SAN JUAN 19:6 - Chatino Tataltepec

⁶ Lo'o sti jo'ó nu laca loo lo'o msu ji'i̱ ngu' ni, cui̱i̱ ngusi'ya lo'o ngu' ji'i̱ Pilato lo'o na'a̱ ngu' ji'i̱ Jesús lijya̱. ―¡Cujuii clya ma̱ ji'i̱ yu! ¡Cujuii clya ma̱ ji'i̱ yu jua! ―nacui̱ ngu' ji'i̱. Nchcui' Pilato lo'o ngu' li': ―Ycui' ca ma̱ yaa lo'o ma̱ ji'i̱ yu cha' cujui'i̱ ca'a̱ ma̱ ji'i̱ lo crusi ―nacui̱ Pilato ji'i̱ ngu'―. Cuentya jna' ná ntsu'u qui'ya ji'i̱ yu.

SAN JUAN 19:6 Referans Kwoze

SAN JUAN 18:31

―Yaa lo'o ma̱ ji'i̱ yu re cha' cua'ni cuayá' ma̱ ji'i̱ yu cuentya ji'i̱ cha' cusu' nu ntsu'u ji'i̱ ycui' ca ma̱ ―nacui̱ Pilato ji'i̱ ngu' li'. Nguxacui̱ nu ngu' judío bi' cha' ji'i̱ Pilato li': ―Ná ntsu'u chacuayá' ji'i̱ ya cha' cujuii ya ji'i̱ sca ñati̱ jua'a̱, cha' ngu' judío laca ya ―nacui̱ ngu'.

SAN JUAN 19:4

Chaca quiya' ngutu'u Pilato ni'i̱ ndyaa su ndi'i̱ ngu' judío. ―Cua lijya̱ yu jua ―nacui̱ Pilato―, lijya̱ lo'o na' ji'i̱ yu jua slo ma̱ chaca quiya', cha' caca cuayá' ti' ma̱ cha' ná ntsu'u qui'ya ji'i̱ yu cuentya jna'.

LOS HECHOS 7:52

Cua nguxcube' jyo'o cusu' ji'na ji'i̱ lcaa jyo'o cusu' nu ngua tu'ba ji'i̱ ycui' Ndyosi cha' nchcui' Ni lo'o ñati̱ cua sa'ni. Cua ndyujuii ngu' bi' ji'i̱ jyo'o cusu' nu nguscua cha' ji'i̱ ycui' Ndyosi ndi'ya̱: “Tyalaa sca ñati̱ nde chalyuu re; xcui' lubii tsa cresiya ji'i̱ yu bi' caca”, nacui̱ jyo'o cusu' bi'. Lo'o jua'a̱ tsubi' ti cua ndyalaa la cui' ñati̱ nu nchcui' quityi cha' ji'i̱. Chiya'a̱ tsa ngua'ni ma̱ nu lo'o ndyujuii ma̱ ji'i̱ yu.

LOS HECHOS 2:23

Cua sa'ni la cua jlo ti' ycui' Ndyosi, tya li' cua nchcui' Ni ñi'ya̱ nu caca ji'i̱ Jesús. Ndacha' lo Ni ji'i̱ ngu' cha' cujuii ñati̱ cuxi ji'i̱ ycui' Jesús. Jua'a̱ ngua li'; tsubi' ti ngusñi ma̱ ji'i̱ yu, ngujui'i̱ ca'a̱ ma̱ ji'i̱ yu lo crusi. Cua ndyujuii ma̱ ji'i̱ yu lo'o nda ma̱ cña ji'i̱ ñati̱ cuxi bi', cha' cua ngua'ni ngu' cña cuxi bi' cuentya ji'i̱ ma̱, ñi'ya̱ nu nacui̱ Ni cha' caca.

SAN JUAN 19:15

Lye tsa nchcui' ngu' judío lo'o Pilato li': ―¡Yaa lo'o ma̱ ji'i̱ yu! ¡Yaa lo'o ma̱ ji'i̱ yu! Cujuii clya ma̱ ji'i̱ yu lo crusi. ―¿Ha nti' ma̱ cha' cujuii ya ji'i̱ rey nu laca loo ji'i̱ ma̱? ―nacui̱ Pilato ji'i̱ ngu'. ―Nga'aa ntsu'u chaca rey nu laca loo ji'na ―nguxacui̱ ngu' ji'i̱―. Sca ti César laca loo ji'na.

SAN LUCAS 23:4

Li' nacui̱ Pilato ji'i̱ ngu' sti jo'ó nu laca loo lo'o ji'i̱ xa' la ngu' nu ndya'a̱ lo'o: ―Ná nquije ni sca cha' cuxi 'na cha' sta na' qui'ya ji'i̱ yu re ―nacui̱ Pilato.

SAN MATEO 27:24

Li' na'a̱ Pilato cha' tyaala tsa ndi'i̱ loo ngu', cha' ñasi̱' tsa ngu'; jua'a̱ ná ntaja'a̱ ngu' cuna ngu' cha' nu nchcui' yu lo'o ngu' tsiya' ti. Bi' cha' ngulo yu cña cha' ca̱a̱ lo'o msu ji'i̱ sca tsi'yu ntsu'u hitya. Li' ndyaati̱ ya' yu slo lcaa ñati̱. ―Lubii tyanu ya' na', cha' si'i cha' jna' cajaa yu nu lubii tyiquee re ―nacui̱ Pilato ji'i̱ ngu'―, cha' ji'i̱ cu'ma̱ laca cha' bi'.

SAN MATEO 27:22

―¿Na laca cua'ni na' lo'o Jesús nu ndu'ni ma̱ Cristo ji'i̱ lacua? ―nacui̱ Pilato li'. ―Cujui'i̱ ca'a̱ ma̱ ji'i̱ lo crusi ―nacui̱ ngu' li'.

SAN MATEO 26:58

Lo'o nu Pedro bi' ni, tyijyu' ti ndu'u lca'a̱ yu chu̱' ngu' bi', hasta ña'a̱ cuayá' nu ndyalaa ngu' ca to' lo'o ji'i̱ xu'na sti jo'ó bi'. Li' ndyatí̱ Pedro ne' lo'o, stu'ba ti ngua'a̱ yu lo'o ngu' policia, cha' nti' yu ña'a̱ yu ñi'ya̱ caca lo'o cua'ni tye ngu' cha' ji'i̱ Jesús.

SAN JUAN 18:3

Bi' cha' ndyaa lo'o Judas ji'i̱ sca taju sendaru lo'o policía nu nda ngu' tlyu ji'i̱ ndyaa, la cui' sti jo'ó nu laca loo bi' lo'o ngu' fariseo. Lo'o xee lámpara, lo'o quii' quityee, lo'o chcua̱ cusu̱u̱ ntucua ya' ngu' ndyaa ngu'. Li' ndyaa lo'o Judas ji'i̱ ngu' bi' ca su ndi'i̱ yaca cuiñii bi'.

SAN JUAN 18:38

Li' nchcui' Pilato lo'o Jesús: ―Ná jlo ti' na' si ntsu'u cha' liñi jua'a̱ nde chalyuu ―nacui̱. Li' ngutu'u Pilato nde liya', ndyaa nde su ndu̱ nu ngu' judío bi' chaca quiya'. ―Cuentya jna', ná ntsu'u qui'ya ji'i̱ yu jua, ná ntsu'u cha' xcube' na' ji'i̱ yu ―nacui̱ Pilato ji'i̱ ngu' judío―.