SAN JUAN 6:15 - Chatino Tataltepec

¹⁵ Hora ti ngua tii Jesús cha' ngua ti' ngu' taya' ngu' ji'i̱, cha' tsaa lo'o ngu' ji'i̱ cha' caca yu rey nu caca loo ji'i̱ ngu'. Bi' cha' ndu'utsu' Jesús ndyaa cuaana ti nde ca'ya, ndyaa yu sca ti yu.

SAN JUAN 6:15 Referans Kwoze

SAN JUAN 18:36

―Si laca na' sca rey jua'a̱ ―nacui̱ Jesús―, li' cua nxu̱u̱ tya'a ngu' tya'a ndya'a̱ na' lo'o ngu' judío jua cha' ná xñi ngu' 'na ―nacui̱―. Pana si'i ñati̱ chalyuu laca nu cua ngusta 'na cha' caca na' loo ji'i̱ ngu'.

SAN LUCAS 19:38

―Tso'o tsa ndyu'ni ycui' Ndyosi xqui'ya yu nu lijya̱ re chacuayá' ji'i̱ ycui' Ni nu Xu'na na, cha' caca nu nde loo ji'na ―nacui̱ ngu'―. Ti̱ ti tyi'i̱ lcaa na nu ntsu'u nde cua̱, nu cuentya ji'i̱ ycui' Ni laca. Masi juani ti cua'ni tlyu na ji'i̱ ycui' Ndyosi.

SAN MARCOS 11:9

Ngusi'ya ngu' nu ndyaa nde loo Jesús, ngusi'ya ngu' nu lijya̱ nde chu̱'; lye tsa ndyu'ni chi̱ ngu' loo Jesús: ―Cua'ni tlyu na ji'i̱ ycui' Ndyosi ―nacui̱ ngu'―. Culacua̱ ycui' Ni ji'i̱ nu qui'yu re nu lijya̱ lo'o chacuayá' ji'i̱ ycui' nu Xu'na na. Masi juani ti, cua'ni tlyu na ji'i̱ ycui' Ndyosi ―nacui̱ ngu'―.

HEBREOS 4:13

Ná taca tyu'u cuaana ti cha' tyiquee na, ni tsaca cha' nu ntsu'u ji'na, cha' ná ca cuayá' ti' ycui' Ndyosi ji'i̱ cha' bi'. Ná taca. Ña'a̱ Ni ji'i̱ lcaa ñati̱ nu cua ngüiñá Ni, nu cua ngusta Ni chalyuu; nchca tii Ni lcaa cha' nu ntsu'u ji'na. Ná taca cua'ni na ni sca cña ca slo ycui' Ndyosi cha' tyu'u cuatsi' ti sca cha', cha' nga'a̱ cha' xacui̱ na cha' ji'i̱ ycui' Ni cuentya ji'i̱ lcaa cña nu ngua'ni scaa na nde chalyuu, nu lo'o tye chalyuu ji'na.

SAN JUAN 5:41

’Si'i na nti' na' cha' cua'ni chi̱ ñati̱ loo na' ―nacui̱ Jesús ji'i̱ ngu'―.

SAN JUAN 6:3

Li' ndyaa Jesús sca lo cuati̱i̱, ndyaa tucua xi ca bi' lo'o ñati̱ nu ndyaca tsa'a̱ ji'i̱.

SAN MATEO 5:1

Na'a̱ Jesús cha' quiña'a̱ tsa ñati̱ lijya̱ ngu' slo yu, bi' cha' ndyacui̱ yu ndyaa la yu nde sii' cua'a̱, ndyaca'a̱ yu xi cajua. Lo'o ndyu'u ti'i̱ ngu' nu ndyaca tsa'a̱ ji'i̱ slo,

SAN JUAN 6:22

Ca chaca tsa̱ li', tya ndi'i̱ ñati̱ tsa tlyu ti la cui' ca to' tayu' bi'. Sca ti yaca ni'i̱ bi' na'a̱ ngu' ngutacui to' hitya ngusi̱i̱ la caa, pana jlo ti' ngu' cha' ná ndyaa Jesús ne' yaca ni'i̱ bi' lo'o ngu' nu ndyaca tsa'a̱ ji'i̱; ycui' ti ngu' ndyaa ngu'.