47 Nguxacui̱ ngu' fariseo cha' ji'i̱ ngu' bi': ―¿Ha lo'o ji'i̱ cu'ma̱ ñilo'o yu jua lacua? ―nacui̱ ngu'―.
Quiña'a̱ tsa cha' nda ngu' quichi̱ bi' lo'o tya'a ngu' cuentya ji'i̱ Jesús. Ntsu'u ngu' nu nchcui' ndi'ya̱: “Tso'o tsa ñati̱ bi'”. Lo'o ntsu'u xi xa' la ngu' nu ndu'ni: “Si'i. Xcui' cha' cuiñi nda yu, na ñilo'o ti yu ji'i̱ ngu'”.
Ntsu'u quiya' nu ndu'ni chi̱ ngu' loo ya; xa' la tyempo, li' nchcui' ngu' cha' ti'í ji'i̱ ya. Nchcui' ngu' cha' tso'o ji'i̱ ya, lo'o jua'a̱ nchcui' ngu' cha' cuxi ji'i̱ ya. Nchcui' ngu' cha' nu cuiñi tsa ya; xa' la tyempo, li' nchcui' ngu' cha' liñi tsa cha' nu nchcui' ya.
Nchcui' ngu' lo'o li': ―Cusu' ―nacui̱ ngu' ji'i̱ nu Pilato bi'―, ntsu'u ti' ya ji'i̱ cha' nu cua nchcui' nu cuiñi bi' lo'o tya lu'ú yu: “Tyu'u scua sna tsa̱, li' tyu'ú na' chaca quiya'”, nacui̱ yu.
Li' nguxacui̱ Jesús cha' ji'i̱ ngu' tlyu bi': ―Lo'o cu'ma̱ ni ―nacui̱ Jesús ji'i̱ ngu'―, ¿ni cha' laca xti la cha' ntsu'u tyiquee ma̱ ji'i̱ cña nu ngulo ycui' Ndyosi ji'na? Lo'o jua'a̱ lye tsa ndube ti' ma̱ ji'i̱ scaa cha' nu nda jyo'o cusu' lo'o na.