SAN JUAN 20:5 - Chatino Tataltepec

⁵ Li' nguxña'a̱ yu ne' tyuquee bi', na'a̱ yu cha' tya ntsiya late' lati loo nu ngüixi̱i̱ ngu' chu̱' jyo'o, pana ná ndyaa yu ca ne' tyuquee bi'.

SAN JUAN 20:5 Referans Kwoze

SAN JUAN 19:40

Ngusta ngu' na tyixi xtyi'i bi' lo sca late' lati loo, li' ngüixi̱i̱ ngu' late' bi' tyucui ña'a̱ hichu̱' jyo'o Jesús, ñi'ya̱ nu ndu'ni ngu' judío nu lo'o nxatsi' ngu' ji'i̱ jyo'o nu ndyijii ji'i̱ ngu'.

SAN JUAN 20:11

Pana nu María bi' ni, ndyanu cho' to' tyuquee bi', ndyunaa tsa cho'. Laja lo'o ndyunaa ti cho', li' nguxña'a̱ cho' nde ne' tyuquee bi',

SAN JUAN 11:44

Li' ngutu'u nu ngua jyo'o bi'; ña'a̱ ti tya ngüixi̱i̱ late' ngati̱ tyucui ña'a̱ hichu̱', ña'a̱ ti tya ndyacu̱' chaca late' loo. ―Xati̱' clya ma̱ late' nu ntsu'u chu̱' yu cua ―nacui̱ Jesús ji'i̱ ngu'―, cha' ta ma̱ chacuayá' tya'a̱ yu.

SAN JUAN 20:4

Tyucuaa ngu' ngusna ngu', pana lye la ngusna nu chaca yu, yala la ngulaa bi' to' cuaá.

SAN JUAN 20:6

Li' ngulaa Simón Pedro to' cuaá lijya̱ lca'a̱ ji'i̱ nu chaca yu bi'. Hora ti ndyatí̱ Pedro ndyaa ne' tyuquee, na'a̱ cha' ndi'i̱ late' lati loo bi' tyuquee bi'.