SAN JUAN 17:24 - Chatino Tataltepec

²⁴ ’Sti na' ―nacui̱ Jesús ji'i̱ ycui' Ndyosi Sti yu―, cua nti' na' cha' tyi'i̱ ñati̱ nu nda nu'u̱ 'na ca su tyucua na'. Li' ña'a̱ ngu' bi' 'na nde su tlyu la su nda nu'u̱ 'na, cha' tyaca'a tsa na' jinu'u̱ tya lo'o tya lyiji xana chalyuu.

SAN JUAN 17:24 Referans Kwoze

SAN JUAN 17:5

Sti na' laca nu'u̱, bi' cha' cua'ni nu'u̱ cha' caca tlyu la na', ñi'ya̱ ngua nu lo'o nguti'i̱ na' lo'o nu'u̱ tya clyo lo'o tya lyiji xana chalyuu. Cua'ni nu'u̱ cha' caca tlyu na', la cui' ñi'ya̱ laca tlyu nu'u̱ ca su ntucua nu'u̱.

SAN JUAN 12:26

Lo'o nti' ñati̱ cua'ni cña 'na ―nacui̱ Jesús li'―, nga'a̱ cha' tsaa ngu' mala nti' na' cha' tsaa, cha' li' taca tyi'i̱ msu bi' 'na ca su ndi'i̱ ycui' na'; lo'o ycui' Sti Na' cua'ni chi̱ Ni loo ngu' nu cua'ni cña 'na li'.

SAN JUAN 14:3

Lo'o jua'a̱ tsa'a na' cha' cua'ni cho'o na' su tyi'i̱ ma̱, li' ca̱a̱ na' lo yuu chaca quiya', ca̱qui'ya na' ji'i̱ ma̱ cha' tyi'i̱ ma̱ lo'o na'.

2 CORINTIOS 4:6

La cui' ycui' Ndyosi laca nu nda xee lubii ji'i̱ Ni cha' tyanu ne' cresiya ji'na; bi' cha' caca cuayá' ti' na lcaa cha' tlyu nu tso'o tsa nu ntsu'u ji'i̱ ycui' Ndyosi, la cui' ti cha' nu nchca tii na cha' ndyu'ni Ni cña ne' cresiya ji'na nu lo'o xñi na cha' ji'i̱ Cristo. Ycui' Ni ngulo Ni cña cha' tyucua xee ca su ngua chalyuu talya nu ngua tya sa'ni la.

1 JUAN 3:2

Cu'ma̱ ngu' tya'a na nu tyaca'a tsa ma̱ 'na, nu juani ti laca na sñi' ycui' Ndyosi; pana bilya caja cha' ji'na ñi'ya̱ nu tso'o la ña'a̱ na, nu lo'o tyi'i̱ na lo'o ycui' Ni nde loo la. Ñi'ya̱ laca ycui' Jesucristo, jua'a̱ caca na lo'o culu'u loo Jesucristo ji'na lo'o cua ndye chalyuu re; li' taca ña'a̱ na ji'i̱ Jesucristo ñi'ya̱ nu laca ycui'. Tsa bi' ti cha' nchca cuayá' ti' na juani.

2 CORINTIOS 3:18

Jua'a̱ laca cha' ji'na, lcaa na lo'o tya'a na nu ntsu'u cha' ji'na lo'o Jesús, tyaca̱' tyijyu' cha' cua nda nu Xu'na na xee nu tyu'u loo na. Pana ná nga'a̱ cha' tyacu̱' sca late' loo na, cha' la cui' cha' tlyu bi' laca nu ña'a̱ ti tya lye la ndyu'ni cña lo'o na cha' cha'a̱ tyucui ña'a̱ na, cha' caca na ñi'ya̱ laca ycui' Ndyosi nu Xu'na na tsiya' ti. Ca slo ycui' nu Xu'na na nu laca Xtyi'i bi', ca bi' ndyu'u nu cha' tlyu bi'.

SAN MATEO 25:21

“Tso'o tsa cña nu ngua'ni nu'u̱”, nacui̱ xu'na msu bi' ji'i̱. “Sca msu tso'o laca nu'u̱, cha' tso'o tsa ndaquiya' nu'u̱ ji'i̱ cha' 'na. Sca cña sube ti nda na' jinu'u̱ tsubi', pana ta na' cña nu cua tlyu la jinu'u̱, cha' cua'ni nu'u̱ nde loo la. Stu'ba ti tyi'i̱ nu'u̱ slo na', cha' stu'ba ti ca tso'o tyiquee nu'u̱ lo'o na'”, nacui̱ xu'na bi' li'.

1 TESALONICENSES 4:17

li' tyacuí̱ lcaa ngu' tya'a na ña'a̱ lu'ú ti na, cha' tyalo'o ycui' Ni ji'na. Ca laja coo nde cua̱ tyacua tya'a na lo'o jyo'o tya'a na li', cha' lcaa na, stu'ba ti tyacua tya'a na lo'o ycui' nu Xu'na na ca bi'. Tsa cu' ti tyi'i̱ na lo'o ycui' Ndyosi li'.

SAN LUCAS 12:37

Tso'o tsa caca ji'i̱ msu bi', si tya tii ngu' nu lo'o tyalaa xu'na ngu' cha' cua'ni clya ngu' cña ji'i̱ xu'na ngu'. Cha' liñi ta na' lo'o ma̱, cha' ndi'ya̱ ñacui̱ xu'na ni'i̱ bi' ji'i̱ ngu' msu ji'i̱: “Cua'a̱ clya ma̱ to' mesa”. Li' cua'ni cña ti' ycui' xu'na ngu' cha' xacu ji'i̱ ngu'.

APOCALIPSIS 3:21

Cua ña'a̱ ca ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu, ta na' su tyucua ñati̱ bi' ca su ntucua na' cha' laca na loo; cha' jua'a̱ na', cua ntiji̱loo na' ji'i̱ nu xña'a̱ bi', lo'o juani nga'a̱ na' slo ycui' Sti na' su laca Ni loo.

1 CORINTIOS 13:12

Jua'a̱ laca cha' ji'na su ndi'i̱ na chalyuu; juani nguxa' ti ndyiji sca cha' ji'i̱ ycui' Ndyosi ji'na, si'i tsa liñi ti nduna na cha' bi'. Ñi'ya̱ nti' si ña'a̱ na ji'i̱ ycui' ca na lo sca cuanaa, tsa lyiji ti ña'a̱ na ji'na; pana nde loo la, li' caca cuayá' tso'o ti' na lcaa cha' bi'. Cua laca ti cha' jlo ti' na juani, pana nde loo la ta na cuentya ji'i̱ lcaa lo cha'; li' tyuloo na ji'i̱ ycui' Ndyosi ñi'ya̱ ndyuloo Ni ji'na.

SAN MATEO 26:29

Liñi tsa cha' nu chcui' na' lo'o ma̱ juani, cha' nga'aa co'o na' vino juani, ña'a̱ cuayá' nu tyalaa tsa̱ bi' lo'o co'o na' ji'i̱ stu'ba ti lo'o cu'ma̱ slo ycui' Ndyosi Sti na', ca su ntucua ycui' Ni nu laca loo.

SAN MATEO 25:34

Ca li' lo'o caca na' loo tsiya' ti, chcui' na' lo'o taju ñati̱ nu ndi'i̱ la'a tsu' cui̱ 'na: “Tya̱a̱ ma̱ ca su ntucua ycui' Ni nu laca loo, lcaa cu'ma̱ nu tso'o tsa nti' ycui' Ndyosi Sti na' ña'a̱ Ni ji'i̱ ma̱, cha' cua ngua'ni cho'o ycui' Ni su tyi'i̱ ma̱ slo Ni, tya lo'o ngüiñá Ni chalyuu.

FILIPENSES 1:23

Tyucuaa lo cha' nti' na' cha' caca 'na lacua: Nti' tsa na' cha' xtyanu na' ji'i̱ chalyuu re, cha' li' taca tyi'i̱ na' lo'o Cristo, cha' bi' nu tso'o la nti' na';

2 CORINTIOS 5:8

Cha' nu tlyu nchca tyiquee na, bi' cha' cua nti' tsa na cha' xtyanu na ji'i̱ chalyuu re su quicha ti ti' na ndi'i̱ na, cha' tsaa na tyi'i̱ na ca slo ycui' nu Xu'na na;

SAN LUCAS 23:43

Nguxacui̱ Jesús cha' ji'i̱ li': ―Chañi cha' nda na' lo'o nu'u̱ ―nacui̱―, juani ti taca tyi'i̱ nu'u̱ lo'o na' ca su tso'o nde cua̱, ca su ntucua ycui' Ndyosi ―nacui̱ Jesús ji'i̱.

SAN JUAN 1:14

Ngua yu bi' ñati̱, la cui' yu nu laca cha' ji'i̱ ycui' Ndyosi. Stu'ba ti nguti'i̱ yu lo'o na nde chalyuu. Cua na'a̱ ya ji'i̱ yu cha' tlyu tsa cha' ntsu'u ji'i̱ yu, cha' laca yu nu sca ti Sñi' ycui' Ndyosi. Xcui' tso'o tsa ndu'ni yu lo'o na, xcui' cha' liñi nchcui' yu.

APOCALIPSIS 21:22

Ná ntucua laa ca quichi̱ bi', ná na'a̱ na' cha' ntucua bi' tsiya' ti. Tso'o cha' ntucua ycui' Ndyosi nu Xu'na na quichi̱ bi', ycui' Ni nu nchca ji'i̱ ndu'ni Ni lcaa lo cña; la cui' jua'a̱ ntucua nu ñi'ya̱ ña'a̱ xlya' bi'. Bi' cha' ni sca laa nga'aa nti' quichi̱ bi'.

SAN MATEO 25:23

“Tso'o tsa cña nu ngua'ni nu'u̱”, nacui̱ xu'na msu bi' ji'i̱ yu. “Sca cña sube ti nda na' jinu'u̱ tsubi', pana ta na' chaca cña nu cua tlyu la jinu'u̱, cha' cua'ni nu'u̱ nde loo la. Stu'ba ti tyi'i̱ nu'u̱ slo na', cha' stu'ba ti ca tso'o tyiquee nu'u̱ lo'o na'”, nacui̱ xu'na yu li'.

SAN JUAN 6:37

Lcaa ñati̱ nu cua nda Sti na' jna', ngu' nu ngusñi cha' jna' ni, caca ngu' bi' ñati̱ 'na li'. Tucuá na' cha' ji'i̱ ngu' bi', ná culo'o na' ji'i̱ ngu' cha' tyaa ngu' chaca se'i̱.

SAN JUAN 6:39

Na cua nti' Sti na' cha' ná chcuna' ni sca ñati̱ nu cua ngusñi cha' 'na. Lo'o li' cua'ni na' cha' tyu'ú ngu' chaca quiya' lo'o cua tye ti chalyuu ―nacui̱―.

SAN JUAN 8:58

―Liñi tsa cha' nu nchcui' na' lo'o cu'ma̱ juani ―nacui̱ Jesús―, cha' cua laca lu'ú na' lo'o ngula jyo'o Abraham bi'.

SAN JUAN 15:9

Ñi'ya̱ nu ntsu'u tyiquee Sti na' ña'a̱ Ni jna', jua'a̱ ntsu'u tsa tyiquee na' ña'a̱ na' ji'i̱ cu'ma̱.

SAN JUAN 17:2

Na cua nda nu'u̱ chacuayá' jna' cha' caca na' loo ji'i̱ lcaa ñati̱, cha' ta na' chaca chalyuu ji'i̱ ñati̱ nu nda nu'u̱ 'na, chalyuu nu ná nga'a̱ cha' tye ―nacui̱ Jesús ji'i̱ ycui' Ndyosi Sti yu―.

SAN JUAN 17:22

Cua ngua'ni nu'u̱ cha' caca tlyu na' nde chalyuu, lo'o jua'a̱ cua ngua'ni na' cha' caca ñati̱ bi' ñi'ya̱ laca ycui' na'. Ñi'ya̱ lo'o stu'ba tsa nchca tyiquee nu'u̱ lo'o na', jua'a̱ nti' na' cha' caca stu'ba tyiquee ngu' bi' lo'o tya'a ngu'.

1 PEDRO 1:21

Xqui'ya Cristo, bi' cha' jlya ti' ma̱ ji'i̱ ycui' Ndyosi, cha' cua ngua'ni ycui' Ni cha' ndyu'ú Cristo chaca quiya' lo'o cua ngujuii yu. Lo'o li' nda ycui' Ndyosi sca su tso'o su tyi'i̱ Cristo, ca su tlyu su ntucua ycui' Ni. Ngua'ni Cristo cña tonu bi', cha' taca xñi ma̱ cha' ji'i̱ ycui' Ndyosi, lo'o li' taca tyu̱ ti' ma̱ cha' caca lcaa ña'a̱ cha' nu nacui̱ Ni cha' caca.