SAN JUAN 8:20 - Chatino Tataltepec

²⁰ Nacui̱ Jesús jua'a̱ lo'o ngulu'u yu ji'i̱ ngu' ne' laa tonu, ntucua yu cacua ti su ndu̱ cñá' su cujui'i̱ ngu' cñi nu caca msta̱ ji'i̱ ngu' ne' laa. Lo'o ná tucui ngua'ni cha' tejeya' ji'i̱ Jesús, cha' tsaa lo'o ji'i̱ yu ni'i̱ chcua̱, cha' tya lyiji tyalaa tyempo ji'i̱ yu cha' xcube' ngu' xña'a̱ ji'i̱ yu.

SAN JUAN 8:20 Referans Kwoze

SAN JUAN 7:30

Lo'o ndye nchcui' Jesús cha' bi', li' ndyalaa xi ngu' slo yu, ngua ti' ngu' cha' taya' ngu' ji'i̱ yu. Pana ni sca ngu' ná ndaya' ngu' ji'i̱ yu, cha' tya lyiji tyalaa tyempo ji'i̱ Ni cha' xñi ngu' ji'i̱ yu.

SAN JUAN 7:8

Yaa clya ycui' ca ma̱ ta'a bi'; ná tsa'a na', cha' tya lyiji tyalaa la cui' tyempo nu tya'a̱ ca bi'.

SAN MARCOS 12:41

Lo'o ndye nchcui' Jesús cha' bi', li' ndyaa tucua yu xi ne' laa bi' cacua ti su ndu̱ caju̱ su nxu'ba ngu' cñi cha' caca msta̱. Na'a̱ yu ji'i̱ nu quiña'a̱ tsa ñati̱ nu ndya'a̱ nsu'ba msta̱ ne' caju̱ cajua. Ndya'a̱ xi ngu' culiya', quiña'a̱ tsa cñi ngusu'ba ngu' culiya' bi' ne' caju̱ bi'.

SAN JUAN 7:44

Pana ná tucui ntejeya' ji'i̱ yu, masi ntsu'u ngu' nu ngua ti' ngu' xñi ngu' ji'i̱.

SAN MARCOS 12:43

Li' nchcui' Jesús lo'o nu ngu' nu ndyaca tsa'a̱ ji'i̱ cha' ca̱a̱ ngu' slo: ―Chañi cha' nu nchcui' na' lo'o ma̱ ―nacui̱ Jesús ji'i̱ ngu' bi'―, cha' tlyu la msta̱ nu nda nu cuna'a̱ ti'i jua que msta̱ nu nda lcaa lo xa' la ñati̱ nu ndya'a̱ re.

SAN MATEO 27:6

Ngusñi sti jo'ó nu laca loo ji'i̱ cñi bi' li'. ―¿Ñi'ya̱ cua'ni na lacua? ―nacui̱ sti jo'ó ji'i̱ tya'a ngu'―. Ná ntsu'u chacuayá' quixa' cñi re lo'o msta̱ nu cua nda ngu' ji'i̱ ycui' Ndyosi ne' laa re, cha' cñi nu ngujui ji'i̱ yu cha' ndyujui' yu ji'i̱ sca ñati̱ laca cñi re ―nacui̱ sti jo'ó bi'.

SAN JUAN 10:39

Chaca quiya' ngua'ni cuayá' ngu' si caca taya' ngu' ji'i̱ Jesús. Li' nga'aa ndyanu yu, laja ti ngu' ngutu'u yu ngulaá yu ji'i̱ ngu'.

SAN JUAN 8:59

Li' ngusñi ngu' quee cha' cu̱ ngu' ji'i̱ Jesús cujuii ngu' ji'i̱ li', pana ndyu'u cuatsi' yu ji'i̱ ngu'. Ngutu'u yu ne' laa bi', nteje tacui yu cla'be su ndi'i̱ ñati̱ ndyaa yu li'.

SAN LUCAS 20:19

Lo'o li' lcaa sti jo'ó nu laca loo lo'o ngu' mstru cha' jo'ó, ngua ti' ngu' cha' xñi ngu' ji'i̱ Jesús cha' tyaa lo'o ngu' ji'i̱ preso la cui' hora bi'; cua ngua cuayá' ti' ngu' bi', cha' ji'i̱ ycui' ngu' nchcui' Jesús lo'o nchcui' yu cui̱i̱ bi'. Pana ntsi̱i̱ ngu' xi ji'i̱ ñati̱ quichi̱ bi'.

SAN MATEO 26:55

Li' nchcui' Jesús lo'o nu taju ñati̱ tyaala nu ñaa cha' xñi ngu' ji'i̱: ―¿Ni cha' lijya̱ ma̱ lo'o maxtyi cusu̱u̱ lo'o yaca ntsu'u ya' ma̱, cha' xñi ma̱ 'na? ―nacui̱ Jesús ji'i̱ ngu'―. ¿Ha sca nu cuaana laca na' lacua? Tyu̱u̱ tsa tsa̱ ngua'a̱ na' ne' laa tonu ji'i̱ ma̱, ngulu'u na' cha' ji'i̱ ycui' Ndyosi ji'i̱ ñati̱, lo'o ná ngusñi ma̱ 'na li'.

SAN LUCAS 21:1

Lo'o li' na'a̱ Jesús ji'i̱ ngu' culiya' nu ndya'a̱ ne' laa, cha' nsu'ba ngu' cñi ne' cñá' su tyu'u msta̱.

SAN JUAN 2:4

Nguxacui̱ Jesús cha' ji'i̱ xtya'a̱ li': ―¿Ha cña 'na laca cua? Tya lyiji tyalaa hora cha' culu'u loo na' ji'i̱ ñati̱ tilaca laca na'.

SAN JUAN 7:14

Sca semana ndalo ta'a bi'. Lo'o jua'a̱ tsa̱ nchca jacua ji'i̱ ta'a, li' ndyaa Jesús ne' laa tonu; nguxana yu nclyu'u yu ji'i̱ ngu' ca bi' li'.

SAN JUAN 8:2

Pana tsa cua cuxee ti, xa' ndatu̱ Jesús ne' laa tonu. Li' ndyu'u ti'i̱ lcaa ñati̱ ca slo yu. Ca bi' ndyaca'a̱ yu ngulu'u yu cha' ji'i̱ ycui' Ndyosi ji'i̱ ngu'.