SAN JUAN 21:9 - Chatino Tataltepec

⁹ Lo'o ngua'ya ngu' to' hitya, ngutu'u ngu' ne' yaca ni'i̱ bi', li' na'a̱ ngu' cha' cua laca ndyu'u tu'u quii' nchcubi'; nscua cualya nchqui'i lo quii', lo'o xi xlyá nscua.

SAN JUAN 21:9 Referans Kwoze

SAN JUAN 21:13

Li' ndyaa Jesús slo ngu', ndaya' xlyá cha' ta yu cacu ngu' bi'; jua'a̱ lo'o cualya nda yu ndyacu ngu'.

SAN JUAN 21:10

Nchcui' Jesús lo'o ngu' li': ―Tya̱a̱ lo'o ma̱ xi cualya nu ngujui ji'i̱ ma̱ ca nde ―nacui̱ yu ji'i̱ ngu'.

SAN JUAN 18:18

Laja li' nu ngu' msu lo'o ngu' policía bi', cua nguxtyu'u ngu' quii' nchcubi' nde bi', cha' tlya' tsa; ndu̱ ngu' to' lquii' bi', cha' caca chcatsu̱ ngu'. Lo'o Pedro ndu̱ lo'o ngu' bi' li', cha' lo'o nti' caca chcatsu̱ ti' to' lquii'.

SAN MARCOS 8:3

Ná tso'o culo na' cña ji'i̱ ngu' re cha' tyaa ngu' juani, ña'a̱ lo'o jbi'ña ti ndya'a̱ ngu'; nga'aa talo ngu' tya'a̱ ngu' tyucui̱i̱ cha' tyalaa ngu' to' tyi ngu', cha' jua'a̱ ndi'i̱ xi ngu' nu tyijyu' tsa lijya̱ ngu' ―nacui̱ Jesús ji'i̱ ngu' nu ndyaca tsa'a̱ ji'i̱.

SAN MATEO 4:11

Li' ndu'u xu'na cuiñaja ndyaa. Li' ndu'u tucua xca̱ ji'i̱ ycui' Ndyosi cha' xtyucua ngu' ji'i̱ Jesús, cha' ta ngu' xi juersa ji'i̱ yu.

SAN JUAN 6:9

―Ndu̱ sca nu piti qui'yu re ―nacui̱ Andrés―, lo'o xi ca'yu tya'a xlyá teje' ji'i̱, lo'o tucua tya'a cualya sube ji'i̱ ―nacui̱―. Pana ná tyu'u scua cha' bi' cha' cacu ñati̱ quiña'a̱ re ―nacui̱ Andrés ji'i̱ Jesús.

SAN JUAN 6:11

Lo'o li' ndaya' Jesús ji'i̱ xlyá bi', ndya yu xlya'be ji'i̱ ycui' Ndyosi cha' cua nda Ni na cacu ngu'. Li' ngusa'be Jesús xlyá bi', nda yu ji'i̱ ngu' nu ndyaca tsa'a̱ ji'i̱, lo'o ngu' bi' laca nu ndacha xlyá ji'i̱ ngu' quiña'a̱ bi' ca su ndi'i̱ ngu'. Lo'o cualya bi' nda Jesús cacu ngu'. Li' ndyacu ngu' ña'a̱ cuayá' nu nguaala' ti' lcaa ngu'.

SAN JUAN 21:8

Tiya' la ngutu'u nu xa' la ñati̱ bi' lo'o yaca ni'i̱; ndyojolaqui ngu' ji'i̱ taraya ngutsa'á̱ ntsu'u cualya ne', ngutu'u ngu' to' hitya. Ná tyijyu' ntsu'u ngu' to' tayu' bi', cuayá' sca siyento metro ti ndyaa ngu' lo hitya bi'.