SAN JUAN 4:9 - Chatino Tataltepec

⁹ ―Ngu' judío laca nu'u̱ ―nacui̱ nu cuna'a̱ bi'―, lo'o na', ngu' Samaria laca na'. ¿Ni cha' laca ndijña nu'u̱ hitya jna' cha' co'o nu'u̱? ―nacui̱ nu cuna'a̱ bi'. Nacui̱ jua'a̱ cha' ná ntsu'u cha' ji'i̱ ngu' Samaria lo'o ngu' judío tyempo bi'.

SAN JUAN 4:9 Referans Kwoze

LOS HECHOS 10:28

Nda Pedro cha' lo'o ngu' bi' li': ―Jlo ti' ma̱ cha' ná ntsu'u chacuayá' ji'i̱ cua nu laca ya ngu' judío, cha' tyu'u ti'i̱ ya lo'o cu'ma̱ ngu' xa' tsu' ―nacui̱ Pedro ji'i̱ ngu'―. Ná ntsu'u chacuayá' tyatí̱ ya ni'i̱ ji'i̱ ngu' xa' tsu' ―nacui̱―. Pana cua ngulu'u ycui' Ndyosi jna' cha' ná tso'o chcui' na' ji'i̱ xa' ñati̱ cha' ñati̱ cuxi laca ngu', cha' si'i ñati̱ lubii laca ngu', masi ngu' xa' tsu' laca ngu'.

SAN JUAN 8:48

Li' nguxtyacui ngu' judío cha' lo'o Jesús: ―Liñi cha' nu nchcui' ya jinu'u̱ juani, cha' ngu' Samaria laca nu'u̱. Ñi'ya̱ nti' sca nu xña'a̱, jua'a̱ nti' nu'u̱ ―nacui̱ ngu' li'.

SAN MATEO 10:5

Ngulo Jesús cña ji'i̱ nu tii tyucuaa tya'a ngu' bi' ndi'ya̱: ―Ná tsaa ma̱ tyucui̱i̱ nde xa' tsu' su ndi'i̱ ngu' nu ná ntsu'u cha' ji'i̱ lo'o ycui' Ndyosi tsiya' ti, ni ná tsaa ma̱ quichi̱ tyi ngu' Samaria ―nacui̱ Jesús ji'i̱ ngu' bi'―.

LOS HECHOS 1:8

Juani xa' chcui' na' lo'o ma̱, cha' caja ñi'ya̱ cua'ni ma̱ nu lo'o tyanu Xtyi'i ycui' Ndyosi ne' cresiya ji'i̱ ma̱, cha' li' taca chcui' ma̱ cha' tso'o lo'o lcaa ñati̱, nu cha' ji'i̱ ycui' na'. Chcui' ma̱ lo'o ngu' nde quichi̱ Jerusalén, jua'a̱ lo'o ngu' loyuu su cuentya Judea, jua'a̱ lo'o ngu' loyuu cacua ti nu naa Samaria bi'; chcui' ma̱ lo'o ngu' lcaa quichi̱ su ndi'i̱ ngu' chalyuu.

SAN JUAN 4:27

Li' xa' ya̱a̱ ñati̱ nu ndyaca tsa'a̱ ji'i̱, ndube tsa ti' ngu' cha' ntucua Jesús ndya cha' lo'o sca nu cuna'a̱. Pana ná nchcuane ngu' ji'i̱ nu cusu' bi': ¿Ni cha' nti' nu cuna'a̱ cua lo'o nu'u̱? ¿Ni cha' nda nu'u̱ lo'o nu cuna'a̱ cua?

SAN LUCAS 10:33

Lo'o la cui' tyucui̱i̱ bi' ndya'a̱ sca nu qui'yu ngu' Samaria, sca ngu' xa' chalyuu. Lo'o na'a̱ ji'i̱ yu quicha bi', hora ti ngua tya'na ti' ji'i̱ yu.

LOS HECHOS 10:32

Juani culo nu'u̱ cña ji'i̱ ngu' cha' tsaa ngu' quichi̱ Jope; quichi̱ bi' ndyalaa sca nu qui'yu nu naa Simón, lo'o xtañi yu laca Pedro. Tsaa ngu', tsaa cacha' ngu' ji'i̱ yu cha' ca̱a̱ yu ca nde. Cua ndi'i̱ yu to' tyi chaca Simón nu laca cuityi quiji̱ nu ntucua tyi cacua ti to' tyujo'o. Nu lo'o tyalaa yu ca nde, li' culu'u yu sca cha' nu tso'o tsa jinu'u̱.”