SAN JUAN 20:29 - Chatino Tataltepec

²⁹ ―Jlya ti' nu'u̱ juani cha' cua na'a̱ nu'u̱ jna' ―nacui̱ Jesús ji'i̱ Tomás―, pana tso'o la caca tyiquee ñati̱ nu jlya ti' 'na lo'o bilya ña'a̱ ngu' 'na.

SAN JUAN 20:29 Referans Kwoze

1 PEDRO 1:8

Ntsu'u tsa tyiquee ma̱ ña'a̱ ma̱ ji'i̱ Jesús, masi bilya ña'a̱ ma̱ ji'i̱ Ni; hasta juani tya lyiji ña'a̱ ma̱ ji'i̱, pana jlya ti' ma̱ cha' lu'ú Ni. Chañi cha' tso'o tsa ntsu'u tyiquee ma̱ juani xqui'ya Jesús, ni ná tye chca cha' chcui' ma̱ lcaa cha' tso'o nu ntsu'u tyiquee ma̱ cuentya ji'i̱ ycui' Jesús lo'o xa' ñati̱.

2 CORINTIOS 5:7

Ndalo na ndi'i̱ na chalyuu xqui'ya cha' jlya ti' na cha' nu nda Ni lo'o na, si'i na cua na'a̱ na ñi'ya̱ caca cha' nde loo la.

HEBREOS 11:1

Na jlya ti' na ji'i̱ sca cha' lo'o ndu̱ ti' na cha' caca cha' bi', nu lo'o jlo ti' na cha' caca cha' bi' ji'na, masi bilya ña'a̱ na ji'i̱.

HEBREOS 11:27

Jlya ti' jyo'o Moisés bi' ji'i̱ ycui' Ndyosi, bi' cha' ngutu'u yu loyuu Egipto bi'; ná ndyutsi̱i̱ yu masi ngunasi̱' tsa rey xña'a̱ bi' li', ni ná nguta'a̱chu̱' Moisés tsiya' ti. Ndyalo'o yu ji'i̱ ngu' Israel tyucui̱i̱ tyijyu', ñi'ya̱ si ndyaa lca'a̱ yu ji'i̱ ycui' Ndyosi, masi ná nchca ña'a̱ na ji'i̱ ycui' Ni.

SAN LUCAS 1:45

Tso'o tsa tyiquee nu'u̱ cha' jlya ti' nu'u̱ cha' ji'i̱ ycui' Ndyosi, cha' cua'ni Ni lcaa cha' nu nda ycui' Ni lo'o nu'u̱. Jua'a̱ nacui̱ Elisabet ji'i̱ María.

SAN JUAN 4:48

―¿Ni jacua' jlya ti' ma̱ ji'i̱ ycui' Ndyosi? ―nacui̱ Jesús ji'i̱ nu cusu' bi' li'―. ¿Ha ná jlya ti' ma̱ cha' caca cua'ni Ni cña si ná lo'o cua'ni na' sca cña tonu cha' ña'a̱ cui'ya ma̱ xi ji'i̱?

SAN JUAN 20:8

Li' lo'o nu chaca yu nu ngulaa yala la, lo'o yu bi' ndyatí̱ yu ne' tyuquee, ndyaa na'a̱ yu ñi'ya̱ ña'a̱ ne' cuaá. Ca li' jlya tso'o ti' yu;

HEBREOS 11:39

Lo'o nu juani tya ndyi'u ti' na ji'i̱ ngu' bi', ñati̱ nu jua'a̱ jlya tsa ti' ji'i̱ ycui' Ndyosi nu ngua sa'ni; pana ná na'a̱ ngu' bi' lcaa cha' nu cua nacui̱ Ni cha' caca nde loo la,

SAN MATEO 13:16

’Pana tso'o ntsu'u tyiquee ma̱ cha' tya ntucua yaala cloo ma̱, tya ntucua yaala jyaca̱ ma̱, cha' ta tso'o ma̱ cuentya ji'i̱ sca cha' nu nchcui' ycui' Ni.

SAN JUAN 20:28

―Xu'na na' laca nu'u̱, cusu' ―nacui̱ Tomás ji'i̱ Jesús―, lo'o jua'a̱ Ndyosi jna' laca nu'u̱.