SAN JUAN 7:7 - Chatino Tataltepec

⁷ cha' ná liye' ti' ngu' ña'a̱ ngu' ji'i̱ ma̱; pana liye' tsa ti' ngu' ña'a̱ ngu' 'na, cha' nchcui' liñi na' lo'o ngu' cuentya ji'i̱ cha' cuxi nu ndu'ni ngu' ―nacui̱―.

SAN JUAN 7:7 Referans Kwoze

SAN JUAN 3:19

Na cua nda ycui' Ndyosi xee lijya̱ lo yuu, pana ná ntaja'a̱ ñati̱ chalyuu tyi'i̱ su xee bi'. Ntsu'u tsa ngu' nu ndiya la ti' tyi'i̱ ngu' su talya ña'a̱, cha' xña'a̱ tsa ngu' bi'; bi' cha' ntsu'u qui'ya nu ngusta Ni ji'i̱ ngu' bi'.

GÁLATAS 4:16

¿Ha nti' ma̱ cha' tya'a cusu̱u̱ ma̱ laca na' xqui'ya cha' liñi nu nda na' lo'o ma̱?

1 JUAN 4:5

Cua ntsu'u cha' ji'i̱ nu ngu' cuiñi bi' lo'o nu cuxi nu ntsu'u chalyuu, lo'o jua'a̱ xcui' cha' ji'i̱ nu xña'a̱ laca cha' nu nchcui' ngu' bi'; bi' cha' ndiya tsa ti' ñati̱ chalyuu cuna ngu' cha' nu nda nu ngu' cuiñi bi', lcaa ñati̱ nu ná ndaquiya' ji'i̱ Jesucristo tsiya' ti.

SANTIAGO 4:4

cua nguxtyanu ma̱ ji'i̱ ycui' Ndyosi, cua ntsu'u cha' ji'i̱ ma̱ lo'o sca cha' nu cuxi tsa, si jua'a̱ ndyu'ni ma̱. ¿Ha ná nchca cuayá' ti' ma̱ cha' tya'a cusu̱u̱ ycui' Ndyosi laca na, si xcui' cha' ji'i̱ ycui' ca ti na ntsu'u tyiquee na? Na nxu̱u̱ tya'a na lo'o ycui' Ndyosi, si cua'ni tya'a na lo'o nu cuxi nu ntsu'u nde chalyuu.

SAN JUAN 17:14

Lcaa cha' nu cua nchcui' nu'u̱ lo'o na', cua nda na' cha' bi' lo'o ngu' bi' ―nacui̱―. Lo'o juani, ñi'ya̱ lo'o liye' ti' ñati̱ chalyuu 'na, jua'a̱ ca liye' ti' ñati̱ ña'a̱ ji'i̱ ngu' bi', xqui'ya cha' ná ntsu'u cha' ji'i̱ ya lo'o nu cuxi nu ntsu'u nde chalyuu.

ROMANOS 8:7

Tya'a cusu̱u̱ ycui' Ndyosi laca na, si ña'a̱ ti ndu'ni na cha' cuxi ñi'ya̱ nu ndu'ni ñati̱ chalyuu ti; ná nchca ji'na tsiya' ti taquiya' na ji'i̱ cha' nu nda ycui' Ni lo'o na, si ña'a̱ ti tya nti' na cua'ni na cha' cuxi.

SAN LUCAS 6:26

’Lo'o jua'a̱ tya'na tsa cu'ma̱ lo'o tso'o tsa nchcui' lcaa ñati̱ ji'i̱ ma̱. La cui' jua'a̱ ngua'ni jyo'o cusu' ji'i̱ ma̱ nu ngua sa'ni, cha' tso'o tsa nchcui' ngu' ji'i̱ ngu' nu nchcui' cha' cuiñi ti ji'i̱ ycui' Ndyosi lo'o ngu'; ndiya tsa ti' ngu' ji'i̱ cha' cuiñi bi'. Jua'a̱ ngulu'u Jesús ji'i̱ lcaa ngu' nu ndyaca tsa'a̱ ji'i̱.