SAN JUAN 16:4 - Chatino Tataltepec

⁴ Cua nchcui' na' lcaa cha' bi' lo'o ma̱ juani, cha' nu lo'o tyalaa tyempo cuxi bi', li' taca tyi'u ti' ma̱ ñi'ya̱ nu cua nchcui' na' lo'o ma̱ juani. ’Tya clyo ná nda na' cha' bi' lo'o ma̱, cha' tya ndi'i̱ na' lo'o ma̱ ―nacui̱ Jesús―.

SAN JUAN 16:4 Referans Kwoze

SAN JUAN 14:29

Jua'a̱ ni na' ji'i̱ ma̱ lo'o tya lyiji caca cha' bi'; pana lo'o cua ndya'a na', li' taca jlya ti' ma̱ cha' bi'.

SAN MARCOS 13:23

Cua ndacha' na' cha' bi' ji'i̱ ma̱ juani, nu tya lyiji caca cha' cuxi bi', cha' cui'ya ma̱ cuentya ñi'ya̱ caca cha' bi', cha' caca tii ti' ma̱ li'.

SAN JUAN 13:19

Na nda ti na' sca cha' lo'o ma̱ juani, nu lo'o tya lyiji caca cha' bi'; lo'o cua ngua jua'a̱, li' caca jlya ti' ma̱ jna', cha' chañi cha' laca na' nu sca ti Sñi' ycui' Ndyosi nu lijya̱ chalyuu, ñi'ya̱ nu ni na' ji'i̱ ma̱.

SAN MATEO 9:15

Li' nguxacui̱ Jesús cha' ji'i̱ ngu' bi': ―Lo'o caja clyo'o ngu' ni, ndacu ngu' nu ndya'a̱ lo'o cutsii; ná ndi'i̱ ngu' xñi'i̱ ti' ngu' tsa̱ bi' lo'o ndi'i̱ ngu' lo'o cutsii ―nacui̱ Jesús ji'i̱ ngu' li'―. Pana nu lo'o tyalaa tsa̱ li', nu lo'o tyaa lo'o ngu' ji'i̱ cutsii, li' ná cacu ngu' tya'a tso'o cutsii, cha' caca xñi'i̱ ti' ngu' li'. La cui' jua'a̱ chaa ti' tya'a tso'o na' juani, pana caca xñi'i̱ ti' ngu' re nde loo la.

SAN MARCOS 2:19

Li' nda Jesús sca cha' lo'o ngu' bi': ―Lo'o caja clyo'o ngu', lo'o ngu' nu ndya'a̱ lo'o cutsii ndacu ngu'; ná ndi'i̱ ngu' ntyute' ti ngu' tsa̱ bi' lo'o ndi'i̱ ngu' lo'o cutsii ―nacui̱ Jesús ji'i̱ ngu' li'―. Chaa ti' ngu' lo'o ndi'i̱ ngu' lo'o.

SAN MATEO 24:25

Cua ndacha' na' cha' bi' ji'i̱ ma̱ juani, nu tya lyiji caca cha' cuxi bi',

2 PEDRO 1:14

cha' cua jlo ti' na' cha' cua tye ti cha' jna' nde chalyuu; cua ndacha' Jesucristo nu Xu'na na 'na cha' cua ngulala ti cajaa na'.

LOS HECHOS 9:16

Culu'u na' ji'i̱ yu ñi'ya̱ cha' ti'í nu tyacua ji'i̱ yu lo'o ta yu cha' jna' lo'o ñati̱.

SAN MATEO 10:7

Ta ma̱ cha' lo'o ngu' lcaa quichi̱ cha' cua tyalaa ti hora cha' caca ycui' Ndyosi loo.

SAN LUCAS 1:2

Lo'o jua'a̱ ntsu'u ngu' nu ngulu'u cha' bi' ji'na; ngu' bi' ni, cua na'a̱ ngu' cha' bi' clyo, tya lo'o nguxana Jesús ngua'ni yu cña, lo'o jua'a̱ ndyaa ngu' nchcui' ngu' cha' ji'i̱ Jesús lo'o lcaa ñati̱.

2 TESALONICENSES 2:5

Cua jlo ti' ma̱ cha' tyu̱u̱ quiya' ngulu'u na' la cui' ti cha' ji'i̱ yu xña'a̱ bi' ji'i̱ ma̱, nu lo'o tya ndi'i̱ na' lo'o cu'ma̱;