SAN JUAN 19:5 - Chatino Tataltepec

⁵ Li' ngutu'u Jesús lo'o sne' quiche' ntucua hique yu, lo'o late' cuaa ña'a̱ lacu' yu. ―Ña'a̱ ma̱ ji'i̱ yu cua ña'a̱ ―nacui̱ Pilato li'.

SAN JUAN 19:5 Referans Kwoze

SAN JUAN 19:2

Ngüiñá ngu' sendaru sca sne' quiche' cha' sta ngu' hique Jesús, li' nda ngu' sca late' cuaa ña'a̱ cha' cacu' yu, ñi'ya̱ ña'a̱ si laca yu rey.

HEBREOS 12:2

Xcui' culacua ti' na ñi'ya̱ ngua'ni Jesús; lcaa cha' nu jlya ti' na ni, Jesús laca su̱u̱ lcaa cha' bi'; si jua'a̱, taca jlya ti' na ji'i̱ Ni ña'a̱ cuayá' nu tye chalyuu. Nu ycui' Jesús ni, ná nguta'a̱chu̱' yu ji'i̱ cña nu nga'a̱ cha' cua'ni yu, masi cua jlo ti' yu cha' cua cajaa ti yu lo crusi. Pana tiya' la li', nu lo'o cua ntiji̱loo yu ji'i̱ nu cuxi, tso'o tsa ntsu'u tyiquee yu li'; bi' cha' ná ngua tyuju'u ti' yu tsiya' ti, masi nguxcube' ngu' ji'i̱ yu lo crusi. Lo'o juani cua ndyaa tucua Jesús nde la'a tsu' cui̱ su tlyu ca su ntucua ycui' Ndyosi Sti na.

SAN JUAN 1:29

Ca chaca tsa̱ na'a̱ Juan cha' cua lijya̱ ti Jesús slo. Lo'o li' nacui̱ Juan ji'i̱ ñati̱ nu ndu̱ slo: ―Ña'a̱ tso'o ma̱ ji'i̱ nu cusu' cua ―nacui̱―. Cua ngusubi ycui' Ndyosi ji'i̱ nu cua cha' caca yu sca msta̱ lu'ú, cha' cuityi̱ lcaa qui'ya nu ntsu'u ji'i̱ ñati̱ chalyuu ―nacui̱―.

SAN MATEO 27:29

Li' ngüixi̱i̱ ngu' lti quiche' chu̱' tya'a cha' caca sca sne'; ngusta ngu' sne' bi' hique Jesús, jua'a̱ ngusta ngu' sca yaca quii ya' tsu' cui̱ ji'i̱ yu. Li' ndyatu̱ sti̱' ngu' slo Jesús. Ngua ti' ngu' xtyí lo'o ngu' ji'i̱, bi' cha' ngua'ni ngu' lcaa cha' bi', ñi'ya̱ si laca yu sca rey nde chalyuu. ―Ndyu'ni tlyu ya jinu'u̱ cha' laca nu'u̱ rey ji'i̱ ngu' judío ―nacui̱ ngu' sendaru ji'i̱ Jesús li'.