SAN JUAN 20:20 - Chatino Tataltepec

²⁰ Li' ngulu'u Jesús tyuu ya' yu ji'i̱ ngu', ngulu'u yu sii' yu ji'i̱ ngu', su ngua quicha yu. Lo'o na'a̱ ngu' nu ngua tsa'a̱ ji'i̱ ycui' nu Xu'na ngu', tso'o tsa ntsu'u tyiquee ngu' li'.

SAN JUAN 20:20 Referans Kwoze

SAN JUAN 16:22

Lo'o jua'a̱ cu'ma̱ ―nacui̱―, xti ti tyempo caca xñi'i̱ ti' ma̱; pana ca̱a̱ na' ca̱a̱ na'a̱ na' ji'i̱ ma̱ chaca quiya', lo'o li' caca chaa ti' ma̱ chaca quiya'. Ná tucui taca cua'a ji'i̱ ma̱ cha' ná caca chaa ti' ma̱ li'.

1 JUAN 1:1

Cua laca ntucua Jesús lo'o ycui' Ndyosi Sti yu nu lo'o nguxana chalyuu tya clyo; la cui' yu laca nu nchcui' ya ji'i̱, nu lo'o nscua ya tilaca laca Jesucristo. Cua jlo tso'o ti' ya cha' bi', cha' cua na'a̱ tso'o ya ji'i̱ yu lo'o cloo ya, cha' stu'ba ti nguta'a̱ ya lo'o yu; cua ndyuloo ya ji'i̱ yu lo'o cua ngua'ni ca'a̱ ya' ya ji'i̱ ycui' yu. Cua nchcui' ya lo'o cu'ma̱ cha' Jesucristo laca nu nda chaca chalyuu cucui ji'i̱ ñati̱.

SAN JUAN 20:27

Li' nchcui' Jesús lo'o ycui' Tomás: ―Cua̱a̱ nu'u̱ ca nde, cojo' sne ya' nu'u̱ su ntucua cuityu ya' na' ―nacui̱―. Ña'a̱ tso'o nu'u̱ su ntucua cuityu ya' na' re. Cua̱a̱ nu'u̱, cojo' ya' sii' na'. Nga'aa cua'ni nu'u̱ cha' ná jlya ti' nu'u̱ 'na, taca jlya tso'o ti' nu'u̱ 'na juani ―nacui̱ Jesús.

SAN JUAN 16:20

Liñi tsa cha' nu ta na' lo'o ma̱ juani ―nacui̱ Jesús ji'i̱ ngu' bi' li'―, cha' chañi xi'ya ma̱, chañi cunaa ma̱ nu lo'o cua ndya'a na', masi chaa ti' xa' la ñati̱ chalyuu. Pana ná cube tsa ti' ma̱, masi xñi'i̱ ti' ma̱; caca chaa ti' ma̱ lo'o tyu'ú na' chaca quiya' li'.

SAN JUAN 19:34

Ña'a̱ cuayá' nu ndyojo' sca sendaru chcua̱ cha sii' Jesús, li' tsiya' ca ndyalú tañi nguxa' lo'o hitya lubii.

SAN MATEO 28:8

Hora ti ndu'u nu ngu' cuna'a̱ bi' to' cuaá bi', ndyaa ngu'. Lo'o jua'a̱ tso'o tsa ntsu'u tyiquee ngu', masi ndyutsi̱i̱ ngu' xi. Ngusna ngu' cha' ndyaa ngu' cacha' ngu' ji'i̱ ngu' nu ndyaca tsa'a̱ ji'i̱ Jesús.

SAN JUAN 20:25

Li' nacui̱ ngu' tya'a ngua tsa'a̱ ji'i̱ Tomás: ―Cua na'a̱ ya ji'i̱ ycui' nu Xu'na na ―nacui̱ ngu'. Li' nchcui' Tomás lo'o ngu': ―Lo'o cua na'a̱ na' ca su ngujuo' ngu' clavo ya' ycui', li' jlya ti' na' cha' la cui' yu laca bi' ―nacui̱―. Lo'o cua ndyojo' sne ya' na' cuityu su ngujuo' ngu' clavo ya' yu, lo'o cua ndyojo' ya' na' ca su ntucua cuityu sii' yu, ca li' jlya ti' na' ―nacui̱ Tomás.