SAN JUAN 6:6 - Chatino Tataltepec

⁶ Jlo ti' Jesús ñi'ya̱ cua cua'ni ti ycui', pana cua nti' yu cua'ni cuayá' yu ji'i̱ Felipe ñi'ya̱ ña'a̱ cua'ni nu Felipe bi'.

SAN JUAN 6:6 Referans Kwoze

2 CORINTIOS 13:5

Cua'ni cuayá' ma̱ ji'i̱ ycui' ca ma̱ lacua, cha' ca cuayá' ti' ma̱ si chañi cha' tya ndyanu tyucui cha' ji'i̱ Jesucristo ne' cresiya ji'i̱ ma̱. Nga'a̱ cha' tyi'u ti' ma̱ cha' ndyanu Xtyi'i Jesucristo ne' cresiya ji'i̱ sa scaa ma̱; sca ti si cua ngunu'u̱ cresiya ji'i̱ ma̱ lo'o ycui' Ndyosi tsiya' ti, nga'aa tyanu Ni lo'o ma̱ li'.

APOCALIPSIS 2:2

Cua jlo ti' na' lcaa ña'a̱ nu ndu'ni ma̱, nacui̱ Jesús. Jlo ti' na' cha' ndalo tsa tyiquee ma̱, masi ndyiji tsa cha' ti'í ji'i̱ ma̱ cha' ndacu̱' ma̱ cha' ji'i̱ ngu' xña'a̱, nacui̱ Ni. Lo'o jua'a̱ jlo ti' na' cha' ná ndalo ma̱ tsiya' ti ji'i̱ ñati̱ cuxi. Cua ngua'ni cuayá' ma̱ ji'i̱ ñati̱ nu nacui̱ cha' cua nda na' ji'i̱ ycui' ngu' lijya̱ slo ma̱, masi ná nda na' ji'i̱ ngu' bi' lijya̱; cua nquijeloo cha' ji'i̱ ma̱ cha' cuiñi ngu' bi', nacui̱ Ni.