SAN JUAN 3:23 - Chatino Tataltepec

²³ Lo'o jua'a̱ nga'a̱ Juan cacua ti, cha' lo'o tya ntyucuatya Juan ji'i̱ ngu'. Sca se'i̱ su naa Enón, ca bi' ngutu̱ Juan, cacua ti ji'i̱ sca se'i̱ su naa Salim. Ca bi' ntyucuatya ji'i̱ ngu' cha' ca bi' ntsu'u tsa hitya. Ndya'a̱ tsa ngu' cha' tyucuatya ji'i̱ ngu'.

SAN JUAN 3:23 Referans Kwoze

SAN LUCAS 3:7

Quiña'a̱ ñati̱ ndyalaa su ndu̱ Juan cha' tyucuatya ngu'. Li' nchcui' Juan lo'o ngu' quiña'a̱ bi': ―Ñi'ya̱ nti' cuaña tyaala, jua'a̱ nti' cu'ma̱ ―nacui̱ Juan―. ¿Ha cua nchcutsi̱i̱ ngu' ji'i̱ ma̱ lacua? ¿Ha juani ndube ti' ma̱ cha' xcube' ycui' Ndyosi ji'i̱ ma̱ lo'o tye chalyuu? ―nacui̱―.

APOCALIPSIS 19:6

Quiña'a̱ tsa ñati̱ nguañi nchcui' tsa tlyu ti li'. Ñi'ya̱ ndañi ndyalú sca sta'a̱ clyaa to' quee jaa' su cua̱ tsa ndyalú hitya, ñi'ya̱ ndañi lo'o cui̱i̱ tsa nchcui' tyi'yu, jua'a̱ nguañi lo'o nchcui' ñati̱ quiña'a̱ bi', ngua ti' na'. Ndi'ya̱ nchcui' ngu' li': Cua'ni tlyu na ji'i̱ ycui' Ndyosi nu Xu'na na, nu lcaa lo cña nchca ji'i̱ Ni ndu'ni Ni, nacui̱ ngu' ji'i̱ tya'a ngu'. Cua nguxana Ni, laca Ni loo ji'na juani;

APOCALIPSIS 14:2

Cui̱i̱ nguañi nde su ntucua ycui' Ndyosi li'; ñi'ya̱ ndañi ndyalú hitya sca sta'a̱ clyaa to' quee jaa' su cua̱ tsa ndyalú hitya, ñi'ya̱ ndañi lo'o lye tsa nchcui' tyi'yu, jua'a̱ nguañi bi', ngua ti' na'. Ndacua ndu̱ tyu̱u̱ tya'a ñati̱ nu tso'o tsa ntyiji'i̱ ya' ngu' lo sañi, ngua ti' na';

APOCALIPSIS 1:15

Ndubi tsa ña'a̱ quiya' Ni, ñi'ya̱ laca lo'o ndubi ña'a̱ chcua̱ ngatsi nu cua ndyaa lo quii', lo'o li' ngusubii ngu' ji'i̱. Nu lo'o nchcui' Ni, ñi'ya̱ laca lo'o ndyalú sca sta'a̱ clyaa to' quee jaa' su cua̱ tsa ndyalú hitya, jua'a̱ nguañi xtyi'i li'.

SAN JUAN 3:22

Tiya' la li' ndyaa Jesús, ndyaa lo'o ñati̱ nu ndyaca tsa'a̱ ji'i̱ yu, nguti'i̱ ngu' xi nde loyuu su cuentya Judea. Ntyucuatya Jesús ji'i̱ ngu' ca bi'.

SAN JUAN 3:24

Tya lyiji su'ba ngu' ji'i̱ Juan ne' chcua̱ tyempo bi'.