SAN JUAN 2:1 - Chatino Tataltepec

^1-2 Lo'o ngua sna tsa̱, li' ndyaa xtya'a̱ Jesús su ngujui clyo'o ngu' ca quichi̱ Caná nde loyuu su cuentya Galilea. Lo'o jua'a̱ cua nguane ngu' ji'i̱ Jesús lo'o ji'i̱ nu ngu' nu ndyaca tsa'a̱ ji'i̱, bi' cha' lo'o ngu' bi' ndyaa ngu' ta'a.

SAN JUAN 2:1 Referans Kwoze

SAN JUAN 4:46

Lo'o li' xa' ndyaa Jesús ca quichi̱ Caná loyuu su cuentya Galilea chaca quiya'; quichi̱ bi' ngua su ngüiñá Jesús vino lo'o hitya ti, cha' co'o ngu' nu nguti'i̱ ta'a bi'. Ca bi' ntsu'u sca ñati̱ tlyu nu ndya'a̱ ne' xña ji'i̱ rey, pana quicha tsa sñi' ntsiya ca to' tyi nu cusu' bi' nde quichi̱ Capernaum.

SAN JUAN 21:2

Tsa tlyu ti ndyaa Simón Pedro, lo'o Tomás nu Culaca', lo'o Natanael ngu' quichi̱ Cana, sca quichi̱ nu ndi'i̱ nde loyuu su cuentya Galilea; lo'o sñi' Zebedeo, lo'o tya tyucuaa tya'a ngu' nu ngua tsa'a̱ ji'i̱ Jesús, ndyaa ngu' to' tayu' bi'.

SAN JUAN 1:43

Ca chaca tsa̱, li' ngua ti' Jesús tyaa yu nde Galilea. Li' ndyacua tya'a yu lo'o sca nu qui'yu nu naa Felipe: ―Ya'a nu'u̱ lo'o na' ―nacui̱ Jesús ji'i̱ Felipe li'.

SAN MATEO 12:46

Tya nchcui' Jesús lo'o ngu', li' ndyalaa xtya'a̱ lo'o tya'a Jesús, ndu̱ ngu' nde liya' cha' nti' ngu' chcui' ngu' lo'o Jesús.

SAN JUAN 1:29

Ca chaca tsa̱ na'a̱ Juan cha' cua lijya̱ ti Jesús slo. Lo'o li' nacui̱ Juan ji'i̱ ñati̱ nu ndu̱ slo: ―Ña'a̱ tso'o ma̱ ji'i̱ nu cusu' cua ―nacui̱―. Cua ngusubi ycui' Ndyosi ji'i̱ nu cua cha' caca yu sca msta̱ lu'ú, cha' cuityi̱ lcaa qui'ya nu ntsu'u ji'i̱ ñati̱ chalyuu ―nacui̱―.

HEBREOS 13:4

Lcaa ma̱ lo'o tya'a ma̱ nga'a̱ cha' cua'ni tyaca'a ma̱ ji'i̱ clyo'o ma̱; ná cua'ni cuxi ma̱ lo'o clyo'o ma̱, ñi'ya̱ nti' si tyu'u cha' ji'i̱ ma̱ lo'o xa' ñati̱ laja ti. Xcube' ycui' Ndyosi ji'i̱ cua ña'a̱ ca ñati̱ nu cua'ni cha' suba' jua'a̱, jua'a̱ xcube' Ni ji'i̱ ñati̱ nu tyatí̱ yu'u lo'o clyo'o xa' ñati̱.

SAN JUAN 1:35

Ngua chaca tsa̱, xa' ndu̱ Juan, ndu̱ lo'o tucua tya'a ngu' nu ndyaca tsa'a̱ ji'i̱; ya̱a̱ Jesús li'.

SAN JUAN 2:11

Ca quichi̱ Caná nde loyuu su cuentya Galilea ngua cha' bi' lo'o nguxana ngua'ni Jesús cha' tlyu cuentya ji'i̱ ycui' Ndyosi. Lo'o cha' tlyu bi' ngulu'u loo ycui' Jesús ji'i̱ ngu', cha' ña'a̱ ngu' cha' tlyu tsa cha' nu ntsu'u ji'i̱ ycui' yu. Bi' cha' nguxana ngu' nu ndyaca tsa'a̱ ji'i̱ yu, jlya ti' ngu' ji'i̱ ycui' ca Jesús.