SAN JUAN 6:70 - Chatino Tataltepec

⁷⁰ Li' nacui̱ Jesús: ―Jua'a̱ na', cua ngusubi na' ji'i̱ ca ta'a tii tyucuaa tya'a ma̱, masi cuiñaja caca tsaca ma̱.

SAN JUAN 6:70 Referans Kwoze

SAN JUAN 13:27

Lo'o ngusñi Judas ji'i̱ tyaja bi', la cui' hora bi' ndyatí̱ ycui' nu xña'a̱ nu naa Satanás, ndyaa ne' cresiya ji'i̱ nu Judas bi'. Li' nacui̱ Jesús ji'i̱: ―Yaa clya nu'u̱ lquichi̱ cua hi̱.

SAN JUAN 13:2

Laja li' cua ngua'ni nu xña'a̱ cha' ngua'ya cha' hique Judas sñi' Simón Iscariote cha' cujui' cresiya ji'i̱ Jesús ji'i̱ ngu' cuxi.

SAN JUAN 17:12

Lo'o tya ndi'i̱ na' lo'o ñati̱ nu nda nu'u̱ 'na ―nacui̱ Jesús―, li' ndaca'a na' ji'i̱ ngu' bi' lo'o juersa ji'i̱ ycui' nu'u̱. Ná nda na' chacuayá' tyacua cha' cuxi ji'i̱ ngu'; ni tsaca ngu' bi', ná nguna' chalyuu ji'i̱ ngu'. Sca ti nu ñati̱ nu nguscua tya sa'ni la cha' chcuna' cha' ji'i̱, bi' laca nu ndye cha' ji'i̱ tsiya' ti, cha' nga'a̱ cha' caca lcaa cha' nu nguscua ngu' lo quityi cusu' cuentya jinu'u̱.

SAN JUAN 13:18

’Ná nchcui' na' ji'i̱ lcaa cu'ma̱. Jlo ti' na' ti ji'i̱ ngusubi na' cha' caca tsa'a̱ ngu' jna' ―nacui̱ Jesús―. Tya sa'ni nguscua ngu' sca cha' ji'i̱ ycui' Ndyosi lo quityi ndi'ya̱: “La cui' ñati̱ nu stu'ba ndyacu tyaja lo'o na', bi' laca nu xu̱u̱ tya'a lo'o na' juani”; jlo ti' na' cha' nga'a̱ cha' caca cha' bi' ―nacui̱ Jesús―.

SAN JUAN 6:64

Pana tya ntsu'u xi ngu' tya'a ndya'a̱ ma̱ nu ná jlya ti' jna' ―nacui̱ Jesús li'. Tya lo'o nguxana ti cha', tya li' ngua tii Jesús tilaca laca nu ná jlya ti' ji'i̱ yu, tilaca laca nu cujui' cresiya ji'i̱ yu ca tiya' la.

1 JUAN 3:8

Lcaa ñati̱ nu ndu'ni xcui' cha' cuxi, cua laca ngu' bi' sñi' ycui' nu xña'a̱ nu laca xu'na cuiñaja; tya lyiji tye cha' cua'ni nu xña'a̱ bi' cha' cuxi. Sca ti Jesús nu Sñi' ycui' Ndyosi, cua ya̱a̱ Ni chalyuu cha' cua'ni tye Ni ji'i̱ lcaa cña nu ndyu'ni nu xña'a̱ bi'.

1 TIMOTEO 3:11

Lo'o nu ngu' cuna'a̱ ni, ntsu'u cha' cua'ni ngu' xcui' cha' tso'o nu lo'o caca ngu' cña cha' xtyucua ngu' ji'i̱ ña'a̱ taju ngu' nu ngusñi cha' ji'i̱ Jesús; ná tso'o cha' chcui' nu cuna'a̱ bi' cuentyu ji'i̱ tya'a ngu' lo'o xa' ñati̱. Nga'a̱ cha' culacua tso'o ti' nu cuna'a̱ bi', cha' talo ji'i̱ cña nu nda ngu' ji'i̱.

LOS HECHOS 1:17

Stu'ba ti nguta'a̱ jyo'o Judas lo'o na, stu'ba ti ngua'ni yu cña lo'o na nquicha'.

SAN JUAN 15:19

Si cua'ni ma̱ ñi'ya̱ nu ndu'ni ñati̱ cuxi nde chalyuu, li' chcui' tso'o ngu' lo'o ma̱, ñi'ya̱ si laca ma̱ tya'a ngu'. Pana juani nga'aa ntsu'u cha' ji'i̱ ma̱ lo'o cha' cuxi nu ntsu'u nde chalyuu, cha' cua ngusubi na' ji'i̱ ma̱ cha' caca ma̱ ñati̱ 'na; bi' cha' liye' tsa ti' ngu' ña'a̱ ngu' ji'i̱ ma̱ ―nacui̱―.

SAN JUAN 15:16

Si'i cu'ma̱ nu ngusubi ma̱ 'na cha' tya'a̱ ma̱ lo'o na' ―nacui̱ Jesús―, na' laca̱ nu cua nchcui' na' lo'o ma̱ clyo. Tya li' ngulo na' cña ji'i̱ ma̱ cha' xcui' cha' tso'o tyu'u ne' cresiya ji'i̱ ma̱, cha' jua'a̱ talo cña tso'o nu ndu'ni ma̱; li' cua'ni Sti na' lcaa cha' nu jña ma̱ ji'i̱ Ni chacuayá' 'na.

SAN JUAN 13:21

Lo'o nchcui' Jesús jua'a̱, ti'í tsa nti' cresiya ji'i̱ yu nda yu cha' lo'o ngu' bi': ―Liñi tsa cha' nu ta na' lo'o ma̱ juani, cha' ntsu'u sca ngu' tya'a ma̱ nu cujui' cresiya 'na ji'i̱ ngu' cuxi ―nacui̱ Jesús li'.

SAN JUAN 8:44

Ycui' nu xña'a̱ laca sti cu'ma̱, lo'o jua'a̱ nti' ma̱ cua'ni ma̱ la cui' cña nu ngulo nu bi' ji'i̱ ma̱. Tya lo'o nguxana chalyuu, tya li' nguxana ndyu'ni ñu'u̱ nu bi' ji'i̱ cresiya ji'i̱ ñati̱ ―nacui̱ Jesús―. Ná ngutu'u nu bi' ca su ntsu'u su̱u̱ cha' liñi, ná ntsu'u cha' liñi ji'i̱ nu bi' tsiya' ti ―nacui̱―. Lo'o ñilo'o nu bi' ji'i̱ ñati̱, xquicha' ycui' ca laca cha' cuiñi nu nda nu bi' lo'o ngu'. Sca nu cuiñi laca nu xña'a̱, bi' laca sti lcaa nu cuiñi.

TITO 2:3

Lo'o jua'a̱ culu'u nu'u̱ ji'i̱ ma' cusu' ñi'ya̱ nu nga'a̱ cha' tyi'i̱ ma' cha' cua'ni chi̱ ma' loo ycui' Ndyosi, cha' ná chcui' ma' cuentyu ji'i̱ ñati̱, cha' ná ca cu'bi ma', cha' culu'u ma' xcui' cha' tso'o ji'i̱ tya'a ñati̱ ma'.

LOS HECHOS 13:10

bi' cha' nchcui' lo'o nu cucha'a̱ bi': ―Lye tsa ñilo'o nu'u̱ ji'i̱ ngu' ―nacui̱ Pablo ji'i̱ nu cucha'a̱ bi'―. Liye' tsa ti' nu'u̱ ña'a̱ nu'u̱ ji'i̱ ya, cha' msu ji'i̱ nu xña'a̱ laca nu'u̱ ―nacui̱―. Ndaca'a tsa nu'u̱ ji'i̱ ngu' cha' ná cua'ni ngu' sca cha' tso'o ti; bi' cha' juani culo na' cña jinu'u̱ cha' nga'aa cua'a nu'u̱ ji'i̱ ngu' nu nti' xñi cha' ji'i̱ ycui' Ndyosi nu Xu'na ya.

SAN JUAN 6:67

Li' nchcuane Jesús ji'i̱ nu tii tyucuaa tya'a ñati̱ bi': ―¿Ha lo'o cu'ma̱ nti' ma̱ xtyanu ma̱ 'na?

SAN JUAN 6:71

Nu nti' Jesús ñacui̱ cha' Judas sñi' Simón Iscariote, bi' laca nu ta ji'i̱ Jesús ji'i̱ ngu' xña'a̱ ca tiya' la. Lo'o nu Judas bi' ni, lo'o bi' nga'a̱ laja nu tii tyucuaa tya'a ngu' nu ndyaca tsa'a̱ ji'i̱ Jesús.

SAN JUAN 20:24

Cua ntsu'u sca nu qui'yu tya'a nu tii tyucuaa tya'a ngu', nu naa Tomás nu Culaca'. Ná lo'o Tomás ndi'i̱ lo'o nu xa' tya'a ngu' nu ngua tsa'a̱ bi', nu lo'o ndyaa Jesús slo ngu'.