SAN JUAN 5:37 - Chatino Tataltepec

³⁷ Jua'a̱ ngulu'u liñi Sti na' cha' 'na ji'i̱ ma̱, cha' la cui' Sti na' laca nu cua nda jna' lijya̱a̱. Lo'o cu'ma̱ ni, bilya cuna ma̱ cha' nu nchcui' Ni, bilya ña'a̱ ma̱ ji'i̱ ycui' Ni.

SAN JUAN 5:37 Referans Kwoze

SAN JUAN 8:18

Tsaca ngu' bi' laca na' ―nacui̱ Jesús―, cha' nchcui' na' cha' liñi cuentya ji'i̱ ycui' ca na'; nu chaca ngu' bi' laca Sti na' nu nda jna' lijya̱a̱ re.

SAN JUAN 1:18

Ni sca ñati̱ ná na'a̱ ngu' ji'i̱ ycui' Ndyosi; sca ti Jesús nu ngulu'u ji'na ñati̱ chalyuu na ñi'ya̱ laca ycui' Ndyosi. Lo'o nu Jesús bi' ni, laca yu nu sca ti Sñi' ycui' Ndyosi, nu tyaca'a tsa ji'i̱ Ni.

1 TIMOTEO 1:17

Bi' cha' cua'ni tlyu na ji'i̱ ycui' Ndyosi juani, cua'ni chi̱ na loo Ni, cha' ná tye tsa̱ nu laca Ni loo tyucui ña'a̱ chalyuu; ná tye cha' ji'i̱ ycui' Ndyosi, cha' ná ntsu'u cha' cajaa Ni. Ná nchca ji'na ña'a̱ na ji'i̱ Ni cha' laca na ñati̱ chalyuu ti, pana sca ti ycui' Ni laca ycui' Ndyosi. Jua'a̱ laca cha' ji'i̱ Ni tu'ni.

1 TIMOTEO 6:16

Ná ntsu'u cha' cajaa ycui' Ndyosi tsiya' ti, ná tye cha' ji'i̱ Ni. Ndubi tsa ña'a̱ xee ca su ntucua ycui' Ndyosi, ni ná ntsu'u ñati̱ nu caca tsaa ca slo Ni jua'a̱ ti xqui'ya xee tlyu bi'. La cui' jua'a̱ ná ntsu'u ñati̱ nu cua na'a̱ ji'i̱ ycui' Ndyosi, cha' ná nchca ña'a̱ ñati̱ ji'i̱ Ni nde chalyuu. Bi' cha' cua'ni chi̱ na loo ycui' Ndyosi lacua, cha' laca Ni nu tlyu la. Jua'a̱ laca cha' tu'ni.

SAN MATEO 3:17

Li' nguañi nchcui' ycui' Ndyosi ca su ntucua Ni nde cua̱. Ndi'ya̱ nacui̱ Ni: ―Nu nde laca Sñi' na' ―nacui̱ Ni―. Tyaca'a tsa yu 'na, cha' tso'o tsa ntsu'u tyiquee na' ña'a̱ na' ji'i̱ yu.

1 JUAN 4:20

Ngu' nu ñacui̱ ndi'ya̱: “Ntsu'u tsa tyiquee na' ña'a̱ na' ji'i̱ ycui' Ndyosi”, lo'o li' ña'a̱ ti tya liye' ti' ngu' bi' ña'a̱ ngu' ji'i̱ tya'a ngu', cha' cuiñi ti laca nu nchcui' ngu' bi'. Ndi'ya̱ ndyu'u cha' bi': taca ña'a̱ na ji'i̱ tya'a ñati̱ na, pana ycui' Ndyosi ni, bilya ña'a̱ na ji'i̱ Ni tsiya' ti; bi' cha' lacua, si ná ntsu'u tyiquee na ña'a̱ na ji'i̱ tya'a ngusñi na cha' ji'i̱ Jesucristo, li' ná taca ñacui̱ na cha' ntsu'u tyiquee na ña'a̱ na ji'i̱ ycui' Ndyosi Sti na.

1 JUAN 4:12

Ni sca ñati̱ chalyuu, bilya ña'a̱ ngu' ji'i̱ ycui' Ndyosi; pana taca ca cuayá' ti' na cha' stu'ba ntsu'u tyiquee na lo'o Ni juani, nu lo'o ña'a̱ na ji'i̱ lcaa na lo'o tya'a na, cha' ntsu'u tsa tyiquee na ña'a̱ na ji'i̱ tya'a ñati̱ na. Ñi'ya̱ ntsu'u tsa tyiquee Jesucristo ña'a̱ yu ji'i̱ ñati̱ chalyuu, jua'a̱ nga'a̱ cha' cua'ni na lo'o tya'a ñati̱ na li'.

SAN JUAN 14:9

―Felipe ―nacui̱ Jesús ji'i̱―, cua tyu̱u̱ tsa tsa̱ ndi'i̱ na' lo'o cu'ma̱, ¿ha tya lyiji tyuloo ma̱ jna'? ―nacui̱―. Cua na'a̱ ma̱ 'na, bi' cha' jua'a̱ ji'i̱ Sti na' cua na'a̱ ma̱ li'. ¿Na laca nti' nu'u̱ lo'o ndi'ya̱ nchcui' nu'u̱ lo'o na': Culu'u nu'u̱ ji'i̱ Sti nu'u̱ ji'i̱ ya? ―nacui̱ Jesús ji'i̱ Felipe―.

SAN JUAN 6:27

Tso'o la ―nacui̱ Jesús li'―, si cua'ni cña ti' ma̱ cha' caja sca cha' nu talo ji'i̱ ma̱; chañi cha' tyaala' ti' ma̱ li', si caja chalyuu nu ná nga'a̱ cha' tye ji'i̱ ma̱. Nu na cacu na ni, xtyi'i ti talo na bi', yala ti quiñu'u̱ na bi'. Pana na' nu lijya̱a̱ cha' caca na' ñati̱, ta na' sca cha' tso'o ji'i̱ ma̱ nu cua'ni cha' tyaala' ti' ma̱, lo'o ná tye tsiya' ti cha' bi' ji'i̱ ma̱ ―nacui̱―. Na cua nda ycui' Ndyosi Sti na' chacuayá' jna' cha' ta na' cha' tso'o bi' ji'i̱ ma̱.

SAN MATEO 17:5

Pana laja lo'o nchcui' Pedro, li' ndu'u tucua sca coo nu ngati̱ tsa ña'a̱, nu ndubi tsa ña'a̱, ngüixi̱i̱ chu̱' ngu', tyucui ña'a̱ su ndu̱ ngu'. Li' nguañi xtyi'i sca ñati̱. Hora ti ngua cuayá' ti' ngu' bi', cha' nchcui' ycui' Ndyosi lo'o ngu' laja coo bi': ―La cui' yu re laca Sñi' na', tyaca'a tsa yu 'na ―nacui̱ Ni―. Tso'o tsa ntsu'u tyiquee na' ña'a̱ na' ji'i̱ yu. Cua'a̱ tso'o jyaca̱ ma̱ ji'i̱ lcaa cha' nu chcui' Sñi' na' re lo'o ma̱.

SAN JUAN 15:24

Ná ntsu'u qui'ya ji'i̱ ngu' bi' clyo, pana juani ni, cua nguti'i̱ na' slo ngu' bi', cua ngua'ni na' cña nu ná caca ji'i̱ xa' ñati̱ cua'ni; cua na'a̱ ngu' lcaa ña'a̱ cña tonu nu ngua'ni na', bi' cha' liye' ti' ngu' ña'a̱ ngu' jna'. Lo'o jua'a̱ ji'i̱ Sti na' liye' ti' ngu' ña'a̱ ngu' ji'i̱ Ni, bi' cha' cua ndyanu yabe' hichu̱' ngu' bi' ―nacui̱ Jesús―.

SAN MARCOS 1:11

Lo'o li' nguañi nchcui' ycui' Ndyosi ca su ntucua Ni nde cua̱. Ndi'ya̱ nacui̱ Ni: ―Nu sca ca Sñi' na' laca nu'u̱, lo'o jua'a̱ ntsu'u tsa tyiquee na' ña'a̱ na' jinu'u̱ ―nacui̱ ycui' Ni ji'i̱ Jesús―. Tyaca'a tsa nu'u̱ 'na ―nacui̱ Ni.

SAN LUCAS 3:22

Ngua'ya Xtyi'i ycui' Ndyosi su ndu̱ Jesús; ñi'ya̱ nu ndyacui sca tyupe', jua'a̱ ngua'ya Xtyi'i ycui' Ndyosi lo xlya hique Jesús. Li' nguañi nchcui' ycui' Ndyosi nde cua̱: ―Sñi' na', tso'o tsa ntsu'u tyiquee na' ña'a̱ na' jinu'u̱. Tyaca'a tsa nu'u̱ jna' ―nacui̱ ycui' Ndyosi ji'i̱ Jesús.

SAN LUCAS 24:27

Li' nguxana Jesús ngulu'u yu cha' ji'i̱ ngu', ña'a̱ cha' nu cua nscua lo quityi cusu' cha' ji'i̱ ycui' yu. Nguxana ngu' lo'o quityi nu nguscua jyo'o Moisés, lo'o li' nchcui' ngu' lo lcaa quityi nu nguscua ngu' nu ngua tu'ba ji'i̱ ycui' Ndyosi nu ngua sa'ni.

SAN JUAN 5:32

Ntsu'u chaca nu jlo ti' cha' liñi laca cha' nu nchcui' na', lo'o jua'a̱ jlo ti' na' cha' liñi nchcui' nu bi' ―nacui̱―.

1 JUAN 5:9

Ntucuá na ji'i̱ cha' nu nchcui' ñati̱ chalyuu lo'o na, pana juani ndulo la cha' nu nda ycui' Ndyosi lo'o na. Ca ta'a sna cha' nu nda ycui' Ndyosi, lcaa cha' bi' nchcui' cha' sca ti Jesucristo laca Sñi' ycui' Ndyosi.