SAN JUAN 20:1 - Chatino Tataltepec

¹ Ndyu'u scua cuacha li', tsa̱ clyo ji'i̱ semana; jua'a̱ tya lyiji quixee tso'o ti, lo'o ngutu'u María Magdalena ndyaa to' cuaá. Na'a̱ cha' cua laca ngutu'u tsu' quee tlyu nu ndyacu̱' to' cuaá bi',

SAN JUAN 20:1 Referans Kwoze

SAN MARCOS 16:9

La cui' tsa̱ clyo ji'i̱ semana ngua bi' lo'o ndyu'ú Jesús chaca quiya'. Clyo ndyu'u tucua yu slo María Magdalena. Tya tsubi' la cua ngua'ni yu jo'o ji'i̱ nu María bi', cua ngulo yu cati tya'a cui'i̱ cuxi nu ngusñi ji'i̱ nu cuna'a̱ bi'.

SAN MATEO 27:60

Nguxatsi' yu ji'i̱ jyo'o bi' ne' sca tyuquee nu cua ngulu ca ti ngu' sii' cua'a̱, cha' caca cuaá su tyatsi' ycui' José nquicha'. Ndacu̱' José bi' to' cuaá lo'o sca quee tonu, ndu'u yu ndyaa yu li'.

SAN MARCOS 15:46

Li' ngüi'ya José sca tasá tso'o tsa ña'a̱; nda'ya nu cusu' ji'i̱ jyo'o bi', ngüixi̱i̱ tasá cucui hichu̱' jyo'o. Li' ndyaa lo'o ji'i̱ ca sca tyuquee nu ngulu ngu' nde sii' cua'a̱, nguxatsi' ji'i̱ jyo'o Jesús ne' tyuquee bi'. Li' nguxasu ngu' sca quee tonu to' tyuquee bi', tachaa ndacu̱' ngu' ji'i̱ li'.

SAN JUAN 20:26

Li' cua ndu'u scua snu' tsa̱, ndyalaa ngu' nu ngua tsa'a̱ ji'i̱ Jesús toni'i̱ chaca quiya'; lo'o Tomás ndi'i̱ lo'o ngu' li'. Cua ndyacu̱' toni'i̱, li' ndyatí̱ Jesús ni'i̱ jua'a̱ ti, ndyatu̱ yu slo ngu' bi'. Li' nchcui' yu lo'o ngu': ―Ti̱ ti tyi'i̱ tyiquee ma̱.

SAN JUAN 19:25

Laja li' ndu̱ xtya'a̱ Jesús cacua ti su ngujui'i̱ ca'a̱ ngu' ji'i̱ yu lo crusi bi'. Ndu̱ lo'o sca nu cuna'a̱ tya'a ngula, lo'o María clyo'o Cleofas, lo'o María Magdalena.

APOCALIPSIS 1:10

Tsa̱ clyo ji'i̱ semana ngua, tsa̱ ji'i̱ ycui' nu Xu'na na, li' tyucui ña'a̱ na' ngua tii na' cha' ngua'ya Xtyi'i ycui' Ndyosi lo na' tsiya' ti; nga'aa ngua cua'ni na' xa' la cha'. Li' ndyuna na' cha' nchcui' tsaca ñati̱ nde chu̱' su ndu̱ na'; cui̱i̱ ngusi'ya bi' lo'o nchcui', ñi'ya̱ ndañi nclya'á ngu' sca cui'chcua̱.

SAN MATEO 27:64

Bi' cha' tso'o la si culo nu'u̱ cña cha' tyi'i̱ ngu' cua̱ to' cuaá bi' sna tsa̱, cha' ná ta ngu' chacuayá' ji'i̱ ngu' nu ngua tsa'a̱ ji'i̱ yu, cha' ná tsaa ngu' bi' cuaana ngu' ji'i̱ jyo'o bi'. Ná caja ñi'ya̱ nu chcui' ngu' cha' cua ndyu'ú jyo'o bi' chaca quiya' li'. Cua ngusñi ngu' cha' cuiñi nu nchcui' jyo'o bi' tya tsubi' la; lo'o juani si jlya ti' ñati̱ cha' ndyu'ú jyo'o bi', tlyu la cha' cuiñi caca si xñi ngu' cha' bi'.

1 CORINTIOS 16:2

Tsa̱ clyo nu nxana sca semana, li' tso'o si lcaa ma̱ xñi ma̱ xi xcaya' ma̱, caya' nu cua ngujui ji'i̱ ma̱ semana nu ndye. Tyuco'o bi' li', lo'o li' ná ntsu'u cha' xti'i̱ ma̱ msta̱ bi' yala ntchaa ti nu lo'o tyalaa na'.

LOS HECHOS 20:7

Lo'o ngua tsa̱ domingo, li' ndyu'u ti'i̱ ngu' nu ntsu'u cha' ji'i̱ lo'o Jesús cha' stu'ba ti cacu ngu' si̱i̱. Nclyu'u Pablo cha' ji'i̱ ycui' Ndyosi ji'i̱ ngu' li'; hasta ca cla'be talya nclyu'u yu ji'i̱ ngu', xqui'ya cha' chaca tsa̱ cua tyaa ti ya li'.

SAN MATEO 27:56

lo'o María Magdalena, lo'o María xtya'a̱ Jacobo xtya'a̱ José, lo'o jua'a̱ xtya'a̱ sñi' Zebedeo, na'a̱ ngu' bi' ñi'ya̱ ngua ji'i̱ Jesús.

SAN MATEO 27:66

Li' ndu'u ngu' nu laca loo bi', ndyaa ngu' lo'o sca taju sendaru ji'i̱ ngu', ndacu̱' tachaa ngu' to' cuaá bi' lo'o sca lo nguiña' tacalya nu ntsu'u sello ji'i̱, cha' ná cala' ngu' tsiya' ti quee tonu nu ndyacu̱' to' cuaá bi'. Li' nguxtyanu ngu' ji'i̱ taju sendaru bi' cajua, cha' tyi'i̱ ngu' cua̱ to' cuaá bi'.

SAN MATEO 28:1

Nu lo'o cua ndye tsa̱ nu ndi'i̱ cña' ngu', cua quixee ti tsa̱ clyo ji'i̱ semana, li' ndyaa María Magdalena lo'o nu chaca María bi', cha' nti' ngu' ña'a̱ ngu' su nguatsi' jyo'o Jesús.

SAN MATEO 28:2

Li' ngulacui̱ tsa chalyuu, cha' ngua'ya sca xca̱ ji'i̱ ycui' nu Xu'na na nu ntsu'u nde cua̱, ngua'ya lo yuu ca to' cuaá bi'. Li' nguxasu ji'i̱ quee tonu nu nscua to' cuaá, ndyaa tucua yu chu̱' quee bi'.

SAN JUAN 11:38

Ca chaca quiya' xñi'i̱ tsa ñaa xtyi'i Jesús, lo'o li' ndyaa yu ca to' cuaá. Sca tyuquee laca, lo'o ndu̱ sca quee tlyu ndyacu̱' tu'ba tyuquee bi'.

SAN JUAN 11:41

Li' ngulotsu' ngu' quee nu ndyacu̱' tu'ba tyuquee bi'. Li' nguxña'a̱ Jesús nde cua̱. ―Sti na' ―nacui̱ Jesús li'―, tsa xlya'be hi̱ cha' cua ndyuna nu'u̱ cha' nu nchcui' na' lo'o nu'u̱.