SAN JUAN 5:46 - Chatino Tataltepec

⁴⁶ Yala ti xñi ma̱ cha' jna' si chañi cha' ngusñi ma̱ cha' nu nda jyo'o Moisés bi' lo'o ma̱ ―nacui̱ Jesús li'―. Cha' jna' nguscua jyo'o bi' lo quityi bi',

SAN JUAN 5:46 Referans Kwoze

SAN JUAN 1:45

Li' ndyaa Felipe cha' chcui' lo'o Natanael tya'a ndya'a̱ nu Felipe bi': ―Cua na'a̱ ya ji'i̱ Cristo, nu ñati̱ tlyu nu cua sa'ni nguscua jyo'o Moisés cha' ji'i̱ lo quityi ji'i̱ ycui' Ndyosi ―nacui̱ Felipe―. La cui' cha' ji'i̱ yu bi' cua nchcui' lcaa jyo'o cusu' nu ngua tu'ba ji'i̱ ycui' Ndyosi sa'ni. Jesús naa yu bi', sñi' sca nu naa José. Nazaret laca quichi̱ tyi yu.

SAN LUCAS 24:27

Li' nguxana Jesús ngulu'u yu cha' ji'i̱ ngu', ña'a̱ cha' nu cua nscua lo quityi cusu' cha' ji'i̱ ycui' yu. Nguxana ngu' lo'o quityi nu nguscua jyo'o Moisés, lo'o li' nchcui' ngu' lo lcaa quityi nu nguscua ngu' nu ngua tu'ba ji'i̱ ycui' Ndyosi nu ngua sa'ni.

LOS HECHOS 26:22

Ná sca nti' na' lo cña re, cha' nxtyucua ycui' Ndyosi jna' lcaa tsa̱ cha' culu'u na' cha' ji'i̱ Ni ji'i̱ lcaa ñati̱, masi ji'i̱ ngu' tlyu, masi ji'i̱ ngu' ti'i. La cui' ti cha' nclyu'u na' ji'i̱ ngu' juani ñi'ya̱ nu nguscua jyo'o cusu' nu ngua tu'ba ji'i̱ ycui' Ndyosi nu ngua sa'ni la; cua nguscua ngu' lcaa cha' nu caca nde loo la, lo'o la cui' cha' bi' laca nu nguscua jyo'o Moisés.

GÁLATAS 3:24

Laca cha' cusu' bi' loo ji'na ñi'ya̱ nti' si laca na sca nu sube; ngulu'u cha' cusu' bi' xi cha' liñi ji'na ña'a̱ cuayá' nu ñaa ycui' Cristo. Pana juani cua'ni Cristo cha' caca tso'o cresiya ji'na cuentya ji'i̱ ycui' Ndyosi, ñi'ya̱ nu nti' ycui' Ni cha' caca na nu lo'o jlya ti' na ji'i̱ nu Cristo bi'.

GÁLATAS 3:13

Cua ngulo Cristo ji'na ji'i̱ yabe' nu ngusta ycui' Ndyosi hichu̱' na xqui'ya cha' ná ndaquiya' na ji'i̱ lcaa cha' tsiya' ti nu nda Ni lo'o na; yabe' nu ntsu'u ji'na bi' cua ndyanu hichu̱' ycui' Jesús li'. Ndi'ya̱ nscua cha' lo quityi ji'i̱ ycui' Ndyosi: “Si tlyu tsa yabe' ntsu'u ji'i̱ sca ñati̱, ntsu'u cha' cujui'i̱ ca'a̱ ngu' ji'i̱ ña'a̱ lu'ú ti lo sca yaca ndu̱ cha' cajaa yu”.

GÁLATAS 3:10

Pana cua ña'a̱ ca ñati̱ nu tsa bi' ti cña nti' cha' taquiya' ji'i̱ cha' cusu' nu nguscua jyo'o Moisés, tyanu yabe' hichu̱' ñati̱ bi', cha' ndi'ya̱ nchcui' quityi ji'i̱ ycui' Ndyosi: “Tyanu yabe' hichu̱' lcaa ñati̱ si ná taquiya' ngu' ji'i̱ lcaa ca cha' nu nscua lo quityi bi'”.

GÁLATAS 2:19

Lo'o na' ni, ná nchca cua'ni na' lcaa cha' cusu' bi', bi' cha' cua ndye cha' jna' lo'o cha' bi'; juani xcui' ndi'i̱ na' chalyuu cha' cua'ni na' lcaa ña'a̱ cña nu nti' ycui' Ndyosi cha' cua'ni na'.

ROMANOS 10:4

Pana cua ñaa Jesús chalyuu juani, cua ngusñi na cha' ji'i̱ yu, bi' cha' taca ca tso'o cresiya ji'na cuentya ji'i̱ ycui' Ndyosi; nga'aa nti' cha' taquiya' tsa na cha' cusu' nu cua nda jyo'o Moisés bi', cha' si jua'a̱ taca ca tso'o cresiya ji'na.

SAN JUAN 5:47

pana ná ngusñi ma̱ tsiya' ti cha' nu nguscua jyo'o bi'. Lo'o jua'a̱ ¿ñi'ya̱ cua'ni ma̱ cha' xñi ma̱ cha' nu chcui' na' lo'o ma̱ lacua?