SAN JUAN 6:38 - Chatino Tataltepec

³⁸ Cua ngutu'u na' nde slo ycui' Ndyosi Sti na', lijya̱ na' nde lo yuu cha' cua'ni na' cña nu ngulo Sti na' 'na; si'i cha' cua'ni na' ñi'ya̱ nu nta̱' cua'ni ta̱ ―nacui̱ Jesús―.

SAN JUAN 6:38 Referans Kwoze

SAN JUAN 5:30

’Ná sca cña caca 'na si sca ti na' ―nacui̱ Jesús―. Lo'o ndyu'ni cuayá' na' ji'i̱ ñati̱, ndu'ni na' ñi'ya̱ nu nacui̱ Sti na' 'na cha' cua'ni na'. Stu'ba ndu'ni cuayá' na' ji'i̱ cua ña'a̱ ca ñati̱, cha' ndu'ni na' ñi'ya̱ nu nti' ycui' Sti na' nu nda 'na lijya̱a̱ chalyuu; ná ndu'ni na' sca cha' nu nda'ya hique ti na' ―nacui̱ Jesús li'―.

SAN JUAN 4:34

Ndi'ya̱ nacui̱ Jesús ji'i̱ ngu' bi' li': ―Lo'o ndu'ni na' cña ji'i̱ ycui' Ndyosi Sti na', li' ndyaala' ti' na' ñi'ya̱ si cua ndyacu na', ñi'ya̱ si cua ndyo'o na' hitya ―nacui̱ yu―. Nga'a̱ cha' cua'ni tye na' cña nu nda Ni 'na lijya̱a̱ nde chalyuu ―nacui̱―.

SAN JUAN 3:31

Loo la laca ycui' Cristo cha' ngutu'u yu nde cua̱ ca su ntucua ycui' Ndyosi, ya̱a̱ yu nde chalyuu. Pana nu Juan ni, sñi' sca ñati̱ chalyuu ngua bi'; nde chalyuu ntsu'u tyi, nchcui' ñi'ya̱ nu nchcui' ñati̱ ti. Nu Jesucristo ni, ya̱a̱ yu bi' nde cua̱ ca su ndi'i̱ ycui' Ndyosi,

SAN JUAN 6:33

Juani ta Sti na' sca lo cha' tso'o nu cacu ma̱ nu chañi cha' cua'ni cha' tyaala' ti' ma̱ lo'o caja cha' bi' ji'i̱ ma̱, ñi'ya̱ laca lo'o ndyacu ma̱ tyaja. Ndu'u cha' tso'o bi' ca su ndi'i̱ ycui' Ndyosi, lijya̱ bi' nde lo yuu, nda bi' chalyuu nu ná nga'a̱ cha' tye ji'i̱ ma̱.

SAN JUAN 3:13

’Bilya tsaa ni tsaca ñati̱ ca slo ycui' Ndyosi. Sca ti na' nu nda ycui' Ndyosi 'na lijya̱a̱ cha' caca na' ñati̱, cua ndya'a̱ na' cajua, cha' cajua laca tyi na'.

HEBREOS 5:8

Bi' cha' ndaquiya' Jesús lcaa cña nu nti' ycui' Ni cha' cua'ni yu. Nchcube' tsa yu lo'o nguti'i̱ yu nde chalyuu; masi nu sca ti Sñi' ycui' Ndyosi laca yu, pana tya ngua tsa'a̱ la yu cua ña'a̱ ca cña nu cua'ni yu cuentya ji'i̱ Ni.

ROMANOS 15:3

ñi'ya̱ nu ngua'ni ycui' Cristo, ni sca cña ná ngua'ni yu cha' ji'i̱ ti yu. Cua ntsu'u sca cha' nu nscua lo quityi cusu', sca cha' nu nda yu lo'o ycui' Ndyosi Sti yu ndi'ya̱: “Lcaa cha' cuxi nu nchcui' ngu' jinu'u̱, cua ndyanu cha' bi' hichu̱' na'; yabe' nu ngusta ngu' jinu'u̱ laca bi'”.

EFESIOS 4:9

¿Ni cha' laca nacui̱ quityi cha' cua ndyaa Ni nde cua̱? Na cua ngua'ya ti'i̱ Ni clyo, ñaa Ni loyuu chalyuu ca su ndi'i̱ ñati̱ cuxi tya'a na.

SAN MATEO 20:28

Na' nu cua nda Ni 'na lijya̱a̱ cha' caca na' ñati̱, ná lijya̱ na' nde chalyuu cha' caja msu 'na; ycui' na' laca na' msu ji'i̱ ñati̱, bi' cha' lijya̱ na'. Na cua lijya̱ na' cha' cajaa na' cha' cati̱ qui'ya nu ntsu'u ji'i̱ ñati̱, cha' cua'ni lyaá na' ji'i̱ quiña'a̱ tsa ñati̱ li' ―nacui̱ Jesús ji'i̱ ngu'.

SAN JUAN 3:17

Si'i cha' sta ycui' Ndyosi Sti na' qui'ya ji'i̱ ñati̱ chalyuu nda Ni jna' lijya̱ na' chalyuu, na cua lijya̱ na' cha' cuityi̱ na' qui'ya nu ntsu'u ji'i̱ ñati̱ chalyuu; bi' cha' cua nda Ni jna' lijya̱ na' ―nacui̱ Jesús―.

SAN JUAN 5:19

Li' nguxacui̱ Jesús cha' ji'i̱ ngu' judío bi': ―Ta na' sca cha' liñi lo'o ma̱ juani ―nacui̱ yu―. Ná sca cña caca cua'ni na' ycui' ti na', na' nu laca̱ Sñi' ycui' Ndyosi. Ñi'ya̱ cña nu ña'a̱ na' cha' ndu'ni Sti na', jua'a̱ ti cña ndu'ni na' ―nacui̱―.

SAN JUAN 6:29

―Ndi'ya̱ laca cña nu nti' ycui' Ndyosi cha' cua'ni ma̱ ―nacui̱ Jesús―. Xñi ma̱ cha' jna', cha' na' laca̱ Sñi' ycui' Ndyosi, cha' cua nda Ni 'na lijya̱a̱ chalyuu.

SAN JUAN 6:42

Li' nacui̱ ngu': ―¿Ha si'i Jesús sñi' José laca nu jua? ―nacui̱ ngu'―. Cua nslo na ji'i̱ sti yu lo'o xtya'a̱ yu. ¿Ñi'ya̱ ndyu'u cha' nu nchcui' yu jua cha' cua ngutu'u yu ca su ntucua ycui' Ndyosi?

SAN JUAN 6:57

Lcaa tyempo lu'ú Sti na' nu nda 'na lijya̱a̱ ca nde, lo'o jua'a̱ chacuayá' ji'i̱ ycui' Ni lu'ú na'; chacuayá' 'na tyu'ú ñati̱ nu xñi cha' 'na, ñati̱ nu caja tyucui ña'a̱ na' ji'i̱.