SAN JUAN 4:29 - Chatino Tataltepec

²⁹ ―Cajua ti ndu̱ sca ñati̱ nu tii tsa ―nacui̱ nu cuna'a̱ bi'―. Lcua ti lo cña nu ngua'ni na' ya̱a̱ na' chalyuu, lcaa cha' bi' cua ndacha' nu cusu' bi' jna'. ¿Ha bi' nu laca Cristo nu ñati̱ tlyu nu cua ca̱a̱ ti, nti' cu'ma̱?

SAN JUAN 4:29 Referans Kwoze

APOCALIPSIS 22:17

―Tya̱a̱ ma̱ ca nde ―nacui̱ nu laca Xtyi'i ycui' Ni. La cui' jua'a̱ laca cha' nu nda lcaa na nu ngusñi na cha' ji'i̱ ycui' Ndyosi, tyucui ña'a̱ taju ñati̱ tya'a na nu ntsu'u cha' ji'na lo'o nu ñi'ya̱ ña'a̱ xlya' bi'. Lo'o li' la cui' jua'a̱ nga'a̱ cha' chcui' lcaa na nu ndyuna na cha' re: ―Tya̱a̱ cu'ma̱ lo'o cua ―ñacui̱ na li'. Lcaa ñati̱ nu lyiji tsa cha' ji'i̱, tya̱a̱ ngu' cha' co'o ngu' hitya nu ta ycui' Ndyosi ji'i̱ ngu' xlya'be ti; caja chalyuu cucui nu ta ycui' Ndyosi ji'i̱ ngu' li', lcaa ñati̱ nu nti' tsa cha' caja cha' bi' ji'i̱.

SAN JUAN 4:25

Lo'o li' nguxtyacui nu cuna'a̱ bi' cha' lo'o Jesús chaca quiya': ―Nda na' cuentya cha' cua ca̱a̱ ti sca ñati̱ tlyu nu ta ycui' Ndyosi ji'i̱ cha' ca̱a̱ chalyuu, nu caca naa Cristo ―nacui̱―. Lo'o ca̱a̱ yu bi', li' culu'u liñi yu lcaa cha' tucui ji'na.

SAN JUAN 7:31

Masi jua'a̱ ngua'ni ngu' bi', tya ndi'i̱ quiña'a̱ ñati̱ nu ngusñi cha' ji'i̱ yu. Nchcui' ngu' lo'o tya'a ngu' li': ―La cui' ña'a̱ cña tonu cuentya ji'i̱ ycui' Ndyosi ndu'ni yu re, ñi'ya̱ nu nscua lo quityi cha' cua'ni nu ñati̱ tlyu nu cua ca̱a̱ ti; bi' laca yu re, nti' ya ―nacui̱ ngu'.

SAN JUAN 7:26

Lo'o juani ña'a̱ ma̱ ñi'ya̱ nu ndyu'ni yu jua, ndu̱ yu nchcui' yu su ndi'i̱ lcaa ñati̱. Ná nchca ji'i̱ ngu' tsiya' ti cua'a ngu' ji'i̱ yu cha' nga'aa chcui' yu ―nacui̱ ngu' ji'i̱ tya'a ngu'―. ¿Ha ngujui cha' ji'i̱ nu laca loo ji'na lacua, cha' nu jua laca Cristo, nu ñati̱ tlyu nu cua ca̱a̱ ti?

SAN MATEO 12:23

Ndube tsa ti' lcaa ngu' nu na'a̱ ji'i̱ cha' bi' li'. ―¿Ha la cui' nu ñati̱ tya'a ji'i̱ jyo'o David bi' laca nu qui'yu re? ―nacui̱ ngu' ji'i̱ tya'a ngu'.

SAN JUAN 4:28

Li' ngusta nu cuna'a̱ bi' te'í̱ hitya lo yuu, ngutu'u ndyaa lquichi̱; ndyaa cho' ndyaa ndacha' cho' ji'i̱ ngu' quichi̱ cha' tsaa ngu' tsaa na'a̱ ngu' ji'i̱ Jesús.

SAN JUAN 4:30

Li' ngutu'u ngu' ndyaa ngu' ca su ntucua Jesús.

SAN JUAN 4:39

Lo'o jua'a̱ tyu̱u̱ tya'a ngu' Samaria, ngu' ca tyi ni, cua ngusñi ngu' cha' ji'i̱ Jesús xqui'ya cha' nu nda nu cuna'a̱ bi' lo'o ngu': “Lcua ti lo cña nu ngua'ni na' ya̱a̱ na' chalyuu, lcaa cha' bi' nchcui' nu cusu' bi' lo'o na'”, nacui̱ nu cuna'a̱ bi' ji'i̱ ngu'.