SAN JUAN 18:12 - Chatino Tataltepec

¹² Cua ngua li', lo'o nu sendaru, lo'o xu'na sendaru, lo'o policía ji'i̱ ngu' judío, ntejeya' ngu' ji'i̱ Jesús, tachaa ngusca̱' ngu' ji'i̱ yu li'.

SAN JUAN 18:12 Referans Kwoze

SAN JUAN 18:3

Bi' cha' ndyaa lo'o Judas ji'i̱ sca taju sendaru lo'o policía nu nda ngu' tlyu ji'i̱ ndyaa, la cui' sti jo'ó nu laca loo bi' lo'o ngu' fariseo. Lo'o xee lámpara, lo'o quii' quityee, lo'o chcua̱ cusu̱u̱ ntucua ya' ngu' ndyaa ngu'. Li' ndyaa lo'o Judas ji'i̱ ngu' bi' ca su ndi'i̱ yaca cuiñii bi'.

SAN MATEO 26:57

Li' ndyaa lo'o ngu' tyaala bi' ji'i̱ Jesús slo Caifás, xu'na sti jo'ó. Ni'i̱ bi' cua ndyu'u ti'i̱ lcaa mstru cha' jo'ó lo'o lcaa ngu' cusu' nu laca loo.

LOS HECHOS 21:37

Cua tyatí̱ ti ngu' toni'i̱ ji'i̱ sendaru, li' nchcui' Pablo lo'o xu'na sendaru bi': ―Cusu', cua'ni cha' tso'o ta nu'u̱ chacuayá' chcui' na' xi ―nacui̱ Pablo ji'i̱. ―¿Ha nchca jinu'u̱ chcui' cha' griego? ―nacui̱ xu'na sendaru ji'i̱ Pablo li'. ―Nchca 'na ―nacui̱ Pablo.

LOS HECHOS 21:31

Ngua ti' ngu' cujuii ngu' ji'i̱ Pablo; pana ndyaa xi xa' la ngu' slo nu xu'na sendaru ngu' romano, ndyaa cacha' ngu' ji'i̱ cha' lye tsa nxu̱u̱ tya'a lcaa ngu' quichi̱.

SAN LUCAS 22:54

Lo'o li' ngusñi ngu' ji'i̱ Jesús cha' caca preso, ndyaa lo'o ngu' ji'i̱ nde toni'i̱ ji'i̱ xu'na sti jo'ó. Lo'o Pedro ni, ndyaa lca'a̱ yu ji'i̱ ngu' tyijyu' ti li'.

SAN MARCOS 15:1

Lo'o nguxee chaca tsa̱ tya ndi'i̱ sti jo'ó nu laca loo, lo'o ngu' cusu', lo'o mstru cha' jo'ó, ndi'i̱ lcaa ngu' tisiya cha' chcui' ngu' lo'o tya'a ngu' ji'i̱ cha' bi'. Li' ngusca̱' ngu' ji'i̱ Jesús, ndyaa lo'o ngu' ji'i̱ slo Pilato nu ngua gobernador romano cha' caca cuayá' ji'i̱. Nchcuane Pilato ji'i̱ Jesús li':

SAN MARCOS 14:53

Lo'o li' ndyaa lo'o ngu' ji'i̱ Jesús slo xu'na sti jo'ó. Cua ndyu'u ti'i̱ lcaa sti jo'ó nu laca loo lo'o ngu' cusu' lo'o mstru cha' jo'ó cajua, cua ndyu'u ti'i̱ ngu' slo xu'na sti jo'ó bi'.

SAN MATEO 27:2

Li' ngusca̱' ngu' ji'i̱ Jesús, ndyaa lo'o ngu' ji'i̱ slo Poncio Pilato, nu ngua gobernador romano.

LOS HECHOS 23:10

Lye la nxu̱u̱ tya'a ngu' xqui'ya cha' bi' li'. Ngulacua tsa ti' xu'na sendaru si cujuii ngu' ji'i̱ Pablo, bi' cha' ngulo cña ji'i̱ sendaru cha' tejeya' ngu' ji'i̱ Pablo, cha' xa' tsaa lo'o ngu' ji'i̱ yu ca to' tyi sendaru chaca quiya'.

SAN MATEO 27:27

Lo'o li' ntejeya' ngu' sendaru nu ndu̱ cua̱ slo gobernador bi' ji'i̱ Jesús, ndyaa lo'o ngu' ji'i̱ nde ne' ni'i̱ ji'i̱ gobierno; ndacha' ngu' ji'i̱ lcaa tya'a sendaru nu ndi'i̱ ni'i̱ bi', cha' tyu'u ti'i̱ ngu' su ndu̱ Jesús.

LOS HECHOS 10:1

Ndi'i̱ sca nu qui'yu nu naa Cornelio ca quichi̱ Cesarea; laca Cornelio capitán ji'i̱ sca latya ngu' sendaru nu nacui̱ ngu' cha' latya Italiano laca ngu'.