SAN JUAN 7:10 - Chatino Tataltepec

¹⁰ Ndyaa nu ngu' qui'yu tya'a Jesús ta'a. Ca tiya' la lo'o ycui' Jesús ndyaa. Ná ndyaa yu tsa tlyu ti lo'o xa' ñati̱, ycui' ti yu ndyaa yu cha' ná ña'a̱ ñati̱ ji'i̱ yu.

SAN JUAN 7:10 Referans Kwoze

SAN MATEO 10:16

’Cua'a̱ jyaca̱ ma̱ 'na: Ta na' ji'i̱ ma̱ cha' tsaa ma̱ xa' quichi̱ ñi'ya̱ si laca ma̱ xlya' nu ndya'a̱ laja bo'o tyaala; bi' cha' tii ti ti' ma̱ tya'a̱ ma̱ laja ñati̱, ñi'ya̱ nti' ndya'a̱ cuaña nu tii tsa ti'. Tso'o ti tya'a̱ ma̱, ná cua'ni tyaala ma̱ ji'i̱ ngu' tsiya' ti. Caca ma̱ ñi'ya̱ laca paloma, cha' masu tsa ni', ná tyaala ni' tsiya' ti.

GÁLATAS 4:4

Pana lo'o cua ndyalaa tsa̱ nu ndu'u scua cha' nu ngüiñi ji'i̱ Ni lo'o na, li' cua nda ycui' Ndyosi ji'i̱ Sñi' ycui' ca Ni ñaa chalyuu; sñi' sca nu cuna'a̱ ngu' judío ngua nu Jesús bi', lo'o jua'a̱ ndaquiya' tsa yu ji'i̱ lcaa cha' cusu' nu jlya ti' ngu' judío.

SAN JUAN 11:54

bi' cha' nga'aa ndyaa Jesús su ndi'i̱ ngu' judío, ngutu'u yu loyuu bi', ndyaa yu chaca loyuu su tyijyu' la xi, ca to' yuu btyi. Ndyalaa yu sca quichi̱ su naa Efraín li', ca bi' nguti'i̱ Jesús lo'o ngu' nu ndyaca tsa'a̱ ji'i̱.

SAN JUAN 7:5

Jua'a̱ nchcui' ngu', cha' lo'o ngu' tya'a Jesús ni, ná jlya ti' ngu' ji'i̱ yu.

SAN JUAN 7:3

Lo'o li' nacui̱ nu ngu' qui'yu tya'a Jesús: ―Tyu'u nu'u̱ su ndi'i̱ nu'u̱ re, yaa nu'u̱ nde loyuu su cuentya Judea tso'o la ―nacui̱ tya'a yu ji'i̱ Jesús―. Ntsu'u tsa ngu' nu ndyaca tsa'a̱ jinu'u̱ cajua; tso'o culu'u nu'u̱ xi cha' tlyu nu ndu'ni nu'u̱ ji'i̱ ngu' bi'.

SAN MATEO 3:15

Li' nchcui' Jesús lo'o yu: ―Tso'o tyucuatya nu'u̱ jna' juani ―nacui̱ Jesús ji'i̱ Juan―, cha' jua'a̱ tso'o si cua'ni na lcaa cña nu nti' ycui' Ndyosi cha' cua'ni na. Lo'o ndyuna Juan cha' nu nchcui' Jesús lo'o, ntyucuatya yu ji'i̱ Jesús li'.

SAN MATEO 12:46

Tya nchcui' Jesús lo'o ngu', li' ndyalaa xtya'a̱ lo'o tya'a Jesús, ndu̱ ngu' nde liya' cha' nti' ngu' chcui' ngu' lo'o Jesús.

SAN MARCOS 3:21

Lo'o ndyuna tya'a Jesús cha' bi', ngulacua tsa ti' ngu' li'. Hora ti ndu'u ngu' lijya̱ ngu' slo Jesús, xqui'ya cha' ntsu'u ñati̱ nu nacui̱ cha' cua ngua loco yu.

SAN JUAN 7:9

Nga'aa nchcui' la Jesús li'. Ndyanu yu nde Galilea.