ji'i̱ ngu' bi'.

SAN MATEO 25:41

’Lo'o li' chcui' na' lo'o taju ñati̱ nu ndi'i̱ la'a tsu' coca 'na: “Tyu'u ma̱ liya', cu'ma̱ nu ná ntsu'u su tyi'i̱ ma̱ slo ycui' Ndyosi. Yaa clya ma̱ ca su ná tye tsiya' ti cha' ndyaqui̱ quii', cha' stu'ba ti tyi'i̱ ma̱ lo'o nu laca xu'na cuiñaja lo'o lcaa xca̱ ji'i̱, lcaa cui'i̱ cuxi; cuentya ji'i̱ nu cuiñaja bi' nguxtyu'u ycui' Ni quii' bi'.

SAN MATEO 23:39

Cha' liñi nchcui' na' lo'o ma̱ juani, cha' nga'aa ña'a̱ ma̱ 'na ña'a̱ cuayá' nu tyalaa tyempo lo'o chcui' ma̱ cha' 'na: “Tso'o tsa ndyu'ni ycui' Ndyosi lo'o ñati̱ nu lijya̱ chacuayá' ji'i̱ ycui' nu Xu'na na”, ñacui̱ ma̱ li'.

SAN JUAN 7:36

¿Ñi'ya̱ nti' yu jua cha' nchcui' yu ndi'ya̱: “Tsaana ma̱ jna' macala su ndi'i̱ na', lo'o ná quije na' ji'i̱ ma̱ tsiya' ti, cha' ná caja chacuayá' tyalaa ma̱ ca su tyi'i̱ na' li'”? ―nacui̱ ngu'.