SAN JUAN 16:9 - Chatino Tataltepec

⁹ Cua'ni Xtyi'i ycui' Ni cha' cube ti' ngu' cha' ntsu'u qui'ya ji'i̱ ngu' cuentya ji'i̱ ycui' Ndyosi, xqui'ya cha' jlo ti' ngu' cha' ná ndaquiya' ngu' ji'i̱ cha' nu nchcui' na' ―nacui̱ Jesús―.

SAN JUAN 16:9 Referans Kwoze

HEBREOS 3:12

Cu'ma̱ tya'a ngusñi na cha' ji'i̱ Jesús, ña'a̱si̱i̱ ma̱ ji'i̱ ycui' ca ma̱, cha' ni tsaca ma̱ ná tya'a̱chu̱' ma̱ ji'i̱ cha' ji'i̱ ycui' Ndyosi nu lu'ú ca, cha' ná caca cuxi cresiya ji'i̱ ma̱, ñi'ya̱ si nga'aa taquiya' ma̱ cha' ji'i̱ Ni.

SAN MARCOS 16:16

Nu lo'o xñi ñati̱ cha' 'na, tyucuatya ngu' chacuayá' jna' li', clyaá ngu' bi' ji'i̱ nu cuxi li'. Ñati̱ nu ná tyaja'a̱ xñi cha' 'na tsiya' ti, tyanu qui'ya ji'i̱ ngu' li'.

1 TIMOTEO 1:13

Ngusubi Ni jna', masi suba' tsa nchcui' na' ji'i̱ Ni cua sa'ni la, tyempo lo'o nguxcube' na' ji'i̱ ñati̱ ji'i̱ Jesucristo; tyaala tsa na' nu ngua li'. Pana ná jlo ti' na' tyempo bi', cha' bilya xñi na' cha' tso'o ji'i̱ ycui' Ndyosi, bi' cha' ngua tya'na tsa ti' Ni jna'.

ROMANOS 7:9

Ngua ti' na' cha' tso'o tsa nguti'i̱ na', nu lo'o tya lyiji ca cuayá' ti' na' ni cha' nda cha' cusu' bi'; pana nu lo'o ngua cuayá' ti' na', li' ngua tii na' cha' ntsu'u tsa qui'ya jna'. Na cua chcuna' ti chalyuu 'na ngua li'.

SAN JUAN 16:8

Nu lo'o ca̱a̱ Xtyi'i ycui' Ndyosi lo yuu chalyuu ―nacui̱ Jesús―, cua'ni Ni cha' cube ti' lcua ti tya'a ñati̱ chalyuu cha' ntsu'u qui'ya nu ngusta ycui' Ndyosi ji'i̱ ngu'; jua'a̱ cua'ni Ni cha' tyi'u ti' ñati̱ jna', cha' liñi tsa laca ycui' na'; jua'a̱ cua'ni Ni cha' ca cuayá' ti' ñati̱ cha' ntsu'u cha' cua'ni cuayá' ycui' Ndyosi ji'i̱ lcaa ñati̱ chalyuu ―nacui̱―.