SAN JUAN 7:32 - Chatino Tataltepec

³² Cua ndyuna ngu' fariseo ña'a̱ cha' nu nchcui' ngu' quichi̱ ji'i̱ Jesús. Bi' cha' ngulo ngu' cña ji'i̱ policía ne' laa cha' tsaa ngu' taya' ngu' ji'i̱ Jesús. Jua'a̱ ngua'ni sti jo'ó nu laca loo lo'o nu ngu' fariseo bi'.

SAN JUAN 7:32 Referans Kwoze

LOS HECHOS 5:26

Hora ti ndu'u nu laca loo ji'i̱ ngu' nu nga'a̱ cua̱ bi', ndyaa ndyiqui'ya ji'i̱ preso bi'. Lo'o nu ngu' policía nu nga'a̱ cua̱ ni, ndyaa ngu' lo'o. Ná ngulo policía juersa ji'i̱ ngu' lo'o ngusñi ngu' bi' ji'i̱ ngu', cha' ntsi̱i̱ policía ji'i̱ ngu' quichi̱, ñi'ya̱ si cu̱ ngu' quee ji'i̱ ycui' policía.

SAN JUAN 18:3

Bi' cha' ndyaa lo'o Judas ji'i̱ sca taju sendaru lo'o policía nu nda ngu' tlyu ji'i̱ ndyaa, la cui' sti jo'ó nu laca loo bi' lo'o ngu' fariseo. Lo'o xee lámpara, lo'o quii' quityee, lo'o chcua̱ cusu̱u̱ ntucua ya' ngu' ndyaa ngu'. Li' ndyaa lo'o Judas ji'i̱ ngu' bi' ca su ndi'i̱ yaca cuiñii bi'.

SAN JUAN 12:19

Li' nchcui' ngu' fariseo lo'o tya'a ngu': ―Ña'a̱ ma̱ ji'i̱ yu bi'. ¿Ñi'ya̱ cua'ni na juani? Ná caca ji'na tsiya' ti tacu̱' na cha' ji'i̱ yu bi'. Tyucui ña'a̱ chalyuu ngusñi ngu' cha' ji'i̱ yu juani.

SAN MATEO 23:13

’¡Tya'na tsa cu'ma̱ ngu' mstru cha' jo'ó, lo'o jua'a̱ cu'ma̱ ngu' fariseo, cha' tucua cha' ntsu'u tyiquee ma̱! Na ndacu̱' ma̱ tyucui̱i̱ ji'i̱ ngu', cha' ná caca tyatí̱ ngu' cha' ji'i̱ ycui' Ndyosi, cha' ná caca ycui' Ni loo ne' cresiya ji'i̱ ngu'. Ni ycui' ma̱, ná caca tyatí̱ ma̱ cha' bi', lo'o jua'a̱ ná nda ma̱ chacuayá' cha' tyatí̱ xa' la ñati̱ cha' bi'.

SAN MATEO 12:14

Lo'o li' ngua ñasi̱' tsa nu ngu' fariseo bi' ji'i̱ yu, ndu'u ngu', ndyaa ngu'; ngua ti' ngu' si caja ñi'ya̱ caca cua'ni tye ngu' cha' ji'i̱ Jesús li'.

SAN MATEO 26:58

Lo'o nu Pedro bi' ni, tyijyu' ti ndu'u lca'a̱ yu chu̱' ngu' bi', hasta ña'a̱ cuayá' nu ndyalaa ngu' ca to' lo'o ji'i̱ xu'na sti jo'ó bi'. Li' ndyatí̱ Pedro ne' lo'o, stu'ba ti ngua'a̱ yu lo'o ngu' policia, cha' nti' yu ña'a̱ yu ñi'ya̱ caca lo'o cua'ni tye ngu' cha' ji'i̱ Jesús.

SAN JUAN 7:30

Lo'o ndye nchcui' Jesús cha' bi', li' ndyalaa xi ngu' slo yu, ngua ti' ngu' cha' taya' ngu' ji'i̱ yu. Pana ni sca ngu' ná ndaya' ngu' ji'i̱ yu, cha' tya lyiji tyalaa tyempo ji'i̱ Ni cha' xñi ngu' ji'i̱ yu.

SAN JUAN 11:46

Pana ntsu'u xi ngu' bi' nu hora ti ndyaa slo ngu' fariseo, nda ngu' cha' lo'o ngu' ñi'ya̱ nu ngua'ni Jesús.