SAN JUAN 6:27 - Chatino Tataltepec

²⁷ Tso'o la ―nacui̱ Jesús li'―, si cua'ni cña ti' ma̱ cha' caja sca cha' nu talo ji'i̱ ma̱; chañi cha' tyaala' ti' ma̱ li', si caja chalyuu nu ná nga'a̱ cha' tye ji'i̱ ma̱. Nu na cacu na ni, xtyi'i ti talo na bi', yala ti quiñu'u̱ na bi'. Pana na' nu lijya̱a̱ cha' caca na' ñati̱, ta na' sca cha' tso'o ji'i̱ ma̱ nu cua'ni cha' tyaala' ti' ma̱, lo'o ná tye tsiya' ti cha' bi' ji'i̱ ma̱ ―nacui̱―. Na cua nda ycui' Ndyosi Sti na' chacuayá' jna' cha' ta na' cha' tso'o bi' ji'i̱ ma̱.

SAN JUAN 6:27 Referans Kwoze

COLOSENSES 3:2

Cua'ni cha' tyanu tachaa cha' bi' tyiquee ma̱, nga'aa tyaala' ti' ma̱ lo'o cua ña'a̱ ca cha' cuxi nu ntsu'u nde chalyuu.

SAN JUAN 6:54

Cua ña'a̱ ca ñati̱ nu jua'a̱ ti caja tyucui ña'a̱ ycui' na' ji'i̱ ngu', ná nga'a̱ cha' tye chalyuu ji'i̱ ngu' bi'. Cua'ni na' cha' tyu'ú ngu' bi' chaca quiya' lo'o cua tye ti chalyuu ―nacui̱ Jesús―.

2 TIMOTEO 2:19

Liñi tsa laca cha' nu nchcui' ycui' Ndyosi; cua'ni Ni cha' ná xtyanu na cha' bi', si jlya ti' na cha' nu nchcui' ycui' Ndyosi ndi'ya̱: “Cua nslo ycui' nu Xu'na na tilaca laca ñati̱ ji'i̱ Ni”. Lo'o chaca cha' nchcui' ndi'ya̱: “Cua ña'a̱ ca ñati̱ nu ntsu'u cha' ji'i̱ lo'o Cristo ni, ntsu'u cha' xtyanu ngu' bi' lcaa cha' cuxi”. Jua'a̱ nacui̱ quityi ji'i̱ ycui' Ndyosi.

SAN JUAN 6:40

Nde laca cña nu nti' Sti na' nu cua nda jna' lijya̱a̱ cha' caca: cua nti' Ni cha' ná tye chalyuu su tyi'i̱ ngu' lo'o Ni, lcaa ñati̱ nu ndyuloo jna' cha' laca̱ Sñi' Ni, lcaa ñati̱ nu xñi cha' jna'. Lo'o li' chañi cha' cua'ni na' cha' tyu'ú ngu' chaca quiya' lo'o cua tye ti chalyuu.

ROMANOS 6:23

Tsa bi' ti caya' caja ji'na lo'o ndu'ni na cha' cuxi, cha' chcuna' lyiji cresiya ji'na lo'o; pana si stu'ba ntsu'u cha' ji'na lo'o Jesús nu Xu'na na, li' ta ycui' Ndyosi sca chalyuu nu ná nga'a̱ cha' tye ji'na. Sca cha' xlya'be nu nda ti Ni ji'na laca.

SAN JUAN 10:28

Ná nga'a̱ cha' tye chalyuu nu ta na' ji'i̱ ngu' bi', ná chcuna' cresiya ji'i̱ ngu' li'. Ná tucui caca ji'i̱ xlyaá ji'i̱ ñati̱ bi' 'na, cha' tso'o tsa ña'a̱si̱i̱ na' ji'i̱ ñati̱ bi' ―nacui̱ Jesús―.

SAN JUAN 6:51

Na' laca̱ nu cha' tso'o nu caja ji'i̱ ñati̱ ―nacui̱ Jesús―. Ngutu'u na' nde slo ycui' Ndyosi lijya̱ na' chalyuu cha' caca na' ñati̱, cha' caja ñi'ya̱ nu tyaala' ti' ngu'. Nu lo'o xñi ñati̱ cha' jna', ná nga'a̱ cha' tye chalyuu ji'i̱ ngu' bi' li'; ta na' tyucui ña'a̱ na' ji'i̱ ngu', cha' jua'a̱ caja chalyuu cucui ji'i̱ ngu'.

LOS HECHOS 10:38

Jlo ti' ma̱ ñi'ya̱ nguti'i̱ Jesús chalyuu, la cui' Jesús Nazaret. Cua ngusubi ycui' Ndyosi Sti yu ji'i̱ Jesús, nda la Ni juersa ji'i̱ nu Jesús bi' nu lo'o ndyalaa Xtyi'i ycui' Ni lo yu. Lcaa su nguta'a̱ yu ngua'ni yu cha' tso'o lo'o ñati̱, lo'o jua'a̱ ngua'ni yu cha' ndyaca tso'o ngu' nu quicha tsa, masi ñati̱ nu ntsu'u tsa cha' ti'í ji'i̱ xqui'ya cha' ngusñi cui'i̱ cuxi ji'i̱ ngu'. Ngua'ni Jesús cña jua'a̱, cha' nguxtyucua ycui' Ndyosi ji'i̱ yu.

SAN JUAN 17:2

Na cua nda nu'u̱ chacuayá' jna' cha' caca na' loo ji'i̱ lcaa ñati̱, cha' ta na' chaca chalyuu ji'i̱ ñati̱ nu nda nu'u̱ 'na, chalyuu nu ná nga'a̱ cha' tye ―nacui̱ Jesús ji'i̱ ycui' Ndyosi Sti yu―.

SAN MATEO 6:19

’Lo'o chaca cha' ni: ná xco'o ma̱ quiña'a̱ tsa cha' tso'o cuentya ji'i̱ ycui' ti ma̱ laja lo'o ndi'i̱ ma̱ chalyuu re. Yala ti quiñu'u̱ cha' tso'o bi' jua'a̱ ti; ntsu'u quiya' cacu tiña' ji'i̱, cacu cuixu̱' ji'i̱, cua'ni ñu'u̱ ji'i̱ li'. La cui' jua'a̱ cuaana ngu' ji'i̱ cha' tso'o nu ntsu'u ji'i̱ ma̱, nguna' cha' bi' ji'i̱ ma̱ li'.

SAN JUAN 6:58

Na' laca̱ nu cha' tso'o nu cacu ngu' bi' ―nacui̱ Jesús ji'i̱ ngu'―, cha' ngutu'u na' nde slo ycui' Ndyosi lijya̱ na' lo yuu; si'i la cui' tya'a na nu ndyacu jyo'o cusu' ji'na lo nati̱' btyi cua sa'ni ―nacui̱―. Nga'aa lu'ú ngu' bi' juani, masi cua ndyacu ngu' cha' bi' nu ngua sa'ni li'; pana lo'o caja cha' tso'o bi' ji'i̱ ma̱ cha' cacu ma̱ ―nacui̱―, ná nga'a̱ cha' tye chalyuu ji'i̱ ma̱ li'.

2 PEDRO 1:17

ngua'ni tlyu ycui' Ndyosi Sti Jesús ji'i̱ yu, ndubi tsa ña'a̱ ngua tyucui ña'a̱ loo Jesús lo'o xee ji'i̱ ycui' Ni li'. Masi ná na'a̱ ya ji'i̱ ycui' Ndyosi nu laca loo ji'i̱ lcaa xu'na chalyuu, pana jlo ti' ya cha' nguti'i̱ Ni cacua ti tsa̱ bi', cha' li' ndyuna ya lo'o nchcui' Ni lo'o ngu'. Ndi'ya̱ nacui̱ Ni: “Nu nde laca Sñi' na' nu tyaca'a tsa 'na. Tso'o tsa ntsu'u tyiquee na' ña'a̱ na' ji'i̱ yu”, nacui̱ Ni.

FILIPENSES 2:13

Tyi'u ti' ma̱ cha' lcaa tsa̱ ndu'ni ycui' Ndyosi cña laja ne' cresiya ji'i̱ ma̱, cha' taca cua'ni ma̱ cña ji'i̱ Ni; jua'a̱ ndu'ni Ni cha' tyaja'a̱ ma̱ cua'ni ma̱ lcaa ña'a̱ nu nti' ycui' Ndyosi cha' cua'ni ma̱.

1 PEDRO 1:24

Ndi'ya̱ nscua cha' lo quityi ji'i̱ ycui' Ndyosi: Ñi'ya̱ laca quixi̱', jua'a̱ laca ñati̱ chalyuu. Lcaa na nu tso'o ña'a̱ nu ntsu'u ji'i̱ ñati̱ laca ñi'ya̱ nti' sca queé nu ndyu'ú ne' quixi̱' ti; ndyanaa quixi̱' bi', li' ndye queé bi', ngüityi tsiya' ti. Lo'o jua'a̱ laca lo'o ñati̱ lo'o lcaa cha' tso'o nu ntsu'u ji'i̱ ngu' nde chalyuu, tye cha' tso'o bi' ji'i̱ ngu' stu'ba ti lo'o ycui' ngu'.

SAN LUCAS 3:22

Ngua'ya Xtyi'i ycui' Ndyosi su ndu̱ Jesús; ñi'ya̱ nu ndyacui sca tyupe', jua'a̱ ngua'ya Xtyi'i ycui' Ndyosi lo xlya hique Jesús. Li' nguañi nchcui' ycui' Ndyosi nde cua̱: ―Sñi' na', tso'o tsa ntsu'u tyiquee na' ña'a̱ na' jinu'u̱. Tyaca'a tsa nu'u̱ jna' ―nacui̱ ycui' Ndyosi ji'i̱ Jesús.

1 TESALONICENSES 1:3

Ntsu'u ti' ya cha' ntsu'u tsa cha' tso'o nu ndyu'ni ma̱, cha' ntsu'u tsa tyiquee ma̱ ña'a̱ ma̱ ji'i̱ tya'a ma̱, xqui'ya cha' ngusñi ma̱ cha' ji'i̱ Jesucristo. Ndalo tsa tyiquee ma̱ xqui'ya cha' jlo ti' ma̱ cha' ntucua Jesucristo nu Xu'na na ca slo ycui' Ndyosi Sti na; bi' cha' xcui' cha' tso'o ndyu'ni ma̱, masi tlyu tsa cña.

COLOSENSES 1:29

Bi' cha' lye tsa ndyu'ni na' cña cuentya ji'i̱ cha' bi'; nguula tsa cña ndyu'ni na', lo'o jua'a̱ tlyu tsa juersa nda ycui' Cristo 'na cha' tyu'ú ne' cresiya 'na, cha' talo na' cua'ni na' cña bi'.

SAN JUAN 3:33

Si taquiya' na ji'i̱ cha' nu nda Jesús, li' ndu'ni na lo'o tya'a na cha' liñi tsa laca cha' nu nda ycui' Ndyosi lo'o na.

LOS HECHOS 2:22

’Cu'ma̱ ngu' Israel ―nacui̱ yu―, cua'a̱ jyaca̱ ma̱ ji'i̱ cha' nu chcui' na' lo'o ma̱ juani: Ngu' Nazaret laca Jesús. Nguxtyucua ycui' Ni ji'i̱ yu lo'o ngua'ni yu xcui' cña tonu ca slo ma̱. Ngulacua tsa ti' ma̱ lo'o na'a̱ ma̱ cña tonu bi', lo'o ngua cuayá' ti' ma̱ cha' xcui' cña ji'i̱ ycui' Ndyosi ngua.

SAN JUAN 6:68

Li' nguxacui̱ Simón Pedro cha' ji'i̱ Jesús: ―Cusu' ―nacui̱―, ¿ma nde ntsu'u chaca se'i̱ su tsaa ya cha' cuna ya lcaa ña'a̱ cha' liñi nu nchcui' nu'u̱? Ná nga'a̱ cha' tye chalyuu ji'i̱ ya si cua'a̱ jyaca̱ ya ji'i̱ cha' nu nchcui' nu'u̱ ―nacui̱―.

SAN LUCAS 9:35

Li' nguañi xtyi'i sca ñati̱, pana hora ti ngua cuayá' ti' ngu' cha' nchcui' ycui' Ndyosi laja coo bi'. ―La cui' yu re laca Sñi' na'; tyaca'a tsa yu 'na ―nacui̱ Ni―. Cua'a̱ jyaca̱ ma̱ ji'i̱ cha' nu chcui' yu re lo'o ma̱ ―nacui̱ Ni.

HEBREOS 12:16

Cui'ya ma̱ cuentya cha' ni tsaca ma̱ ná caca ma̱ ñi'ya̱ ngua jyo'o Esaú; ngua'ni lya' ti' yu bi' ji'i̱ ñati̱ ji'i̱ yu, lo'o jua'a̱ ná ndube ti' yu ji'i̱ ycui' Ndyosi. Sñi' clyo ngua yu, pana ndye ndyujui' yu lcaa chacuayá' nu caja ji'i̱ yu nquicha', xqui'ya cha' ngua ti' yu cacu yu masi sca ti ca'ña scuaa; nguñilo'o tya'a ngula yu ji'i̱ yu li'.

GÁLATAS 5:6

Lo'o jua'a̱ si chañi cha' stu'ba ntsu'u cha' ji'na lo'o Jesucristo, li' ná ndu'ni cha' masi ngulacua̱ na, masi ná ngulacua̱ na. Sca ti cha' ndulo tsa ji'na cha' cua'ni na, cha' xñi tso'o la na cha' ji'i̱ ycui' Ni; lo'o li' caca cua'ni na cha' tso'o ti tyu'u tyiquee na ña'a̱ na ji'i̱ tya'a ñati̱ na.

HEBREOS 4:11

Lcaa tsa̱ cua'ni cña ti' na lacua, cha' ña'a̱ ti tyu'u cha' ji'na lo'o ycui' Ni, cha' taca tyi'i̱ tso'o ti na. Ná cua'ni na ñi'ya̱ nu ngua'ni jyo'o cusu' bi', nu ná ndaquiya' tsiya' ti ji'i̱ ycui' Ndyosi, cha' li' ná ngua tyalaa ngu' bi' ca su nacui̱ Ni cha' tsaa ngu'.

COLOSENSES 2:22

Lcaa na bi' ni, na culiji ti laca na bi'; ya' nu cua nguliji bi', nga'aa ña'a̱ na ji'i̱ li'. Nu lo'o nchcui' ngu' jua'a̱, sca cña nu ndyu'ni ñati̱ chalyuu ti laca bi'.

1 CORINTIOS 9:2

masi nti' xa' ñati̱ cha' si'i cña ji'i̱ Ni laca na'; pana cu'ma̱ ngu' Corinto cua nslo ma̱ 'na, cha' cua nda na' cha' ji'i̱ Jesús lo'o ma̱ tya clyo. Chañi cha' bi'. Taca jlo ti' ngu' cha' jua'a̱ laca cña nu ndyu'ni na', lo'o ña'a̱ ngu' ñi'ya̱ ndyaca cha' bi' lo'o ma̱.

1 CORINTIOS 6:13

Ntsu'u chaca cha' nu nchcui' ñati̱: “Taca cacu na lcua ti lo na nu nti' na cacu na”, nacui̱ ngu', “bi' cha' ntsu'u quiji̱ ne' na cha' cua'ni cha'á̱ na bi' lo'o na cacu na”, nacui̱ ngu'. Chañi cha' bi', pana sca ti cuayá' cua'ni tye ycui' Ndyosi ji'i̱ na ndacu na lo'o jua'a̱ ji'i̱ cuaña' ycui' na. La cui' jua'a̱ cua ngüiñá ycui' Ndyosi ji'i̱ tyucui ña'a̱ na lijya̱ na chalyuu, pana si'i cha' culiji ti cuaña' na lo'o ndu'ni suba' na lo'o ñati̱, si'i xqui'ya cha' bi' ngüiñá Ni ji'na; cha' caca na ñati̱ ji'i̱ ycui' Ni, cha' caca Ni nu Xu'na na, bi' cha' cua nda ycui' Ndyosi ji'na lijya̱ na chalyuu.

ROMANOS 4:11

ca tiya' la, li' ngulacua̱ yu jua'a̱. Sca cuayá' ti ngua bi', cha' caca cuayá' ti' ngu' cha' ngua tso'o cresiya ji'i̱ yu cuentya ji'i̱ ycui' Ndyosi, nu lo'o jlya ti ti' yu ji'i̱ Ni. Yala la ngua cha' ngusñi yu cha' ji'i̱ ycui' Ndyosi, tiya' la ngulacua̱ yu. Bi' cha' lcaa ma̱ nu ntsu'u ma̱ xa' tsu' nu ngusñi ma̱ cha' ji'i̱ Jesús, laca ma̱ ñi'ya̱ laca si Abraham laca jyo'o cusu' ji'i̱ ma̱ nu ya̱a̱ chalyuu tya clyo la. Lo'o xñi cua ña'a̱ ca na cha' ji'i̱ Jesús, li' quiñi cha' ji'i̱ ycui' Ndyosi lo'o na cha' caca lubii cresiya ji'na.

SAN JUAN 15:24

Ná ntsu'u qui'ya ji'i̱ ngu' bi' clyo, pana juani ni, cua nguti'i̱ na' slo ngu' bi', cua ngua'ni na' cña nu ná caca ji'i̱ xa' ñati̱ cua'ni; cua na'a̱ ngu' lcaa ña'a̱ cña tonu nu ngua'ni na', bi' cha' liye' ti' ngu' ña'a̱ ngu' jna'. Lo'o jua'a̱ ji'i̱ Sti na' liye' ti' ngu' ña'a̱ ngu' ji'i̱ Ni, bi' cha' cua ndyanu yabe' hichu̱' ngu' bi' ―nacui̱ Jesús―.

SAN JUAN 14:6

―Na' laca̱ nu nclyu'u̱ tyucui̱i̱ ―nacui̱ Jesús li'―, na' nclyu'u̱ lcaa cha' nu liñi ca; na' nda̱ chalyuu tso'o ji'i̱ ngu', chalyuu nu ná nga'a̱ cha' tye. Ná taca ji'i̱ ngu' tyalaa ngu' ca slo ycui' Ndyosi si ná lo'o na' ―nacui̱ Jesús―.

SAN JUAN 11:42

Lcaa tsa̱ cua jlo ti' na' cha' nduna nu'u̱ lcaa cha' nu nchcui' na' lo'o nu'u̱; pana nchcui' na' lo'o nu'u̱ juani xqui'ya ñati̱ nu ndi'i̱ re, cha' taca ca jlya ti' ngu' jna' cha' chañi cha' cua nda nu'u̱ jna' lijya̱a̱ chalyuu.

SAN JUAN 8:18

Tsaca ngu' bi' laca na' ―nacui̱ Jesús―, cha' nchcui' na' cha' liñi cuentya ji'i̱ ycui' ca na'; nu chaca ngu' bi' laca Sti na' nu nda jna' lijya̱a̱ re.

SAN MARCOS 9:7

Lo'o li' ndu'u tucua sca coo nguxi̱i̱ tyucui ña'a̱ hichu̱' ngu' su ndu̱ ngu', li' nguañi nchcui' ycui' Ndyosi lo'o ngu' laja coo bi': ―La cui' yu re laca nu sca ti Sñi' na' ―nacui̱ Ni―, tyaca'a tsa yu 'na. Cua'a̱ jyaca̱ ma̱ ji'i̱ yu re lo'o chcui' yu lo'o ma̱.

SAN MARCOS 1:11

Lo'o li' nguañi nchcui' ycui' Ndyosi ca su ntucua Ni nde cua̱. Ndi'ya̱ nacui̱ Ni: ―Nu sca ca Sñi' na' laca nu'u̱, lo'o jua'a̱ ntsu'u tsa tyiquee na' ña'a̱ na' jinu'u̱ ―nacui̱ ycui' Ni ji'i̱ Jesús―. Tyaca'a tsa nu'u̱ 'na ―nacui̱ Ni.

SAN MATEO 17:5

Pana laja lo'o nchcui' Pedro, li' ndu'u tucua sca coo nu ngati̱ tsa ña'a̱, nu ndubi tsa ña'a̱, ngüixi̱i̱ chu̱' ngu', tyucui ña'a̱ su ndu̱ ngu'. Li' nguañi xtyi'i sca ñati̱. Hora ti ngua cuayá' ti' ngu' bi', cha' nchcui' ycui' Ndyosi lo'o ngu' laja coo bi': ―La cui' yu re laca Sñi' na', tyaca'a tsa yu 'na ―nacui̱ Ni―. Tso'o tsa ntsu'u tyiquee na' ña'a̱ na' ji'i̱ yu. Cua'a̱ tso'o jyaca̱ ma̱ ji'i̱ lcaa cha' nu chcui' Sñi' na' re lo'o ma̱.

SAN MATEO 3:17

Li' nguañi nchcui' ycui' Ndyosi ca su ntucua Ni nde cua̱. Ndi'ya̱ nacui̱ Ni: ―Nu nde laca Sñi' na' ―nacui̱ Ni―. Tyaca'a tsa yu 'na, cha' tso'o tsa ntsu'u tyiquee na' ña'a̱ na' ji'i̱ yu.

SANTIAGO 1:11

Lo'o ndyaa cuichaa nde cua̱, ca tyique' tsa cua̱ li', ndyanaa yaca queé, ndyalú lcaa cucu' queé, ndye cha' tso'o ña'a̱ ji'i̱ li'. La cui' jua'a̱ tye cha' ji'i̱ ngu' culiya'; laja lo'o ndyu'ni cña ti' ngu' cha' tya caja la cha' tso'o ji'i̱ ngu', tye cha' tso'o bi' ji'i̱ ngu' li'.

2 CORINTIOS 4:18

Ná ntsu'u tyiquee na ji'i̱ sca na nu tso'o ña'a̱ ti, cha' ná talo lcaa na nu tso'o ña'a̱ bi' tsiya' ti; na nclyana na ji'i̱ sca cha' nu ná nchca ña'a̱ na ji'i̱ juani ti, pana nde loo la tyu'u tucua cha' bi', ña'a̱ na ji'i̱ li'. Bi' laca nu ná nga'a̱ cha' tye cha' ji'i̱.

SAN MATEO 8:20

Nguxacui̱ Jesús cha' ji'i̱ mstru bi' li': ―Nu naa cuatya' ni, ne' xtyuu ni' ndyu'ú ni'; lo'o jua'a̱ quiñi sube, ne' xlyati̱ ndyu'ú ni'. Pana na' ni, cua nda Ni 'na lijya̱a̱ chalyuu re cha' caca na' ñati̱, lo'o jua'a̱ ná ntsu'u su xtyii na' caja' na', ná ntsu'u su chca'a̱ cña' na'.

SAN MATEO 25:46

Lo'o li' tyaa ngu' bi' ca bilyaa su ná tye cha' chcube' ngu'; pana ngu' nu lubii tyiquee ni, caja chalyuu nu ná nga'a̱ cha' tye tsiya' ti ji'i̱ ngu' bi'.

SAN JUAN 3:15

Lo'o li' cua ña'a̱ ca cu'ma̱ nu xñi ma̱ cha' jna', li' caja chalyuu tso'o ji'i̱ ma̱, chalyuu nu ná nga'a̱ cha' tye ―nacui̱ Jesús ji'i̱ Nicodemo―.

SAN JUAN 6:47

Liñi tsa cha' nu nda na' lo'o ma̱ juani, cha' ñati̱ nu ngusñi cha' ji'i̱ ycui' Ndyosi ni, cua laca ngujui chalyuu nu ná nga'a̱ cha' tye ji'i̱ ngu' ―nacui̱―.

SAN JUAN 6:53

Li' nguxacui̱ Jesús cha' ji'i̱ ngu': ―Liñi tsa cha' nu nda na' lo'o ma̱ juani ―nacui̱―, ná taca ca tso'o cresiya ji'i̱ ma̱ si ná caja lcaa cha' nu ji'i̱ ycui' na' ji'i̱ ma̱, na' nu cua lijya̱a̱ chalyuu cha' caca na' ñati̱. Nga'a̱ cha' tyatí̱ cha' bi' ne' cresiya ji'i̱ ma̱, ñi'ya̱ si cacu ma̱, si co'o ma̱ sca na ―nacui̱ Jesús―.

SAN JUAN 6:62

¿Ñi'ya̱ ta culacua ti' ma̱ lo'o ña'a̱ ma̱ jna' cha' tya'a na' ca su ngutu'u na' clyo, na' nu lijya̱a̱ chalyuu cha' caca na' ñati̱? ―nacui̱ Jesús ji'i̱ ngu' bi'―.