SAN JUAN 20:18 - Chatino Tataltepec

¹⁸ Li' ndyaa María Magdalena su ndi'i̱ ngu' nu ngua tsa'a̱ ji'i̱, ndyaa cacha' ji'i̱ ngu': ―Cua na'a̱ na' ji'i̱ ycui' nu Xu'na na tsa̱ ―nacui̱. Lo'o li' nda nu cuna'a̱ bi' cha' lo'o ngu', lcaa ña'a̱ cha' nu cua nacui̱ Jesús ji'i̱.

SAN JUAN 20:18 Referans Kwoze

SAN LUCAS 24:10

Ndi'ya̱ naa ngu' cuna'a̱ nu ndyaa to' cuaá bi': ndyaa María Magdalena, cuati Juana, lo'o María xtya'a̱ Jacobo, lo'o xi xa' la ngu' cuna'a̱.

SAN MATEO 28:10

―Ná cutsi̱i̱ ma̱ ―nacui̱ Jesús ji'i̱ ngu' bi' li'―. Yaa clya ma̱ cacha' ma̱ ji'i̱ ngu' tya'a na' cha' ntsu'u cha' tsa'a na' nde Galilea; ca bi' tyacua tya'a ngu' lo'o na', ñacui̱ ma̱ ji'i̱ ngu'.

SAN JUAN 20:1

Ndyu'u scua cuacha li', tsa̱ clyo ji'i̱ semana; jua'a̱ tya lyiji quixee tso'o ti, lo'o ngutu'u María Magdalena ndyaa to' cuaá. Na'a̱ cha' cua laca ngutu'u tsu' quee tlyu nu ndyacu̱' to' cuaá bi',

SAN MATEO 27:56

lo'o María Magdalena, lo'o María xtya'a̱ Jacobo xtya'a̱ José, lo'o jua'a̱ xtya'a̱ sñi' Zebedeo, na'a̱ ngu' bi' ñi'ya̱ ngua ji'i̱ Jesús.

SAN JUAN 19:25

Laja li' ndu̱ xtya'a̱ Jesús cacua ti su ngujui'i̱ ca'a̱ ngu' ji'i̱ yu lo crusi bi'. Ndu̱ lo'o sca nu cuna'a̱ tya'a ngula, lo'o María clyo'o Cleofas, lo'o María Magdalena.