SAN JUAN 19:1 - Chatino Tataltepec

¹ Li' ngulo Pilato cña cha' tyaa lo'o ngu' ji'i̱ Jesús, cha' ti'í tsa quiji'i̱ ngu' ji'i̱ yu lo'o juata.

SAN JUAN 19:1 Referans Kwoze

SAN MATEO 20:19

Li' tsaa lo'o ngu' bi' 'na slo ngu' xa' tsu' nu laca loo, cha' xtyí lo'o ngu' bi' 'na. Lo'o jua'a̱ quiji'i̱ ngu' bi' 'na lo'o reta, cujui'i̱ ca'a̱ ngu' bi' 'na lo crusi li'. Pana, tsa̱ nchca tyuna, li' tyu'ú na' chaca quiya' ―nacui̱ Jesús.

SAN LUCAS 23:16

Xcube' na' xi ji'i̱ yu clyo, cuati culaá na' ji'i̱ yu li' ―nacui̱ Pilato ji'i̱ ngu'.

SAN LUCAS 18:33

Clyo quiji'i̱ ngu' 'na lo'o reta, cuati cujuii ngu' 'na. Pana tsa̱ nchca tyuna ni, li' tyu'ú na' chaca quiya'; ná tyanu na' lo'o ngu' jyo'o.

SAN LUCAS 23:23

Li' cui̱i̱ la ngusi'ya ngu' nguxacui̱ ngu' cha' ji'i̱ nu Pilato bi', cha' cujui'i̱ ca'a̱ clya ji'i̱ Jesús lo crusi. Lye tsa nchcui' ngu', jua'a̱ sti jo'ó nu laca loo nchcui' tsa ngu', bi' cha' ntaja'a̱ Pilato cua'ni ña'a̱ cha' nu ngua ti' ngu'.

SAN MATEO 23:34

Bi' cha' ta na' ji'i̱ ñati̱ 'na cha' ca̱a̱ ca slo ma̱; masi ngu' nu laca tu'ba 'na, masi ngu' nu jlo ti' cha' jna', masi ngu' mstru nu cuentya jna', ta na' ji'i̱ ngu' cha' ca̱a̱ ngu' ca slo ma̱. Jlo ti' na' cha' tyaala tsa cu'ma̱; cujuii ma̱ ji'i̱ xi ñati̱ bi', cujui'i̱ ca'a̱ ma̱ ji'i̱ xi xa' la ñati̱ bi' lo crusi, quiji'i̱ ma̱ ji'i̱ xi xa' la ñati̱ bi' lo'o reta. Masi ne' laa ji'i̱ ma̱, cua'ni lya' tsa ti' ma̱ ji'i̱ ngu' bi' ña'a̱ cuayá' nu culo'o ma̱ ji'i̱ ngu' bi', cha' ná tyanu ngu' bi' quichi̱ tyi ma̱ tsiya' ti.

1 PEDRO 2:24

Ycui' Cristo laca nu sca ti quiya' ngujui'i̱ ca'a̱ ngu' ji'i̱ lo crusi cha' taca cuityi̱ Ni qui'ya nu ntsu'u ji'i̱ lcaa na, cha' clyaá na ji'i̱ qui'ya nu ntsu'u ji'na; bi' cha' cuentya ji'i̱ Cristo taca tyi'i̱ na chalyuu juani, cha' jua'a̱ tyaja'a̱ na cua'ni na xcui' cha' tso'o nu nti' ycui' nu Xu'na na cha' cua'ni na. Xqui'ya cha' nchcube' ycui' Cristo, bi' cha' ngua ti̱ cha' cuxi nu ntsu'u tyiquee na, ñi'ya̱ nti' lo'o ngua ti̱ cha' quicha na lo'o ndyaca tso'o na.

HEBREOS 11:36

Xa' la tya'a ngu' bi' ni, ti'í tsa nchcui' ngu' ji'i̱ ngu' bi' laja lo'o ngujui'i̱ ngu' cuxi ji'i̱ ngu' bi', masi ngusca̱' ngu' cuxi ji'i̱ ngu' bi' lo'o carena, masi ngusu'ba ngu' ji'i̱ ngu' bi' ne' chcua̱.

2 CORINTIOS 11:24

Calaa tyii ntucua caa quiya' ndya'ni ngu' cuxi cuentya ji'i̱ ngu' judío ni, lo'o jua'a̱ ca'yu quiya' ngujui'i̱ ngu' judío 'na tsa lo cua quiya';